ناصر مطلق البقمي
02-07-2006, 03:15 AM
(((بسم الله الرحمن الرحيم)))
أحبتي في غرابيل بعد ان شرفني أخوي الغالي//فايز آل بذال بدعوته هأنا اعانقكم بقصيده اتمنى ان تحوز على رضاكم واعجابكم.....
كان كاظم الساهر يغني ذات يوم.... كان صديقي وكانت حبه الابدي.... بل كان حبهما حكاية البلدِ.....فأستغرب الناس كيف القصة أنقلبت...إلى همومٍ(خصامٍ) إلى هجرٍ إلى نكدي...
ولكن هنا لم يستغرب الناس ذلك لأن حبيبة صديقي ماتت...إليكم القصيده القصه بلا إطاله ...
وإلى صديقي//حسين ( عامر) <_ لقب لهُ ألتصق به
جاني اتصال ونغمته صوتها شين=قالت الو بصوت يبكي حزيني
عامر وهْي تبكي وانا اقول بعدين=قالت حبيبك مات واشيب عيني
شهر اربعه يوم الاحد ليل الاثنين=في حادثٍ ما بين داره وبيني
كانت تبي لقياي ومحدده فين=وأنا انتظر متهى على الله تجيني
كانت تقول ابغى القاء بينا بين=كله مشاعر شوق لك يا ضنيني
كانت تقول أحلى لقاء للمحبين=لا صرت ابيك بشوق وانته تبيني
كانت تقول اليا لفيتك بعد بين=ابيك يا كل االغلا تحتويني
كانت مشاعرنا كبيرة عناوين=وكان القاء يحكي عطا عاشقيني
والحين في لحظه عليه تدقين=مدري من انتِ بالخبر تقتليني
يدق جوالي وارد وتقولين=عامر حبيبك مات وتقفليني
لا ياعيوني كيف بعده تنامين=ولا يا دموعي كيف بتغسليني
ولايا حياتي كيف بعده تهنين=ولا يا زماني وش بقى من انيني
صدمه وخلتني سوات المجانين= من دون ما اشعر صرت ماني رزيني
ركضت وازاحم جموع المصلين=والهم ودموع القهر تعتريني
لا تغسلونه سدر من ماء الرياحين= والا من النرجس مع الياسميني
لا تدفنونه بأدفنه داخل العين=بأغمض عيوني على نور عيني
ركضت ليني جيتها قلت تكفين=قولي احبك يا الغلا واحضنيني
تكفين قولي ما بعد متّ يا حسين=تكفين قولي لي كذا ريحيني
والا خذيني معك بأموت هالحين=تكفين في قبرك معاك ادفنيني
ما عاد ابا الدنيا وانا فاقد اثنين=حبيبتي وقلبٍ ذبحْه الحنيني
ما ابغى الحياه الي بها فقد غالين=ولا ابغى الزمان الي عمى ناظريني
انا اشهد اني ذقتك منك الامّرين=يا وقت وش باقي تسويه فيني
دايم وفي صدري من الهم رمحين=وشاعل لهيب النار زفرة كنيني
مدري اجيه منين والا على وين=وأكّمل المشوار ثم يقتفيني
سعادتي والحظ عني مقفين= واكبر دليل انه بعَد والديني
فقدت من تسوى جميع المزايين=ماتت وخلتني عسى الله يعيني
ماتت وانا ماني مصدق لـ هالحين=وأضحك على نفسي واقول بتجيني
وأقول والله كنت اقول اْلهم تجين=وأحس بكفوفك على راحتيني
وأشوفك بعيني واضمك وتبكين=وامّسح دْموعك بأنامل يديني
واقول لك من قبل لأنتِ تحاكين=تكفين ثم تكفين لا تتركيني
وأواعدك وتواعديني بوعدين=ما تتركيني ودائماً تعشقيني
صحيت من حلمي وانا بين كفين= سريرٍ ابيض ضايقٍ من ونيني
حولي دكاترتي يجون الثلاثين=والنبض ينقص لا بكت مقلتيني
الحين تو الحين ايقنت بالبين=من يوم جت صورْتك في دمعتيني
ويومي طلعت وجيت بين المصلين=قابلت ابوك وقلت وووا شيب عيني
أحبتي في غرابيل بعد ان شرفني أخوي الغالي//فايز آل بذال بدعوته هأنا اعانقكم بقصيده اتمنى ان تحوز على رضاكم واعجابكم.....
كان كاظم الساهر يغني ذات يوم.... كان صديقي وكانت حبه الابدي.... بل كان حبهما حكاية البلدِ.....فأستغرب الناس كيف القصة أنقلبت...إلى همومٍ(خصامٍ) إلى هجرٍ إلى نكدي...
ولكن هنا لم يستغرب الناس ذلك لأن حبيبة صديقي ماتت...إليكم القصيده القصه بلا إطاله ...
وإلى صديقي//حسين ( عامر) <_ لقب لهُ ألتصق به
جاني اتصال ونغمته صوتها شين=قالت الو بصوت يبكي حزيني
عامر وهْي تبكي وانا اقول بعدين=قالت حبيبك مات واشيب عيني
شهر اربعه يوم الاحد ليل الاثنين=في حادثٍ ما بين داره وبيني
كانت تبي لقياي ومحدده فين=وأنا انتظر متهى على الله تجيني
كانت تقول ابغى القاء بينا بين=كله مشاعر شوق لك يا ضنيني
كانت تقول أحلى لقاء للمحبين=لا صرت ابيك بشوق وانته تبيني
كانت تقول اليا لفيتك بعد بين=ابيك يا كل االغلا تحتويني
كانت مشاعرنا كبيرة عناوين=وكان القاء يحكي عطا عاشقيني
والحين في لحظه عليه تدقين=مدري من انتِ بالخبر تقتليني
يدق جوالي وارد وتقولين=عامر حبيبك مات وتقفليني
لا ياعيوني كيف بعده تنامين=ولا يا دموعي كيف بتغسليني
ولايا حياتي كيف بعده تهنين=ولا يا زماني وش بقى من انيني
صدمه وخلتني سوات المجانين= من دون ما اشعر صرت ماني رزيني
ركضت وازاحم جموع المصلين=والهم ودموع القهر تعتريني
لا تغسلونه سدر من ماء الرياحين= والا من النرجس مع الياسميني
لا تدفنونه بأدفنه داخل العين=بأغمض عيوني على نور عيني
ركضت ليني جيتها قلت تكفين=قولي احبك يا الغلا واحضنيني
تكفين قولي ما بعد متّ يا حسين=تكفين قولي لي كذا ريحيني
والا خذيني معك بأموت هالحين=تكفين في قبرك معاك ادفنيني
ما عاد ابا الدنيا وانا فاقد اثنين=حبيبتي وقلبٍ ذبحْه الحنيني
ما ابغى الحياه الي بها فقد غالين=ولا ابغى الزمان الي عمى ناظريني
انا اشهد اني ذقتك منك الامّرين=يا وقت وش باقي تسويه فيني
دايم وفي صدري من الهم رمحين=وشاعل لهيب النار زفرة كنيني
مدري اجيه منين والا على وين=وأكّمل المشوار ثم يقتفيني
سعادتي والحظ عني مقفين= واكبر دليل انه بعَد والديني
فقدت من تسوى جميع المزايين=ماتت وخلتني عسى الله يعيني
ماتت وانا ماني مصدق لـ هالحين=وأضحك على نفسي واقول بتجيني
وأقول والله كنت اقول اْلهم تجين=وأحس بكفوفك على راحتيني
وأشوفك بعيني واضمك وتبكين=وامّسح دْموعك بأنامل يديني
واقول لك من قبل لأنتِ تحاكين=تكفين ثم تكفين لا تتركيني
وأواعدك وتواعديني بوعدين=ما تتركيني ودائماً تعشقيني
صحيت من حلمي وانا بين كفين= سريرٍ ابيض ضايقٍ من ونيني
حولي دكاترتي يجون الثلاثين=والنبض ينقص لا بكت مقلتيني
الحين تو الحين ايقنت بالبين=من يوم جت صورْتك في دمعتيني
ويومي طلعت وجيت بين المصلين=قابلت ابوك وقلت وووا شيب عيني