مشاهدة النسخة كاملة : يابجاد اللي حصل لي في زماني ماحصلك اتفضل يابجاد الحمادي
الصقر البرازي
22-07-2006, 07:02 AM
حياك الله يابن عمي يابجاد
يابجاد اللي حصل لي في زماني ماحصلك======بين شيل وبين حط وبين رووّح ثم تعال
اااه من ظر ف التعاسه مابقى الا ونتملك=======والله اني مارضيت ولا دفعت ولا ريال
بجاد الحمادى
23-07-2006, 12:24 AM
انت يالصقر البرازى وحد الوالى لعلك =تنفرج ضيقتك من رب البشر منش الخيال
كنت ماشى فى طريق يالسنافى ويش فلك =هاه جاوبنى بعد ما صار للمعنى مجال
الصقر البرازي
23-07-2006, 08:47 AM
انت يالصقر البرازى وحد الوالى لعلك =تنفرج ضيقتك من رب البشر منش الخيال
كنت ماشى فى طريق يالسنافى ويش فلك =هاه جاوبنى بعد ما صار للمعنى مجال
ياهلا يابجاد ويامرحبا
استلم طال عمرك
يابجاد الناس هاذي بالردى قامت تعلك=====مبطنينن للوصاخ ومظهرين احلى جمال
ان بغيته مالقيته وان بغى دوور ودلك=====وان لقى فرصه ثمينه للخطا ميل ومال
00العنود00
23-07-2006, 09:51 AM
يابجاد الناس هاذي بالردى قامت تعلك=====مبطنينن للوصاخ ومظهرين احلى جمال
ان بغيته مالقيته وان بغى دوور ودلك=====وان لقى فرصه ثمينه للخطا ميل ومال
الله الله
صحت السنتكم
انا بصف البراااااااااااازي ولايهون الحمادي
الصقر البرازي
23-07-2006, 01:08 PM
العنود
شرفتينا ياشاعره
وانا وخوي بجاد نرحب بك
بجاد الحمادى
23-07-2006, 02:39 PM
الله الله صح السانك
الردى خله محله وانت خلك فى محلك =جنب اصحاب الرخا عن سكتك يبن الحلال
سود الله وجه رجال ليا جيته يذلك =واعساه اليا انحشر ياخذ كتابه بالشمال
الصقر البرازي
23-07-2006, 07:55 PM
الله الله الله
كلاااااااااااااام طيب من واحدن طيب
استلم سلمك الله
جعل كربات الليالي يارفيقي ماتدلك==هرجتك يشهد بها كل العوارف والرجال
من ضحك نابه وكشر لاتحسبه صافطلك ==يمكن انه طاحنلك سمها لقرب مجال
بعيد المراميس
23-07-2006, 08:56 PM
الصقر البرازي وكلااام ومبدأ كايف
بجاد المادي مرحبآ تراحيب المطر اي والله
وهذي ابرك الساعات انه يكون معنا شاعر بحجمك لاعدمتك
وسجلني في صفك ولا يهون اخوي الصقر
<<<<<<<<<<<<<<< متحيزم وفي يده مشعاب وينظم الصفوف
الصقر البرازي
23-07-2006, 09:11 PM
بعيد المراميس
يهلا بك والله ياهلا
ومرورك وتشجيعك نفخربه كلنا
وتقبل تحياتي
بجاد الحمادى
24-07-2006, 03:08 AM
اخى بعيد المراميس
اشكرك على شعورك
ولايهون اخوي الصقر
لا لقيت اللى يكلك روح قل له لا تكلك = لاتطاوع صيحته لاقال يالصاحب تعال
وان دعاك الصاحب الصادق لصوته روح كلك =ما يبرك للحمول الوافيات الا الجمال
الصقر البرازي
24-07-2006, 01:12 PM
بعض خلق الله حسود ابكل حاجه فاطنلك====حاسدك زين المقال وحاسدك زين الفعال
وبالليالي ماتـهنا بالمنام وساهـرلك====كن ودك تسرقه مع حرمته ويا العيال
فيصل السلمي
24-07-2006, 02:34 PM
الله الله عليكم
صح لسانكم وسلمتوا
واصلوا والصفوف عندنا
الله يكفينا ويكفيكم شر الحساد يارب ويعين اخونا صقر ويفرج همه وهم المسلمين
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir