المساعد الشخصي الرقمي

مشاهدة النسخة كاملة : جديد الأمير السامر // الثنا والولا تبديـه كـل الصـدور = لاسم سلطان ولفعله رفي



أبوعبدالرحمن
08-07-2006, 03:28 AM
السلام عليكم ورحمة الله وبركاته

اليكم أحبتي جديد الشاعر الأمير / عبدالعزيز بن سعود " السامر"

وهي مرفوعة لمقام ولي العهد صاحب السمو الملكي الأمير سلطان بن عبدالعزيز


http://www.lebarmy.gov.lb/image.asp?id=12322




طاب فال القصيد اللي قداه الشعـور = بالثنا للكريـم معـز قـدر الكـرام
سيّد الجود محي مجد كل العصـور = ثاقب النظره بعيد المـدى والمـرام
أبو خالد ملاذي في جميـع الأمـور = ضحكة حجاجه تبدد هموم وظـلام
نجدة المستغيث ويسر كل معسـور = كل طيب انقسم له منه راس السنـام
كل ما يذكر اسمه والمداخن تـدور = زادها طيب مع ما يتبعه من كـلام
الثنا والولا تبديـه كـل الصـدور = لاسم سلطان ولفعله رفيـع المقـام
من دجا ليل ياسه شاف سلطان نور = والفعول العظايم للرجـال العظـام
أنت نور يبشـر بالسعـد والحبـور = من تحوطه بعطفك طاب حظه وقام
أنت نارٍ على من فيه ظلـمٍ وجـور = ونار خصمك تحولها لبـرد وسـلام
أنت نظرتك عليا عن بريق القشور = مالك بغير جزلات الخصال اهتمـام
نهر جودك عليه الناس ورد وصدور = للمحاويج مدك مثـل وبـل الغمـام
بذرك الطيب وانعم في حصاد البذور = الولا والمحبه مـن جميـع الانـام
فيك ياسيدي شعري ماهوب معـذور = كان ما جا لكل الشعر صدرٍ وهـام
أمدحك حب ولا ما بحالي قصـور = بك يطيب القصيد وشاعره ما يـلام


http://www.assamer.com/dewany/albumsp/4.jpg
الامير / عبدالعزيز بن سعود بن محمد آل سعود

محمد السبيعي
08-07-2006, 03:33 AM
لي عودة

السُّلمي
08-07-2006, 03:40 AM
الفاضل ابو عبدالرحمن


يعطيك ربي الصحة والعافية على طرح جديد شاعر آل سعود السامر حيث تشرفنا
بتواجد هذة القصيدة وقراءتها هنا في منتدى غرابيل .



وصح لسان شاعرنا (شاعر آل سعود) وكثر الله من أمثالة وسلم لي علية ياابو عبدالرحمن
كثير الســــلام وبلغة إعجابي بما يطرحة في الساحة الشعرية . وننتظر جديدة القادم عبر
منتديات غرابيل حصرياً !



ودام الجميع بخير على الدوم .



اخوكم السُّلمي

بريدة العز
14-07-2006, 11:11 AM
شكرا لك

روعة الحقيقة ومميزة كعادة السامر مميز يبحث عن التميز

ذيب بن زيد
16-07-2006, 04:35 AM
صح الله لسان شاعر ال سعود

ويستاهل ابا خالد ادام الله عزه وحفظه وعافاه وجعله ذخر لهاذا الوطن المعطاء

وبيض الله وجه ابا راشد على ذا القصيدة الجزله لانها اتت من شاعن جزل

ولاهنت اخي ابو عبد الرحمن على النقل الطيب يا طيب

وتقبلوو تحياتي

اخوكم ذيب بن زيد

ابورائد9
10-08-2006, 03:11 PM
يعطيك العافيه

رنوووووده
30-09-2006, 12:59 AM
صح لسانه ..

وسلم فكرهـ ..

وبيض الله وجهه ..

قصيده جزله ووافيه من شاعر وافي ..

راقيه برقي شعورهـ الراقي ..

رائعه بروعه حضورهـ المميز ..

لايستغرب منه الابداع فهذا ما اعتدناهـ منه ..


:

أبو عبدالرحمــن ..

الله يعطيكـ العــافيه على طرح جديد شاعر آل سعود السامر ..

ولكـ فااائق احترامي وتقديري ..


:

رنوووووودهـ

بــ الرياض ـــدر
24-10-2006, 01:58 PM
أخوي أبو عبدالرحمن

يعطيك العافيه على جهودك الكريم

وصح لسان شاعرنا الامير / عبدالعزيز بن سعود بن محمد آل سعود

وما هي غريبه عليه هذي عوايده

تحياتي لك

مشاعر حالمه
06-11-2006, 07:33 PM
ابو عبدالرحمن

http://www.assamer.com/dewany/albumsp/4.jpg

شاعرنا الأمير الغالي / عبدالعزيز بن سعود ال سعود

كتاباته درر والله

نهر جودك عليه الناس ورد وصدور
للمحاويج مدك مثـل وبـل الغمـام
بذرك الطيب وانعم في حصاد البذور
الولا والمحبه مـن جميـع الانـام
فيك ياسيدي شعري ماهوب معـذور
كان ما جا لكل الشعر صـدرٍ وهـام
أمدحك حب ولا ما بحالـي قصـور
بك يطيب القصيد وشاعره ما يـلام


صح السااااااااانه مليوووووووون ولايهوووووووون

ويستاهل ابونا سلطان الله يطول عمره ويحفظه يارب

ولاهنت يابو عبدالرحمن

سلامـــي عليـــك وعلى كاتب الأبيــــــــات ..

تحيتي لك / مشـــاعـــر ( عزوة ابوها)

RETAGE
12-09-2007, 08:24 PM
حينما يكون الحديث عن رجل بحجم سلطان بن عبدالعزيز فعلى اللغة تعلن افلاسها وخلو مفرداتها وجملها من البلاغة

سمو سيدي الامير - سلطان بن عبدالعزيز

لا اعرف ان كان يكفية ان اقول انة اخذل عطاء المعطين

ولكن انقذ السامر خجل اللغة وكانة يقول انا لها

قصيدة بانامل شاعر رائع ومبدع بحجم هذا الرجل القدير عالي المقام

لك الف شكر عالقصيدة