مشاهدة النسخة كاملة : اليوم يومن علينا يا جماعة فضيل .. لكن بعض الاوادم ثار شيطانها
سعد البراق
21-07-2006, 02:27 PM
اليوم يومن علينا يا جماعة فضيل = لكن بعض الاوادم ثار شيطانها
لا وآحليل الكلام المختصر والجزيل = عن نصها يكتفا في ذكر عنوانها
الصقر البرازي
21-07-2006, 02:55 PM
مساء الخير يااسامه لقد عرفتك كريم الاخلاق وما زلت واني لافخر ان احاور امثالك
بعض البشر لامشى يمشي بليا دليل =======يــرفع لنفسه كذا والنـــاس ورعانها
امن الخطا يافتى تقدير منهو بخيل =======خله على مربضه والناس في شانها
سعد البراق
21-07-2006, 03:05 PM
الكلمة الي مسحها يالصحيب المزيل = الاجر في مسحها والاثم بالحانها
حنا ترى كلبونا مقتفينا الرحيل = والناس بافعالها والناس بلسانها
الصقر البرازي
21-07-2006, 03:07 PM
الله اكبر وصح لسانك وكثر الله امثالك
الصقر البرازي
21-07-2006, 03:22 PM
]ياصاحبي من بغى درب السنع لايميل ======يتبع طريق الرجال اللي ظهر شانها
وان مال مالت عليه الفاهمه والهبيل=======من كل صوب وحدب ( ونفيسته هانها)
سعد البراق
21-07-2006, 03:33 PM
السالفه كلها لا قاتل ولا قتيل = ياليت الاخوان تتسامح من اخوانها
ما ضاع شياً لدى المولى العزيز الجليل = والطيبه طيبه ترجح بميزانها
وبعد اذنك أخي الفاضل صقر ابروح اصلي العصر وعندي مشوار بعد الصلاة وباقي للك بيتين ، ودمت بخير ...
الصقر البرازي
21-07-2006, 03:35 PM
وانا كذلك ابروح اصلي
ولاهنت ياشيخ الرجال
ربح السبيعي
21-07-2006, 04:48 PM
ياسلام على البديه الطيبه معنى وقوه الطيب لاياتي إلا بالطيب
صح والله لسانك يابوسعد وصح لسان البرازي
عاشق الطيب
21-07-2006, 04:56 PM
صح السانك ياسامه
واصل
متابع
الصقر البرازي
21-07-2006, 05:00 PM
استلم يابو سعد ومعك ياحلو القصيد
مزن السما لالفى كل العرب له تخيل=====يرجون رب السما في سيل وديانها
لكنِ عاد( ن )مضت وانا على الله دخيل ====عذابها من مزن وانهدت اركانها
عاد هم قوم نبي الله( هود )
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir