دله ...ونار..... وفذتين وفناجيل تسوى حيات الي حياته عبدها

[تاجر مواشي]

اغنام - ابل - دواجن - طيور


دله ...ونار..... وفذتين وفناجيل تسوى حيات الي حياته عبدها (http://www.aghnam.com.sa/vb/showthread.php?t=222463)


ارخت هدبها وارتخت هامت الليل يوم احتــــــــضن كفي تفاصيل يدها
روعــه تفاصـيـلـه ويـاهــي تفـاصيل اعـدهــا واخـطــي واضـيــع عـددهــا
ضـمـيـت يــدهــا لـلـيــال المـقـابـيـل بــردان انــا يـــا جـمـرهـا يـــا بـردهــا
اســرق دفـــاي ومـاتـزيـن التعـالـيـل الا علـى جـال الـــــــشفـق فـي شهدهـا
لاياشهد وش جاب دجله علـى النيـل لا يــا سحـابـه بـرقـهـا مـــع رعـدهــا
لا لاح بــرق ورمــش عيـنـه مضالـيـل لا تنـشـدون الشـمـس منـهـو وئـدهـا
كانـت معـي ...صـار اللقـا بالتساهيـل وراحـت وكــن القـلـب مـاقـد وجـدهـا
اقفـت وخلتنـي ومــا مــن محاصـيـل الا العـطـش وبيـارهـا مـــن وردهـــا؟
انـــا بــــدوي وراس مــالــه تـمـاثـيـل اطـــلال لامـنــه تـضـايــق نـشـدهــا
لاجـفـت القيـعـان شـلــت الـمـواويـل وسقـت المطـايـا لـيـن يظـهـر زبـدهـا
انــا ونـوقـي نتـبـع الـوســم ونـحـيـل نسـري ورى بـرق الحيـا فــي بلـدهـا
نقطـع جراهـيـد ويجـيـب الله السـيـل فحـوى الامـل لـعـل يـصـدق وعـدهـا
اجمـع زهـابـي والحـطـب والمعامـيـل وبيت الشعر والخيمـه انهـض عمدهـا
اشـب ضــوي واطـبـخ الـبـن والهـيـل فـي دلــةٍ صـفـرا ونفـسـي سعـدهـا
دلــه... ونــار... وفذتـيـن... وفنـاجـيـل تـسـوى حـيـاة الـلـي حيـاتـه عبـدهـا
الا يـاكــود مــواجــة نــافــل الـجـيــل فـي ذمــــتـي تسـوى الحيـاة ورغـدهـا
لاشفتـهـا انـســى الـعـنـا والغـرابـيـل وانسـى همـــــــومـي والحـيـاه ونكـدهـا
عـلـى لقـاهـا اعــدل الـحــظ ويـمـيـلل ابـوك حـظ المــــــــوت نفـسـي هجـدهـا
الـلــي بوجـنـتـهـا تــشــع الـقـنـاديـل اخـــت الـقـمـــــر لا قبـلـهـا ولا بَـعـدهــا
لا ارخـت هدبهـا ترتخـي هامـت الليـل وانــا ألـتـفـت وعـيـــــــونـي الله قـردهــا


مما اعجبني

المصدر: منـتـدى أغـــنـام (http://www.aghnam.com.sa/vb) - من قسم: هـمس القــوافــي والخواطر (http://www.aghnam.com.sa/vb/forumdisplay.php?f=89)


]gi >>>,khv>>>>> ,t`jdk ,tkh[dg js,n pdhj hgd pdhji uf]ih