بعيد المراميس عن أذنك ليا فضيت

[ملحق المخلين]

أهلين يالربع بغينا ناخذ شويه معكم=


ياسلامي عليكم بعد جبت القوافي=فيه أعضاء تشاف وغيرهم مايشافي

قوم يامشرف الديره و ياذا السنافي=مايسود الحسود ولا يحقق مراده


أستلم يابعيد المراميس=


ألا يا بعيد ياشاعر عربنا ولع الغليون=يشرفنا بعيد اللي نعرفه يحتم التالي

يقولون الامير اللي عزل وأنته نشوفك عون=أبا قسمي من الاكوان خيال.ن ووبالي

[ربح السبيعي]

ياسلام على البدايه الطيبه


صح لسانك ياملحق المخلين


ننتظر بعيد المراميس

[أبوعبدالرحمن]

بدايه رائعه

صح لسانك وننتظر بعيد

[ملحق المخلين]

ربح السبيعي





أبوعبدالرحمن



نشكركم جزيل الشكر على حضوركم المشرف


وعلى المتابعه


خــالـص الــود

[بعيد المراميس]

ربح السبيعي

ابو عبدالرحمن

حياكم الله وشرفتونا بحظوركم

ملحق المخلين استلم:

مرحبآ ياهلا ياجعل فالامر خيره
بالنفوس الرضيه والوجيه الستيره
والزمن يدرج مثل الرحى المستديره
مايسود الحسود ولايحقق مراده



ليا منا سبحنا اليمّ نلقى دره المكنون=توكلنا على الله واتكلنا والله الوالي
انا مازعل الصاحين لجل اضحك المجنون=عسى قسمك مع الاكوان وبّالن وخيالي

[ملحق المخلين]

البقاء وأنت تفهم بالامور وسنعها=منهو اللي تحيزم ثم عني منعها
دون حقي وأعز النفس مرضى دنعها=مايسود الحسود ولايحقق مراده


الله=أستلم





والا يالبحر فيك الدر والحوته وفيك النون=وأنا مبغاء الكلام اللي يجي تاليه ورالي

يمينك خلتك فارس وخلت صاحبينك دون=وهات القسم من سبلا وتطلع خوش رجالي

[عاشق الطيب]

ياسلااااااااااااااااااااا ااااااااااام

جزل من الجزلين

متابع
وانا

في صف بعيد المراميس
ولايهون اخوي ملحق المخلين

[بعيد المراميس]

عاشق الطيب حي الصف اللي انت فيه وشرفتنا بمرورك


استلم ياخويي:

كل برقٍ تخيله فيه غيرك يخيله
والجدي قدم عينك مايبيله دليله
معك درعك وسيفك وانت راع الكحيله
مايسود الحسود ولايحقق مراده


علامك كل بابٍ تزلجه بالترس والكيلون=معك مالك وانا ياراعي السلعه معي مالي
انا ماني وكيل لجرج قرداحي على المليون=يقولون العرب من لايعيل يجيه عيّالي

[حامل الرآية]

ملحق المخلين

بعيد المراميس

لاهنتم على اللعب الجزل
وانا ضدك يابعيد
والمشاعيب فالسياره
ياويل الي يطولها
خذ راحتك يا ملحق المخلين
تحياتي

[ملحق المخلين]

عاشق الطيب=حياك الله ومتابعتك شرف



قلت من شين حظي قلت هذا بلايه=وأنت مافيه غيرك حيلتي مع جدايه

الاماره تسلم لك بختم الولايه=مايسود الحسود ولايحقق مراده




الله الله=


لا بالله مامشيت ألا على ماقيل بالقانون=وأنا ماقول لا شفت المعادي عنه عزالي

على ويش الزعامه يافهيم ومرتبت فرعون=أجيب الصايبه والخايبات بعيد عن حالي

[بعيد المراميس]

حامل الرآيه مرحبآ ومسهلا وانا اخوك

وفكنا من المشاعيب انت علام نفسك شينه ههههههه

ملحق استلم:


انت حاول تواجد فالحياه السعيده
حاول تقدم اريآ ياعميلي رشيده
وابشر بوضع ٍ ازين فالليل الجديده
مايسود الحسود ولايحقق مراده


مدام انك تقول انك ظفر فاللازم ودندون=نبي نعطيك رتبه مرها يطغى على الحالي
انا في لازمي وان عودت منته ببن لعبون=نعدك ضيف في حكم المعزب منزلك عالي

[ملحق المخلين]

حامل الرآية=مرحبابك


أستلم لا هنت=





كان مافيه فزعه ماتسمعت شورك=وأن فتلت القوافي راح وقتك ودورك
ياقمر لو تبين الشمس ماشفت نورك=مايسود الحسود ولايحقق مراده

الله الله=
رويدا ياعميل الخير ليه تصادر العربون=ولا نبغاء الرخيص اللي يسمى عندكم غالي

نتل الناب والافعى تخلي سمها المدفون=وأنا ماهمني لو كان ذاك الحين تبرالي

[الصقر البرازي]

انا اشـــــــــــــــــــــــ ـــــــــــــــــــــــــ ـــد

انكم مبدعين ووااااااااااااصلوا

[بعيد المراميس]

الصقر البرازي مرحبآ ومسهلآ وحياك الله وجودك شرفنا الله لايهينك

ملحق استلم:

فزعتي للبعيد وللقريب الموالي
والحمول الثقيله مالها الا الجمالي
وانت زانت علومك ياكريم السبالي
مايسود الحسود ولايحقق مراده


تعوذ من بليس اللي يديرك وادحر الملعون=انا لا كلت لك من كيلتي مانقصت مكيالي
يقولون الامانه ماتوكل غير للمأمون=تريح واسترح تحت البيوت اللي لها ظلالي

[ملحق المخلين]

الصقر البرازي شكراً على المتابعه=



ماتوصلت معك لحل ولا نتيجه=يوم بصري دخل مكة وضيع حجيجه
مانلومك عليك الناس سوو ضجيجه=مايسود الحسود ولايحقق مراده


أستلم يابعيد=


أنا ماجيتكم من دولة الهندوس والصهيون=مصيبه كان جات اليوم بين العم والخالي
وأنا ماقول عن حمل الامانه فالخفى تزرون=تشيلون الامانه ياعساه يصير بتالي

[بعيد المراميس]

صح لسانك ياملحق المخلين

ويعلم الله انك شرفتني باللعب معك

ولولا التزامي بأشغال كثيره كان كملت معك لاكن العذر مقدم وانا اخوك

ولنا لقاء بمحاورات اخرى


تحياتي لك

[ملحق المخلين]

بعيد المراميس


تشرفت باللعب معك والشرف الي، طال عمرك.



وليتك خليتنا نعطي المحاوره هذي حقها .


على العموم ماقصرت.