سعود عبدالله .. اقرب لاهنت

[اسامي]

السلام عليكم .. ومساكم الله بالخير




طاروق للفايده مع النجم سعود عبدالله اذا وقته يسمح




ياسلام الله على اللي شاركوا في منتدانا = من قديم ومن جديد ومن حضر لازم يشارك
انت ياسعود ابن عبدالله تحارب من ورانا = وان كسبت الكسب ماتقسم من المكسب لجارك

[سعودعبدالله]

وعليكم السلام

ارحب يا اسامي و ياهلا و غلا

الفائده لي طال عمرك و من طول الغيبات جاب الغنايم

استلم


مرحبا بالشاعر اللي طوّل الغيبه و جانا=والنهار اللي يجيبه عندنا يوم ٍ مبارك
كل فارس لا تخلّف عن مواعيد امغزانا=وش يحلّ له غنايم كسب فرسان المعارك؟

[صادق الإحساس]

مساؤكم فل وورد طائفي
وياسمين ونرجس



ليلنا الليلة شعر وطرب وفرح وسرور

وطاروق حلو ينعش الخاطر ويفرح البال

صحت الالسن
وصحت القلوب



وأنا بصف المبدع
سعود بن عبدالله
ولا هان أخوي اسامي


والليل يا شباب

نبيها صباحي



لكما كامل ودي
وبستان من وردي




صادق الإحساس

[اسامي]

الله الله


سعود البقا يا بعدي

واستلم لاهنت


البقا ياسعود واللي ماعرفنا ماعطانا = لايغرك لو تشوف شعيل وسط الدعب بارك
ان قعدنا مارقدنا وان مشانا ماضمانا= وانت لو تذبح من اللي قادر ٍ ياخذ بثارك

[اسامي]

صادق الاحساس

يالله حيه


اصلا حضورك يكفي وسعود مايحتاج ( نجم جماهيري ) ههههههه


صادق الاحساس صح بدنك ولا هنت

[سعودعبدالله]

الله الله

استلم ياجني سجا


انت ما انت ابلا من اعدانا ولا انت من اخويانا=مار دارك ياوسيع المعرفه في الوضع دارك
ان رقدتوا و ان قعدتوا و ان مشيتوا ماعلانا=دارنا ماهي لك الله يا عميلي مثل دارك

[صادق الإحساس]

صادق الاحساس

يالله حيه


اصلا حضورك يكفي وسعود مايحتاج ( نجم جماهيري ) ههههههه


صادق الاحساس صح بدنك ولا هنت


الله يبقيك يالسنافي

وأنا بعد مشجع ألك

لكن قلت سعود دايم يجادل
الشعار ويقاشرهم ( ههههه )

فربما لا يكونون بصفه ويؤيدونك
لجل كذا قلت أجلس بصفه
عاد ما يصير يكون لحاله

ههههههههههههههههههه


( ترى نمزح وسعة الخاطر طيبة )


الليل

يا سعود يا شاعرنا

هات ردك المعتبر

ربي يعطيكم العافية
وجعلكم على القوة

[بعيد المراميس]

اسامي حطني على جنبك وانا اخوك

وضد صديزي العزيز سعود :)


واصبروا بروح اجيب لي فصفص من البقاله واجي هههههههههه<<<<<< تارك الدخان


وشد حيلك ياأسامي وصل به شرق

[سعودعبدالله]

مرحبا مرحبا مرحبا ياصادق ووالله اني صادق :)

انت حضورك غير حتى لو انك منت في صفي فما بالك وانت في صفي

جعلني ماخلا منك ولا من حضورك يابطل

توحيني سجل اعجابي بشخصك الكريم هههههههههه

سعود

[سعودعبدالله]

زعم جب لي معك ببس هههههههههههههه

وياهلا و غلا بصديقي اللدود :)

تحاياي

[أبوعبدالرحمن]

صحت قلوبكم جميع

وياهلابك اخوي اسامي من جديد

[اسامي]

صادق الاحساس

هلا ومرحبتين وحي هالعوده


ههههههههههههه


سعود اقشر مايجامل الا نوع خاص ههههه



==========


بعيد

يالله حيه .. ابك خلاص لاصرت جنبي ماعلي من احد


خلك معي بس هههههه


حييت يا ابو جسار


===============

ابو عبدالرحمن


صح بدنك والله يحييك


======

[اسامي]

سعود استلم لا هنت

وصح لسانك ..والرد عندك

تشرفت باللعب معك يابعدي



لجنة التحكيم عيّت لا تحدد مستوانا = مار كلّم ريسك فالوضع ولا مستشارك
قد ملكت الدار قبلك وانشد اللي في حمانا = وانت في غرفه تلاعب فالمسا والصبح فارك



.

[رحاب]

سلمتم ودمتم

[سعودعبدالله]

هههههههههههههه الله الله

استلم و صح لسانك و بدنك و كلك

والشرف لي طال عمرك


لجنة التحكيم تخطي و الخطا ماهو خطانا=اركب الخط السريع و لا تجنّب عن مسارك
لا تقوله و انت من مدّه تحت فيّة عصانا=كل يوم امعاقبينك بالضرايب و الجمارك

[سعودعبدالله]

ابو عبدالرحمن

رحاب

مرحبا فيكم شرفتونا

لاهنتوا

تصبحون على خير

[اسامي]

ههههههههههههههههه


سعود صح لسانك لاعدمتك



====

رحاب ارحبي .. ويعطيك العافيه على المرور

[الرويحـــي]

ياسلام عليكم

اسامي :
صح السانك وسلمت يمينك
رائع كما عهدناك
محاوره لايعلا عليها وشاعر لايعلا عليه
مشالله تبارك الله عليك


سعودعبدالله
صح السانك وانت ماتبي شهاده مشالله عليك

الله لايهينكم يالثنين

تقبلوا تحياتي واعجابي

اخوكم : الرويحــي
s.t

[صادق الإحساس]

سعود استلم لا هنت

وصح لسانك ..والرد عندك

تشرفت باللعب معك يابعدي



لجنة التحكيم عيّت لا تحدد مستوانا = مار كلّم ريسك فالوضع ولا مستشارك
قد ملكت الدار قبلك وانشد اللي في حمانا = وانت في غرفه تلاعب فالمسا والصبح فارك



.



هههههههههههههه الله الله

استلم و صح لسانك و بدنك و كلك

والشرف لي طال عمرك


لجنة التحكيم تخطي و الخطا ماهو خطانا=اركب الخط السريع و لا تجنّب عن مسارك
لا تقوله و انت من مدّه تحت فيّة عصانا=كل يوم امعاقبينك بالضرايب و الجمارك


يقطع شيطانكم أثنينكم

خليتوني أشيل بيوتكم سوا
ولا عاد أقدر أكون بصفك دون ذا

الظاهر بدل ما أحمسكم وأشغلكم
أنتم اللي شغلتوني

هههههههههههههههه


عموما متابع ألكم بكل أهتمام

ووالله يا سعود انك رهيب بصدق
وردك مسكت و شوي وأنسدح تقول احد ضاربني أبره

ههههههههههههههههههه


وانت يالاسامي

ردك ينقط عسل تقول أن ألك عرق بالمصريين

هههههههههههههههههه

ونعم أبكم جميع

شعار وأفخر بمتابعتكم
يالذيابه

واصلوا
ونحن
ممنونين




لكما
كل حب يسع قلوب الرجال
وكل زهر يهدى للأحبة


صادق الإحساس

[ربح السبيعي]

اسامي

ياسلام الله على اللي شاركـوا فـي منتدانـا=من قديم ومن جديد ومن حضر لازم يشـارك


انت ياسعود ابن عبدالله تحارب مـن ورانـا=وان كسبت الكسب ماتقسم من المكسب لجارك


سعود

مرحبا بالشاعر اللي طوّل الغيبه و جانـا=والنهار اللي يجيبه عندنا يـوم ٍ مبـارك


كل فارس لا تخلّف عن مواعيد امغزانـا=وش يحلّ له غنايم كسب فرسان المعارك


ياسلام على الابداع


فتل ونقض هذي المحاوره إللي نعرفها على وصولها


سجلو اعجابي

[تركيه]

الله ، الله


صح قلوبكمـ



تحياتي لكم 000

[محمد سالم الهاجري]

مشالله من العيا ر الثقيل ها المحاوره الكبيره بين شعار كبار


متابع اخوكم

فارس قطر

[اسامي]

لكل اخواني اللي حضروا هنا كلن بأسمه

الرويحي . صادق الاحساس . ربح السبيعي . الفريده . فارس قطر


لكم اعذب تحيه على مروركم العذب وتشريفكم للصفحه


انتم الملح وانا وسعود الطبخه هههههههههه


صحت ابدانكم وسلمتوا ولاهنتوا