يابرج المملكه مطلوب

[عاشق الطيب]

استلم
ويشرفني مجراتك طال عمرك


يابرج المملكه قرب وانا وياك فالميدان=عليك تشمر ذراعك وانا باشمر اذراعي

تخير فالمعاني والمعاني ترضي الزعلان=ولاتطمع بطمعه ماطمعها كل طماعي

[برج المملكه]

الشرف لي طال عمرك

استلم


والا ياعاشق الطيب .. الكلام الوافي المليان=اخير امن الهروج الهزله اللي مالها داعي
انا اشوفك تلد العين في مدعوجة الاعيان=طمعت و حمّلتك من الهموم اشكال وانواعي

[عاشق الطيب]

خلوووووووووووها
استلم

كلامي ماعليه اخلاف ولوزنه على الميزان=وعلم الطيب يشرى بلغلأ ماهوب ينباعي

لاتظلمني وتظلمها بهرج الزور والبهتان =وانا من سالفتك اعرف مدخالي ومطلاعي

[بعيد المراميس]

ههههههههههههههههههههههههه ه الله الله الله

ياسلام سلم عاشق الطيب ومبدأ خطييييييير


وبرج كالعاده رد مابعده رد :)

هاسجلوني متابع معكم

وعساكم على القوه


برج بغيت اجيب الاسم طازه هنا هههههه

[برج المملكه]

الله الله

عاشق الطيب انتظرني ثلث ساعه وراجع للصلاه

برب

[عاشق الطيب]

يامرحبأ
يابعيد المراميس

شرفنا مرورك

وحياك ربي

[برج المملكه]

هييييييييييه

اسمع


تبا تجحد و مضمون الرساله يفضح العنوان=وكلام القلب يطلعه اللسان و خط الاصباعي
تجرّ اعواك و الا ماتجرّ اعواك يا سرحان=تريّح منت ذيب ٍ يهجد العربان لا جاعي

[برج المملكه]

بعيد

الله يكفيني شرك ههههههه

هلا هلا و مية غلا حضورك غير يابعيدوه :)

[عاشق الطيب]

استلم

تدور للخطأ وللي يدور للخطأ غلطان =لاعد تغلط علي وتصير هوشه دون فراعي
يابرج المملكه وشفيك ماتحما اثراب الضان=هجدها الذيب والراعي من اللي شاف مرتاعي

[برج المملكه]

الله الله استلم


انا ماجيت ابا اخطي و الخطى مردود مهما كان=لكنّ اخترت معنى من بعض معناي وابداعي
انا فارس وتحتي مهرة ٍ مهره و بنت حصان=ولالي شغل في ماصار عند الذيب و الراعي

[ابن نميش]

ياسلام سلم


في صفك يا برج

وحده بوحده ياعاشق طيب

ههههههههههه

سروها

[عاشق الطيب]

استلم لاهنت

سفينتكم ابوسط الموج تسبح مالها ربان=وسفينتنا ابحفظ الله الها مجداف وشراعي

وانا فارس ولد فارس صميدع ونطح الفرسان=و شبري من على شبرالرجال يزودله باعي

[برج المملكه]

الله الله

استلم


مجاديف السفينه ماتسرّ ان جالها الطوفان=تبا تصبح سوات الشنّه اللي تقرع اقراعي
تقوله لكن اتبين العلوم ان ثوّر الدخّان=وراع الزوده اعلومه تروح انصاف و ارباعي

[حامل الرآية]

عاشق الطيب
برج المملكه

لله دركم مبدعين صحة السنتكم
وانا في صفكم ياثنين

سجلووووووووني متابع
تحياتي للجميع
حامل الرآية

[عاشق الطيب]

استلم


تزخرف لي بيتوتك تحسب انها تروي العطشان =ترأ ماطار طير(ن) فاسمأ الى طاح فالقاعي

ياهونك لاوامرنا الله عليك وكل علم" زان= قلعت قلع مثل الضرس ابوسوسه ابمقلاعي

[عاشق الطيب]

