هام علة الاهلي

[الاهلي الراقي]

يا جماعه والله علة الاهلي في المحاور اي فريق قوي في العالم يكون عنده محاور جيدين على مستوى عالي وعلة الاهلي في المحاور راح تناقضوني في كلامي راح تقولو بالومينو اقول بالومينو كويس في تقطيع الكور بس ما يعرف يساند الوسط بعني ماهو مهاري بس يسلم ويستلم ما يعرف يراوغ ويساند الوسط مثال الراقي يقطع ويساند ويخترق وسلمان الفرج وغيرهم يعني لما يتقفل على تيسير يحضر بالومينو عشان كدا لازم وليد باخشوين لاعب يقطع ومهاري يساند الوسط والمشكلة التانيه في برونو سلم واستلم وانا قلتلكم صانع الالعاب لازم يكون مهاري في حالة ان المهاجمين ما يكونو في يومهم متل كماتشو يراوغ رغم بطئه ويتحرك في كل مكان قلتولي نبغى لاعب وسط على الواقف بس يوصل اااااه كنت اتمنى اكزافير صانع ومهاري عموما قدر الله ما شاء فعل المشكلة الثالثة بطئ كامل الموسى واعتماده على التسلل اتمنى انا شخصيا اعطاء الفرصة الى عقيل والمشكلة الرابعه كامل المر دايما يكسر التسلل كانه عمره ما لعب كوره يكسر التسلل ويوقف يعني حاجه غريبه ما يتعلم من غلطه انا اتمنى انه الاداره تتعاقد مع لاعب النصر شراحيلي لاعب مميز هجوما ودفاعا والمشكلة الخامسة راح تناقضوني فيه وتزعلو مني وهي الشد على فيكتور سيموس احس ان فيكتور تراجع مستواه هل هوه دلع ولا ضامن مركزه اتمنى من الاداره في حالة استهتاره معاقبته في تبديله بالجيزاوي او بدر عشان يخاف ويلعب صح وياريت الاداره تنبهه في عدم تضييع الوقت في حالة فوز الاهلي والمشكلة ما يعرف يحضن على الكورة وبعدين تنقطع وترجع علينا مثل مباراة الشباب العام الماضي انقطعت وجا فينا التعادل يعني يبغاله قرص ودان واتمنى ما احد يزعل من تصريحي ملاحظه وهي وجهة نظر اتمنى ان الاداره لا تغفل لاعب هجر توفيق با حميد في حالة مغالاة نادي الاتفاق لاني اشوف فيه نفس المستوى وارجعو لمباراة هجر والعلال 2/2 لاعب سجل وخرافي حقيقة وكمان لاعب النصر شراحيلي والله لاعب مميز هجوما ودفاعا وما يبغى يجدد مع النصر والنصر عنده الغامدي يعني ممكن يجي الاهلي او شهي الشباب ولاعب نجران الربيع لاعب على مستوى عالي واتمنى من كل قلبي لاعب التون او جهاد الحسين لاعبين تسلمهم كوره وما تخاف واتمنى انكم ما تستهينو في جهاد والله ناقصه نادي كبير صانع لعب على مستوى عالي ومهاري ويسجل ويساند الدفاع اتمنى انكم ما تنظرولو عشانه عربي شفتو سيزار الملايين مو كان احسن جهاد من اول والله لو عندي فلوس لاجيبو للاهلي على حسابي واضمن نجاحه هوه يلعب لنجران ومتحطم نفسيا ما في رواتب ولا جمهور يحمسه لو جا الاهلي راح تبان نجوميته ونقدر تجيبه بسهوله