,’,’, النــود.. وبعض كتاباتها ,’,’,

[مشاعر حالمه]

السلام عليكم ورحمة الله وبركاته ..

يالطيبين والطيبات ..لي صديقة تحب الشعر وتجود قريحتها احياناً وتكتب أبياتاً رائعه ..

لفت نظري في احدى الأيام وهي تكتب قصيده في الطير ( ورّاد ) واعجبتني وقلت لها ارسليها لي

وانا راح احطها بالمنتدى ( طبعاً هي ماعندها نت )

الحين ابيكم تستمتعون بأبياتها الجميله في نظري ( مع ان بعضها يحتاج وزن ) لكن اقبلوها بصدر رحب ^__^

وراد قلي ترا مليت

وش ذا العجب في مزاياكم

ذيب الصقاقير كاسب صيت

كلاً عرف عن سواياكم

شنيت غارات قلبك ميت

والجيش مهزوم وياكم

الريش مثل البرد لاجيت

ماينثني ضرب يمناكم

عجيب وصفك ومن خاويت

يحرم من الصيد برضاكم

ماهو بخل بس لامن حيت

بالمعركه صعب ملقاكم

أوصف واناادري ترى ماوفيت

وعساه يعجبك ماجاكم


,’,’,’,’,’,,’,’

وهذي ابيات في صقّار كان يهايط ( ويقول ان طيره أزين الطيور ) وكتبت فيه هالأبيات ...

ياللي تهايط مع طيرك

وتقول مطلوب بالميه

مسكين تكذب على غيرك

وتعطي لنفسك أهميه

طيرك ماهو ترا طير

غراب وتقول من زيه

اسكت عساربي يخيرك

ناظر معي ركز شويه

شف العجب مالكه غيرك

تعطيه مليون بالميه

,’,’,’,’,’,,’

ترى فيه بعض الابيات يبي لها تعديل بس انا قلت انزلها مثل ماتبيها اهي ..

الشاعره / النـــــود ..

والناقله / مشاعر حالمه ..

[ابوصالح المنصور]

الله يخليك اختي مشااعر حالمه

وصراحه ماقصرت (( النود ))

وننتظر جديدك

[(* الوفـاء طبعي *)]

الله يخليك اختي مشااعر حالمه

[مشاعر حالمه]

ابو صالح المنصور ..

ويخليك اخوي ..

تسلم والله ومشكور ع المرور الكريم ..لاهنت..

تحيتي لك / مشاعر حالمه ..

[مشاعر حالمه]

الوفاء طبعي ..

ويخليج حبيبتي ..

مشكورة ع المرور..

تحيتي لج / مشاعر حالمه ..

[لجللك زرعت الورد]

تسلم النود


وماقصرتي ع الاهتمام يامشاعر واثقه

[مشاعر حالمه]

لجلها زرعت الورد ..

مشكووور اخوي وتسلم ع المرور الكريم ..

تحيتي لك / مشاعرحالمه ..