ارحب ياحامل الرايه
و
مرورك نور الصفحه
وهلا وغلا ياذيب
خلك في صف برج

[حامل الرآية]

ابن نميش

انت وشفيك متولج عاشق الطيب؟؟؟؟؟؟؟؟؟
انا اشوفك دايم تشن عليه غارات نفسيه
لكن يا عاشق الطيب
اسر ليلك الليله هذي ليلتك ومحدن قدك
غصبن على الزعلان والراضي
ماعليك من احد
وانا الليله تضاما معك
راح اكون في صف
برج المملكه ههههههههههههههههههههه
تحياتي للجميع
حامل الرآية

[برج المملكه]

استلم


تعوّذ من بليس اللي دحرك و سمّ بالرحمان=قبل لا تفقد اعصابك معي و تغرّ الاسناعي
تبا ترجع علومك كلبوها ما لها برهان=ملابطك الوجع منّي وانا دكتور الاوجاعي

[عاشق الطيب]

استلم



تريح وسترح لاعاد تزعل واللعن الشيطان=مادام انك معي واللي يدل الدرب ماضاعي


نصحته ونصيحه ماتفيد الغاوي الفسقان=على راسه يدور لللبلا من خبث الاطباعي

[ربح السبيعي]

ياسلام على الابداع


هذي المحاوره والا بلاش فتل ونقض


لله دركم


واصلو وانا متابع

[برج المملكه]

انا اعرف اشقر الجنحان واعرف ابرق الجنحان=وابو قلب ٍ طبيعي يعرف اللي قلبه صناعي
اثر سمّ الافاعي مثل سمّ الحيّه ام لسان=تمدّ إلسانها و آطى برجلي روس الآفاعي

[عاشق الطيب]

استلم لاهنت

ولايازارع الخوخه ولا يازارع الرمان= كليت الخوخ ورمان كله قبل ينلاعي

اظنك ياجملنا لوعلينا تتطلع النيبان=بعد جار الحمل من فوق ظهرك صرت مطواعي

[عاشق الطيب]

لاهنت يابرج المملكه

استفدت من اللعب مع شاعر بحجمك

وانا استاذنكم جميع وتصبحون علا خير

[برج المملكه]

عندك لاهنت


الا وآشيب عينك من حصار الحرب يالبنان=دفاعك مانفع مع ضرب صاروخي و مدفاعي
تبين اتحاربين الناس بالايقاع و الالحان=وانا لي في الحروب الطاحنه لحني و ايقاعي

[برج المملكه]

عاشق الطيب

صح لسانك وبدنك وكلك

وصدقني اني استمتعت واستفدت باللعب معك .. حتى لو المحاوره اخذت مسار اخر .. :)

لكن هذا مايمنعني اني احترمك واحترم شعرك ويعجبني ..

الله لايهينك و تصبح على خير

[عاشق الطيب]

الا عندك وستلم

تصبرلك ثلاث ايام ياتي العلم من طهران=وراسك لو تعلى لسمأ لابد ينصاعي



ترأ حربك سلامه دش فالميدان ياحميدان=وصواريخك لاتطلقها رفستك رفس بكراعي

[برج المملكه]

ابن نميش

شرفتنا لاعدمتك

حامل الرايه ارحب و حضورك يسعدنا لاعدمتك :)

ربح السبيعي

لاهنت و الله يحييك على حضورك ومتابعتك

شكراً للجميع و تصبحون على خير

[عاشق الطيب]

يامرحبأ وخل خاطر وسيع

مهما حصل نبقى يد" بيد لجل غرابيل

وكلنا اخوان وانت اللي لزمت المسار قبلي

وراجع ابيوتك وتشوف وعلىالعين واراس يابرج المملكه

وتمنى ان هاذي المحاوره تحسب لغرابيل

[برج المملكه]

ههههههههههههههههههههههه

عسى يرفسك النشيط :)

تصبح على خير و صح لسانك لو ارد عليك راحت سرمدا

مار اسلم و سلم و حبي لي خشمك :)

تحياتي

[الصقر البرازي]

والله انه ابداع جميل جدا جدا
روحو الله بيني وبينكم