مشاهدة النسخة كاملة : البررررج تعال
اسامي
22-07-2006, 12:09 AM
مساء الخير للجميع
كان يالبرج ماعندك ونيس ورفيق = سامر ام الكباير عانها ساهره
عقب ماضاق بالك لايضيق الطريق = مالك ألا الشعر وانته ترى شاعره
جلدي جلدي اذا متواجد
برج المملكه
22-07-2006, 12:41 AM
تفضل و جلدي جلدي :)
مايعرف الصداقه غير قلب الصديق=وآحلالاه يا المصياف في القاهره
مايضيق الطريق و خاطري مايضيق=والشعر سحر وانت السحر ياساحره
اسامي
22-07-2006, 01:57 AM
ههههههه
طيب دوك
كان قلبك مولع يارفيقي حريق = العوض قدم واحجز مقعد الطايره
كثروا عيال بقعا لين صاروا فريق = والحكم ضيّع الساعه مع الصافره
برج المملكه
22-07-2006, 02:23 AM
ههههههههههه الله الله
عندك :)
ليت وان المسافه من عفيف لبقيق=كان ماحتاج طيّاره ولا باخره
لو فزع له زمانه كان راحوا طقيق=مار عيّا ووطّاها على صابره
العسجديه
22-07-2006, 02:33 AM
برج المملكه واسامي
اقطاب الابــــداع والجـــزاله
اجزم بانها ستكون ليله رائعه بتواجدكما
صحت قلوبكم والله لايضركم
متااااابعه الى مالانهايه
لكم تقديري واحترامي
برج المملكه
22-07-2006, 02:43 AM
العسجديه
سلمتي على مرورك و تسجيل حضورك
والروعه تكمن في حضورك و متابعتك لنا
صح تواجدك
تحياتي
اسامي
22-07-2006, 03:04 AM
الله الله
خلوووها
يمدي انته تلاعب عبدربه عتيق = وام كلثوم بين صفوفها حايره
كل واحد يحسب أنه محمد شفيق = يحسبون البلوت تشابه الباصره
اسامي
22-07-2006, 03:07 AM
العسجديه
هلا وغلا ويالله حي هالحضور المشرف
صح بدنك ولاهنتي
ومتابعتك تسعدنااا
دمتي بخير
برج المملكه
22-07-2006, 03:22 AM
اسمع ولا تعلم احد :)
عبدربّه رفيق و مثل اخوي الشقيق=وام كلثوم في عشّاقها كافره
الله انّه يخلّي للعشيق العشيق=ياعساني معدم اطيوفها العابره
اسامي
22-07-2006, 03:59 AM
برج دوووك يالحبّيب ههههه
والله انّي مخاوي غير وجه ٍ طليق = وانت وجهك ينومس كل من ناحره
مدري تعوم بحره او تعوّد غريق =الله انه يخلي سامر لسامره
الصقر البرازي
22-07-2006, 06:51 AM
عاااااااااااااااااااااااا اااااااااااااشو
ولا عاش ردي العزايم
الله لايضركم
برج المملكه
22-07-2006, 07:22 AM
استلم و صح لسانك يا آسامي
شرفتني بهالطاروق لاعدمتك
تقبل سلامي و احترامي
النعم تستاهله لحيتك حق و حقيق=شاعر تجيد البيوت الجزله الفاخره
والبحر ما يقطعه ياكود يبّاس ريق=ماهوب صعب ٍ عليه من اوّله لآخره
ربح السبيعي
23-07-2006, 08:32 AM
ياسلام على الابداع
صح لسانك يا اسامي وصح لسان البرج
طاروق رائع ولايستغرب على مثلكم
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir