المساعد الشخصي الرقمي

مشاهدة النسخة كاملة : سؤال عاجل وارجو الرد العاجل


بوعبدالله997
21-07-2006, 10:46 PM
ياجماعة الخير انا زوجتي معلمة في الجنوب وطبعا نحن الآ ن في مدينتنا في المنطقة الشرقية وزوجتي قبل 3 أسابيع تقريبا انجبت مولودة ولله الحمد اللي حبيت اقوله ياجماعه اني سمعت انو فيه اجازه اسمها رعاية امومه بربع الراتب بالمدة اللي تبيها من عمر المولود شهر الى 7 سنوات المهم ودي آخذ لزوجتي هالأجازة مدة شهر فقط في أول الدوام ..........

ودي أعرف وشو الأجراءات الواجب اتخاذها في هذا الشأن ,,,,,,,,,,,,,,

واللي يخدمني في هذا ادارة التعليم التابعه لها زوجتي في الجنوب أو الوزارة في الرياض ....

وماهي الأوراق المطلوبة في هذا الشأن ..........................

وأساسا هالاجازه هذي صحيحه ولا كلام فقط ............
معلمة حزينة
22-07-2006, 12:56 AM
نبارك لكما المولوده و
عن الاجازة صحيحة وعن المطلوب من الاوراق مراجعة ادارة التعليم حتى توفر بديلة عن المعلمة خلال فترة الاجازة
بوعبدالله997
22-07-2006, 02:29 AM
يعني لازم أروح ادارتها في الجنوب ولا اقدر اروح الوزاره في الرياض وخلص اموري هناك
ومشكور على الرد .........
بنت السعوديه
22-07-2006, 03:03 AM
السلام عليكم ورحمة الله

أخوي ابوعبدالله ... الإجازه صحيحه ... وراجع إدارة التعليم اللي في الجنوب الي تتبعها المدرسه اللي فيها زوجتك ..

من ناحية ثانيه// إذا توفرت بديله راح تنزل الاجازه بسرعه...


مبروكـ المولود الجديــد ... والله يوفقكم


تحيـــه عطـــره
بوعبدالله997
22-07-2006, 06:16 AM
مشكور أختي والله يبارك فيك
طيب زوجتي تشتغل في رجال ألمع وهناك ماعندهم ادارة تعليم للبنات لكن عندهم مندوبيه البنات واكيد مرت عليك اسم مندوبيه يعني لازم ارو ح من الدمام الى مندوبية البنات في رجال المع والله مشوار يعني مافي طريقة ثانية تكون اسهل شوي ....... وممكن مثلا يخدمني ادارة التعليم بأبها مثلا ......
اتمنى يكون عندك الجواب الشافي
,,,,,,,,,,,,
ومشكور الف على الرد .........
(* الوفـاء طبعي *)
22-07-2006, 06:30 AM
أرجع للإدارة التعليم الي تتبعها رجال المع .....

مبروكـ المولود الجديــد ... والله يوفقكم
بنت السعوديه
22-07-2006, 06:51 AM
أخوي // بوعبدالله

إذا تعرف أحد يخلصها لك من هناك ... يعني يراجع المندوبيه ...كلم أي مسئول عن طريق التلفون ...

أما من ناحية المدرسه .. أي وحده من زميلاتها تخلصها لها ...


تحيـــه عطـــره
سعد النخيش
22-07-2006, 06:59 AM
وحط في بالك

اجازة رعاية المولود لازم تكون ترم كامل او نصف ترم


يعني شهر مافية
بنت السعوديه
22-07-2006, 07:05 AM
لا ياخوي سعــد زميلاتي أخذن شهر وفيهم اللي أخذن أسبوعين وأنا متأكده من كلامي
sand
22-07-2006, 04:43 PM
اخي الكريم اولا مبروووووك عليكم المولود وجعله الله ابنا بارا والديه

ثانيا : اخي الكريم هناك حركة تصير وانا متاكد من هذه الحكة 100 %
وهي ان تاخذ المعلمة اجازة امومة ثلاثة اشهر وبراتب كامل كيف ؟

- تعطيها الطبيبة اجازة امومه لمدة اربعين يوم
- بعدها تراجع الطبيبة وتعطيها اجازة شهر
- وذا خلص الشهر تمدد لها 20 يوما فيصير الاجمالي 90 يوم وهي براتب كامل

بس بعض الطبيبات تخاف وما تعطيها
لكن هناك البديل وهو طبيب الاطفال والذي يعطي تقرير ان الطفل بحاجة والدته لمدة كذا ...
انا زوجتي مسوية هذه الحركة قبل كذا ( يعني في نهاية العام المنصرم )
الله يوفق الجميع