مشاهدة النسخة كاملة : اسامي عساك موجود
ملحق المخلين
16-07-2006, 10:39 PM
مساكم الله بالخير
بغينا ناخذ مع اسامي هالطرق
الاسامي كلبوها شي شين وشي زين=وأنت مالك يالاسامي لا صحيب ولا عوين
وأنت شكلك عاقل وتفهم علوم الفاهمين=أستعيري ياليال الصيف من وقت النهار
استلم لاهنت =
ســلام ياشـعـار مافـيـه مـعـذار=دام الاسـامــي كلـبـوهـا قـويــه
لاكثرت الاسمـاء مـن أعضـاء وزوار=تـبـا تبـيـن الظـالـمـه والـبـريـه
اسامي
16-07-2006, 11:41 PM
الله الله
حيااااك يا ملحق المخلين
وابشرك موجود
واستلم طال عمرك
الاسامي من فعول اصحابها يابو خليل=وانته اسمك زين لكن ماعلى فعلك دليل
ولّا اسامي سقم للعدوان ودوا للعليل=أستعيري ياليال الصيف من وقت النهـار
يامرحبا واقلط على بنّ وبهار = للضيف مانبخل على الشاذليه
ياللي تدور قدمك الضلع سنجار = قود المطيه وانت راع المطيه
ملحق المخلين
17-07-2006, 12:19 AM
الله يبقيك وتسلم=
ياجماعة خير عندي (سين) للشاعر هذاه=لو يجاوبني لك الله قلت اله يستر علاه
من تشوف أنه دواء قلبك وبذيتو خفاه=أستعيري ياليال الصيف من وقت النهار
استلم يالذيب=
دام البقاء وأنته على شبة النار=في وقتنا وايضا على الجاهليه
أنا لفيتك وأنت ياصاحب الدار=تشوف رجلي لا تقول العبيه
ربح السبيعي
17-07-2006, 12:48 AM
ياسلام على الابداع
الليله الاعضاء قالبينها مواويل
صح لسانك ياملحق المخلين وصح لسان اسامي
واصلو وانا متابعين
اسامي
17-07-2006, 01:34 AM
هـ الله الله
دوك
دوك جيم ودوك فوق الجيم يالصاحب كلام =القمر لابان في عرض السما يجلي الظلام
ماتحرم لك حلال ولا تحللك حرام=أستعيري ياليال الصيف من وقت النهـار
عطنا علومك وانت طرقي وخطّار = ويش اخر الاخبار هذّب عليه
اليا لفانا الضيف نعطيه مقدار= يبشر بعلمن زين والنار حيه
اسامي
17-07-2006, 01:54 AM
ربح عساك سالم وصح بدنك يالغالي
مرورك يسعدناااا
ومتابعتك تشرفنااا
وسلامة الاسفار
ربح السبيعي
17-07-2006, 02:01 AM
هلابك والله يااسامي
والله يسعد ايامك و يسلمك من لهيب النار
ملحق المخلين
17-07-2006, 02:09 AM
الله=صح لسانك
فيه من شعارهم تسعين شاعر ومعروف=وأنت ضده ندري أنه من بعدها مايطوف
سجله ثم سجل أسمي من بعدها فالكشوف=أستعيري ياليال الصيف من وقت النهـار
أستلم يالقرم=
مشيت من جده ليا الوقت دوار=بغت تزل الرجل قاعت طميه
اللي على الطالات معروف صقار=اللي لسانه ماتجيب الرديه
ملحق المخلين
17-07-2006, 02:13 AM
ربح السبيعي
شرف كبير أن يحضر شاعر بحجمك.ويتابع ـ شكراً على المتابعه
وآسف على التاخير
لك الــود.
ذيب بن زيد
17-07-2006, 02:16 AM
متابــــع
اسامي
17-07-2006, 02:31 AM
الله الله
استلم يابعدي
كان تبغى الصدق فالشعار شاعر محترم= يعجبك فنه وذوقه وللمجابه محتزم
وفيه شاعر ماتقبّل شوفته لو هو علم=أستعيري ياليال الصيف من وقت النهـار
انته تبالك شي لكنّ ماصار = اذهن تضيع الصبح فالمهمهيه
من ياخذ الاشوار نعطيه الاشوار = واللي يقدم طيب يجزى بـ زيه
اسامي
17-07-2006, 02:34 AM
ذيب يالله حيه
حييت والله وتشرفنا متابعتك يالغالي
العسجديه
17-07-2006, 02:54 AM
الله الله عليكم
صح لسانك ياااسامي جزالتك تجبرني على المرور والمتابعه
صح لسانك ملحق المخلين جزل ومبدع لاهنت
واصلووو
متااابعه
لكم احترامي وتقديري
ملحق المخلين
17-07-2006, 03:05 AM
ذيب أبن زيد=متابعتك شرف.
الله=الله
مابغيتك تذكر الشاعر وتاصف له ثلاث=وش لقب هاك المعنى يوم غادر ببتعاث
العلم فالشعر صار اليوم من ناس.ن غثاث=أستعيري ياليال الصيف من وقت النهار
أستلم=
لاهنت
ماوالله أخفيها ليا قلتو أسرار=بينك وبينه شي قبل الهويه
مايسلمه آ لن قصاف الاعمار=والا آخره مابين حسنه وسيه
اسامي
17-07-2006, 03:35 AM
الله الله
استلم ياملحق
هيه ياملحق ترانا مانقول الا الصحيح=نعرف الوجه الجميل ونعرف الوجه القبيح
يوم بعض الناس شغله يستعد ويستريح =أستعيري ياليال الصيف من وقت النهـار
حنا نعده من طويلين الاشبار = خابره ياملحق زبون الونيه
لكنّ منته ملفتن فيه الانظار = قدمه ثلاثه ينطحون السريه
اسامي
17-07-2006, 03:40 AM
العسجديه
ياهلا وغلا حييتي
ومتابعتك تشرفنا يالغاليه
دمتي بخير
ملحق المخلين
17-07-2006, 04:05 AM
الله الله=العسجديه/متابعتك شرف وزاد المحاوره وزن
أستلم=
أعترافك من شجاعة خصمك اللي مقتفيك=مير قله خاف ربك يمكن أنه مايجيك
الثلاثه زود عن حل السوال اللي عليك=أستعيري ياليال الصيف من وقت النهـار
ياالذيب=دوووك
أنا أعرف الشعار من دون محتار=هاذي على الشعار ماهي خفيه
المشكله ماهيب لا قلت بيطار=المشكله كان أعترفت بسميه
اسامي
17-07-2006, 04:08 AM
بسمييييييه
صح لساااانك يا ملحق المخلين ولا هنت
تشرفت باللعب معك
وكل الشكر لمن تابعونااا
دمتم بخير وتصبحون على خير
عاشق الطيب
17-07-2006, 03:22 PM
لاهنتوا
طرق جميل
ماعليه كلام
سجلو اعجابي
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir