اللي وده بذا الطاروق يتفضل !!!

[عز الرفيق]

صبحكم الله بالخير يالربع

أول مشاركه لي وأحب أشارك أخواني في المنتدى الأكثر من رائع ( غرابيل )

أستلــــــــــــــمو


بعد جينا رجال العز والمقدريه = ياسلامي نقوله يالربع فالبدايه
نبغى جزل الكلام ولا نداني الرديه = والرديه تضوي تحت فية عصايه

[محمد بن فلاح]

بسم الله الرحمن الرحيم
وعليكم السلام ورحمة الله وبركاته

ماني بشاعر يا عز الرفيق ولكن مبتدي وبيجاريك



سلام الله عليكم عد وبل الرفيه=يا رجال لها في كوكب العز راية
جاك رد الحميدي مثل صف السرية=والمعاني جزيلة والبداية بداية

[عز الرفيق]

ياهلا ومرحبا فيك يأبو شرين والله يمنعنا من شرور خلقه

وصح لسااااان واللي يقول منا بشاعر أكيد أنه عكس ذلك


أستلم ياطويل العمر



أنا اسلم تسلم كيف صارت كذيه = وأنت لك غايه ولي بعد عشرين غايه
والنعم في رجال العز وأهل الحميه = وأنا من روس قومن محكمين البنايه

[محمد سالم الهاجري]

الله الله على الطرق الكااايف


ونا اخوك

وعتبررروني في صف الجمييع اخووكم


فارس قطر متااابع

[الصقر البرازي]

]بدايه قويه وطاروق رائع


اتمنى لكم التوفيق

وانا مع الجميع ]

[محمد بن فلاح]

البقا يا عز الرفيق
ومثل ما قلتلك مبتدي ولا مانع من الإنتقاد والملاحظات

إستلم

من تقدم بطيبٍ بشّره بالجزيّة=والردي يا عميلي لا تسمّع لرايه
قاله اللي يجيب الثار في كل هيّة=ولا يقارب هل النمات وأهل الغوايه

[محمد بن فلاح]

فارس قطر
و
الصقر البرازي
لاهنتوا على المتابعة

[عاشق الطيب]

واصلو لاهنتو
متابع

[عز الرفيق]

فارس قطر
الصقر البرازي
عاشق الطيب


أررررحبو وحياكم الله ولاهنتو يالربع


أبو شرين

هلا وغلافيك ومرحبا بك يالغالي

وأستلم يالقرررم



أحمد الله عليكم ما نسوق الرديه = والنوايا سليمه مثل برق المرايه
عزوتي ياعميلي عزوة العاطفيه = نعرف أهل الكتاب ونعرف أهل القرايه

[ربح السبيعي]

صحت السنتكم


متابع

[محمد بن فلاح]

صح لسانك يالعاطفي
إستلم يالجزل




نعم بآلاد عاطف ناركم دوم حية=ألف مليون نعم ما أعتبرها كفايه
والعدو تلحقونه كية فوق كية=كلمتي ثابته صدقٍ ولا هي دعاية

[محمد بن فلاح]

ربح السبيعي

لا هنت يالذيب على المرور

[محمد بن فلاح]

الأخ الغالي
عز الرفيق
أعتذر عن ردودي المتأخرة والسبب هو عدم دخولي المستمر للموقع
العذر والسموحة ياخوك
وبيجيك مني خاص بالحل

[عز الرفيق]

ربح السبيعي


تأكد أن متابعتك شرف كبير وفخر لنا جميع


أبو شرين

ما بعد كلامك كلام

وما عليك زود يالقرم

ومعذووووووور وأنا أنتظرتك أمس كله وقبله ودريت أنك أنشغلت والظروف لها أحكام


وتشرفت بردك علي ومجاراتك أكبر فخر لي ولنا لقاء عن قريب أن شاء الله

سلمني على نفسك وعلى أهل تثليث :)


تحياتي للجميع

[عوادالعلي]

اخي / عز الرفيق

من يتابعك يشعر بالعز

(( هذه هــد يــه ليست محاوره ))


يارفيق الـعـز ياعـز الـرفـيـق * * * بالمعزه دوم رجال (ن) عزيز

ينحسدمن كان مثلك له صديق * * * والبدو سمو شبيهك بالخزيز


اخوك / عواد الشمري

[عز الرفيق]

أخوي الغالي / عواد العلي

أشكر جزيل الشكر على المرور اللذي أعتز فيه

والله يعز مقدارك يالشمري


وصح لساااااااانك على الأبيات ولاهنت ياكحيلان


تقبل تحيتي ومودتي لك

أخوك/ عز الرفيق