الليله المحاوره المباشره بين باتريوت والفاروق

[ربح السبيعي]

الليله المحاوره المباشره


بين نجمين من نجوم المحاوره


الشاعر /عويد العطاوي والشاعر/برج المملكه


والاحتياط الشاعر/اسامي


وسوف تباء المحاوره بمشيئة الله الساعه التاسعه مساء

[ربح السبيعي]

<<<<<< اعذروه عن حضور المحاوره مسافر والسياره شغاله


فمان الله نرجعلكم انشاء الله بعد حوالي عشره ايام

[محمد سالم الهاجري]

تررروح وترجع با السلامه ياربح ....


شعار اكبار ومن الوزن الثقيل

وسجلوني متاابع وفي صف برج المملكه
























اخوكم فارس قطر

[تركيه]

تروح وترجع سالم ياربح 000

ومتابعه للعطاوي وبرج 000


تحياتي 000

[ناصر الدوسري]

مرحبا بك ياربح

والله يستر علينا وعليك
ويحفظنا وياك من كل سؤ

وبنتظار الشعار

وماسك صف برج ولايهون العطاوي

[حزن النوايف]

نحن بانتظار عمالقت الشعر بكل لهفه وشوق للابداعهم 00

وترجع بالسلامه ياربح ويحفظك الله من كل مكروه

من متابعينكم حزن النوايف

[باتريوت]

باتريوت يمسي على الكل
والتشجيع الحار لبرج المملكة
تحياتي

[الــفاروق]

السلام عليكم
لابرج ولاعطاوي كلهم غير موجودين
لكن اقرب شاعر يحضر هنا ابعطيه الصالي



ياهل الميدان يامال الغنيمه=طاح برج المملكه فوق العطاوي

العقيمه عاشت وماتت عقيمه=فسروها يامفسرت الفتاوي

[باتريوت]

لا تقدم نية ما هي سليمة =الرجولة ما تحصل بالمناوي
هرجتك يا صاحبي من دون قيمة = جابت الشاعر وغيرالشعر راوي

[العسجديه]

الفاروق مسيت بالخير تمنيت مجاراتك ولاستفاده منك

متابعه

[باتريوت]

العسجدية لو سمحتي شوفي الرد يا مال العافية
مسبوقة وهو طلب شاعر

[دناع]

برج المملكة عسى الله يديمه ما يطيح البرج والذيب عاوي
والعقيمة راحت مع ايامن قديمه حله عند الدكاتر والا تعالجها الشواوي

[باتريوت]

وين الفاروق نبغاها على الذرعان من الآن
الليييييييييييييييييييييي يييييييييييييييييييييل

[الــفاروق]

استلم . استلم ياباتريوت


انت ياذيب الخلا ذب الخريمه=قبل لاناطاك في وارد عراوي

باتريوت(ن) باغن الليله قسيمه=العماوي دايم(ن) قلبه عماوي

[باتريوت]

الله الله

ما ينير الذيب لا شاف البهيمة = لا تحسف ما يفيدن الشكاوي
المطر مقبل وعقب السيل ديمة = وانت فكر شوف خصمك ويش ناوي

[دناع]

نيتك يا صاحبي ما هي سليمة

من تطاول بالخطأ يلقى بلاوي


ولو تجيني حالفن لذبحلك وليمة


والمراجل عارفن دربها قبل الملاوي

[باتريوت]

لا شك اننا نستمتع بكثرة الجمهور
فهل هناك من تشجيع على الرغم
من عدم حاجتي لذلك ولكن للمتعة فقط

[باتريوت]

دناع يا دناع البيوت مكسرة وانت
خاش غلط امرح يا مال العافية

[باتريوت]

يالله يالفاروق الليل

[الــفاروق]

اسمع ...... اسمع


مانويت اعمل بك الليله جريمه=يامريض(ن) جاك دكتور(ن) يداوي

لاتعزوى مانت راع شداد ريمه=لو لبست الثوب والبشت الحساوي

[باتريوت]

طيب طيب

والله اني خابر راع الهزيمة = كلما وصل الهدف طاح متساوي
شلتها بين الضلوع اكبر ظليمة =لا شهدت الزور تبلا بالبلاوي

[الــفاروق]

خلوووووووها.... خلوها.


انت رجال(ن) ياحبك لنميمه=امرك الليله معاي امر(ن) سماوي

انتخاطب معك بعقول(ن) حكيمه=وانت يمكن عايش(ن) على الرشاوي

[مرزوق العطاوي]

ياسلام شبو النار واليل

[أبوعبدالرحمن]

ياسلام

باتريوت والفاروق

كبار فعلا


صحت قلوبكم

ومتابع معكم

[باتريوت]

احسب انك شاعر نفسه كريمة = ما دريت انك مع الشعار غاوي
اثر ما عندك على المعنى عزيمة = يا حسافة فيك ضاعن الهقاوي

تصبحووووووووووووووووووووو ووووون على
خيييييييييييييييييييييييي يييييييييييييييييييير

[الــفاروق]

شكرا على هذا الرد الطيب وتصبح على خير


واشكر جميع من شاركوا بالتشجيع


ودمتم بخير

اخوكم الشاعر الفاروق

[حزن النوايف]

الله روعه سلمتم من كل شر

وبيض الله وجيهكم
تحياتي

[جواهر عبدالله]

باتريوت

الفاروق

،

،

صحت قلوبكم

والله يعطيكم العافية

واصلوا .. متابعين لكم .

[باتريوت]

ابو عبد الرحمن يا مرحبا بشاعرنا وريسنا
مرزوق البيطار حياك الله وشرفتنا
لنا لقاءات يا شعارنا الكبار
وانتظروا باتريوت كل ليل
تحياتي للكل

[أبوعبدالرحمن]

صحت قلوبكم وبيض الله وجيهكم

تحيتي لكم

[باتريوت]

الفاروق تصبح على خير
حزن النوايف مشكورة
جواهر شرفتينا طال عمرك

[رحاب]

اسماء تستحق المتابعة صحت السنتكم

[باتريوت]

دناع والعسجدية لا تزعلون المحاورة ما فيها رحمة

[العسجديه]

صح لسانك الفاروق وباتريوت شعار كبار واستمتعنا واستفدنا

والله لايجيب الزعل ماحصل الاالخير والمحاوره مهيب حرب

ولو كنت شايفه ردك تأكد اني مانزل رد


برايفت خااااااااص

بيت يحضرني ولااعرف قائله

من قال انا خير الملا ربحه العنا000000 ومن قال انا ضيم الرجال يضااام

مع خالص التقدير ولاحترام