اسامي عساك موجود

[ملحق المخلين]

مساكم الله بالخير

بغينا ناخذ مع اسامي هالطرق




الاسامي كلبوها شي شين وشي زين=وأنت مالك يالاسامي لا صحيب ولا عوين
وأنت شكلك عاقل وتفهم علوم الفاهمين=أستعيري ياليال الصيف من وقت النهار


استلم لاهنت =



ســلام ياشـعـار مافـيـه مـعـذار=دام الاسـامــي كلـبـوهـا قـويــه
لاكثرت الاسمـاء مـن أعضـاء وزوار=تـبـا تبـيـن الظـالـمـه والـبـريـه

[اسامي]

الله الله


حيااااك يا ملحق المخلين

وابشرك موجود



واستلم طال عمرك



الاسامي من فعول اصحابها يابو خليل=وانته اسمك زين لكن ماعلى فعلك دليل
ولّا اسامي سقم للعدوان ودوا للعليل=أستعيري ياليال الصيف من وقت النهـار


يامرحبا واقلط على بنّ وبهار = للضيف مانبخل على الشاذليه

ياللي تدور قدمك الضلع سنجار = قود المطيه وانت راع المطيه

[ملحق المخلين]

الله يبقيك وتسلم=

ياجماعة خير عندي (سين) للشاعر هذاه=لو يجاوبني لك الله قلت اله يستر علاه

من تشوف أنه دواء قلبك وبذيتو خفاه=أستعيري ياليال الصيف من وقت النهار


استلم يالذيب=


دام البقاء وأنته على شبة النار=في وقتنا وايضا على الجاهليه

أنا لفيتك وأنت ياصاحب الدار=تشوف رجلي لا تقول العبيه

[ربح السبيعي]

ياسلام على الابداع


الليله الاعضاء قالبينها مواويل



صح لسانك ياملحق المخلين وصح لسان اسامي


واصلو وانا متابعين

[اسامي]

هـ الله الله


دوك


دوك جيم ودوك فوق الجيم يالصاحب كلام =القمر لابان في عرض السما يجلي الظلام
ماتحرم لك حلال ولا تحللك حرام=أستعيري ياليال الصيف من وقت النهـار




عطنا علومك وانت طرقي وخطّار = ويش اخر الاخبار هذّب عليه
اليا لفانا الضيف نعطيه مقدار= يبشر بعلمن زين والنار حيه

[اسامي]

ربح عساك سالم وصح بدنك يالغالي


مرورك يسعدناااا

ومتابعتك تشرفنااا


وسلامة الاسفار

[ربح السبيعي]

هلابك والله يااسامي


والله يسعد ايامك و يسلمك من لهيب النار

[ملحق المخلين]

الله=صح لسانك

فيه من شعارهم تسعين شاعر ومعروف=وأنت ضده ندري أنه من بعدها مايطوف

سجله ثم سجل أسمي من بعدها فالكشوف=أستعيري ياليال الصيف من وقت النهـار


أستلم يالقرم=



مشيت من جده ليا الوقت دوار=بغت تزل الرجل قاعت طميه

اللي على الطالات معروف صقار=اللي لسانه ماتجيب الرديه

[ملحق المخلين]

ربح السبيعي



شرف كبير أن يحضر شاعر بحجمك.ويتابع ـ شكراً على المتابعه





وآسف على التاخير


لك الــود.

[ذيب بن زيد]

متابــــع

[اسامي]

الله الله


استلم يابعدي


كان تبغى الصدق فالشعار شاعر محترم= يعجبك فنه وذوقه وللمجابه محتزم
وفيه شاعر ماتقبّل شوفته لو هو علم=أستعيري ياليال الصيف من وقت النهـار



انته تبالك شي لكنّ ماصار = اذهن تضيع الصبح فالمهمهيه
من ياخذ الاشوار نعطيه الاشوار = واللي يقدم طيب يجزى بـ زيه

[اسامي]

ذيب يالله حيه


حييت والله وتشرفنا متابعتك يالغالي

[العسجديه]

الله الله عليكم

صح لسانك ياااسامي جزالتك تجبرني على المرور والمتابعه

صح لسانك ملحق المخلين جزل ومبدع لاهنت

واصلووو


متااابعه

لكم احترامي وتقديري

[ملحق المخلين]

ذيب أبن زيد=متابعتك شرف.


الله=الله

مابغيتك تذكر الشاعر وتاصف له ثلاث=وش لقب هاك المعنى يوم غادر ببتعاث

العلم فالشعر صار اليوم من ناس.ن غثاث=أستعيري ياليال الصيف من وقت النهار




أستلم=

لاهنت




ماوالله أخفيها ليا قلتو أسرار=بينك وبينه شي قبل الهويه

مايسلمه آ لن قصاف الاعمار=والا آخره مابين حسنه وسيه

[اسامي]

الله الله


استلم ياملحق


هيه ياملحق ترانا مانقول الا الصحيح=نعرف الوجه الجميل ونعرف الوجه القبيح
يوم بعض الناس شغله يستعد ويستريح =أستعيري ياليال الصيف من وقت النهـار




حنا نعده من طويلين الاشبار = خابره ياملحق زبون الونيه
لكنّ منته ملفتن فيه الانظار = قدمه ثلاثه ينطحون السريه

[اسامي]

العسجديه

ياهلا وغلا حييتي


ومتابعتك تشرفنا يالغاليه


دمتي بخير

[ملحق المخلين]

الله الله=العسجديه/متابعتك شرف وزاد المحاوره وزن

أستلم=

أعترافك من شجاعة خصمك اللي مقتفيك=مير قله خاف ربك يمكن أنه مايجيك

الثلاثه زود عن حل السوال اللي عليك=أستعيري ياليال الصيف من وقت النهـار



ياالذيب=دوووك

أنا أعرف الشعار من دون محتار=هاذي على الشعار ماهي خفيه

المشكله ماهيب لا قلت بيطار=المشكله كان أعترفت بسميه

[اسامي]

بسمييييييه



صح لساااانك يا ملحق المخلين ولا هنت



تشرفت باللعب معك


وكل الشكر لمن تابعونااا


دمتم بخير وتصبحون على خير

[عاشق الطيب]

لاهنتوا
طرق جميل

ماعليه كلام
سجلو اعجابي