تاج الوفا
21-07-2006, 09:53 PM
ياوطن كلن تنعم بخيراتك وعاش
غير انا لجيت ابي منك قالو ماعليش
من ثمان سنين ادور على مصدر معاش
ولا سلمت من الكلافه ولا حصلت عيش
ولا كسبت من الرخا لا جلال ولا قشاش
يوم بعض الناس لراجع حسابه يطيش
ياوطن مبغى زياده ولا شين بلاش
بس ابالي ياوطن مثل مالأحمد خريش
من هموم الدين عفت المخده والفراش
حازمن بطني وصابر ولا احدن قال ليش
ليش يلحقني ضما فيك والدنيا رشاش
وليه اجوع وكل الاسلام من خيرك يعيش
ياوطن لولا محبتك ماطال النقاش
سقت رجلي واستعديت للدرب الوحيش
مير اشوف ارضك بساتين ونجومك فراش
لين صرت امشي على الشوك كني فوق ريش
ايه احبك والاوادم تحت ستر القماش
يوم بان العيب والغش في القلب الغشيش
كم ضعيفن راح يطرد ورا ضو الفلاش
واستباح مسامر الخمر واستهوا الحشيش
مايبيعك ياوطن غير لاشن وابن لاش
والملوك يميزون الاصيل من الكديش
دام حكامك هل الدين حدك مايناش
وكلنا لك ياوطن ساعة الشدات جيش
ياوطن ودي بشي يساعد مير ماش
والسنين تمر والعمر يسرقني بشويش
بجاه من ثبت ركونك عقب ماهي هشاش
من سكاكا للحــسا للحرم لأبو عــريش
وجاه من والا مسيره بعزم رب جاش
وجاه ابن حثلين وابن محيا والدويش
حط لي نقطة بدايه وعطني منك كاش
دلني واضمن لي العيش ولا احيا من ايش
والختم كلن تنعم بخيراتك وعاش
غير انا لاجيت ابي منك قالو ماعليش
الشاعر
علي ابن سالم
تحيتي للجميع
غير انا لجيت ابي منك قالو ماعليش
من ثمان سنين ادور على مصدر معاش
ولا سلمت من الكلافه ولا حصلت عيش
ولا كسبت من الرخا لا جلال ولا قشاش
يوم بعض الناس لراجع حسابه يطيش
ياوطن مبغى زياده ولا شين بلاش
بس ابالي ياوطن مثل مالأحمد خريش
من هموم الدين عفت المخده والفراش
حازمن بطني وصابر ولا احدن قال ليش
ليش يلحقني ضما فيك والدنيا رشاش
وليه اجوع وكل الاسلام من خيرك يعيش
ياوطن لولا محبتك ماطال النقاش
سقت رجلي واستعديت للدرب الوحيش
مير اشوف ارضك بساتين ونجومك فراش
لين صرت امشي على الشوك كني فوق ريش
ايه احبك والاوادم تحت ستر القماش
يوم بان العيب والغش في القلب الغشيش
كم ضعيفن راح يطرد ورا ضو الفلاش
واستباح مسامر الخمر واستهوا الحشيش
مايبيعك ياوطن غير لاشن وابن لاش
والملوك يميزون الاصيل من الكديش
دام حكامك هل الدين حدك مايناش
وكلنا لك ياوطن ساعة الشدات جيش
ياوطن ودي بشي يساعد مير ماش
والسنين تمر والعمر يسرقني بشويش
بجاه من ثبت ركونك عقب ماهي هشاش
من سكاكا للحــسا للحرم لأبو عــريش
وجاه من والا مسيره بعزم رب جاش
وجاه ابن حثلين وابن محيا والدويش
حط لي نقطة بدايه وعطني منك كاش
دلني واضمن لي العيش ولا احيا من ايش
والختم كلن تنعم بخيراتك وعاش
غير انا لاجيت ابي منك قالو ماعليش
الشاعر
علي ابن سالم
تحيتي للجميع