بعيد المراميس .. لاتضيع الامانه !!

[برج المملكه]

السلام عليكم

اسعد الله اوقاتكم بكل خير

بعيد المراميس استلم مع باقة ورد :)


يابعيد إخذ منّي كلمة ٍ ما تعاد=لاتضيع الامانه و انت مامونها
كل يومٍ و حنّا في صباح و هجاد=يالله إستر على ليلى و مجنونها

[ناصر الدوسري]

برج الشعر


كبير والله اكبر


وينك يابعيد
وتراني بصفك قبل اشوف ردك

ومن غير قصور في برج

بس لاتبطى عليناااااا

[محمد السبيعي]

يا سلام يا سلام يا برج المملكة

يابعيد إخذ منّي كلمة ٍ ما تعـاد
لاتضيع الامانه و انت مامونهـا
كل يومٍ و حنّا في صباح و هجاد
يالله إستر على ليلى و مجنونها

ههههههههههههههههههههههههه ههه

بانتظار المبدع بعيد المراميس


<<< متابع بقوة

[ربح السبيعي]

يابعيد إخذ منّي كلمة ٍ ما تعـاد=لاتضيع الامانه و انت مامونهـا

كل يومٍ و حنّا في صباح و هجاد=يالله إستر على ليلى و مجنونها


صح لسانك يابرج المملكه

ننتظر بعيد المراميس

[لبيه]

صح لسانك

وننتظر الشاعر القادم

وانا في صفك يابرج المملكه

[حامل الرآية]

يابعيد إخذ منّي كلمة ٍ ما تعاد=لاتضيع الامانه و انت مامونها
كل يومٍ و حنّا في صباح و هجاد=يالله إستر على ليلى و مجنونها[/QUOTE]


برج المملكه*بعيد المراميس

محاوره بين القوه والجزاله
اتمنى مشاهدة ما أتمناه والليل يابعيد المراميس
تحياتي للجميع
حامل الرآية

[الرويحـــي]

مشالله برج المملكه وبعيد

قويه (:



والله يابرج مايقدرك غير بعيد لكن بمسك صفه
هم مهوب يقولون انا واخوي على ابن عمي وانا وابن عمي على الغريب (:

يبالله ينصرنا عليك (:

لكن صح اللسانك
ولاهنت
مبدا ولا اروع من شاعر متمكن مشالله عليك

تحيااااااتي لك ولبعيد

ومتــــــــابــــع بقوه


اخوكم: الرويحـــي
s.t

[بعيد المراميس]

الله الله يابرج المملكه

واستلم ..والاتصال حال دون التنسيق:biggrin:




لو تهب الهبايب مايميل الشداد
======== بارك الله بعينٍ تحتمي نونها

لاتقهوى دلالٍ ماذعرها القناد
======== وانت منت بورا الهقوه ولا دونها

[بعيد المراميس]

ناصر الدوسري مرحبآ والله وحي الصف اللي انت فيه

محمد السبيعي هلا وغلا وحظورك يهمني طال عمرك

ربح السبيعي مرحبآ ومسهلا وممنون على حظورك

لبيه حياك الله والصف واحد لاعدمتك والمهم حظورك الله لايهينك

هلا ياحامل الرايه وحياك يالقرم حظورك يشرفنا الله لايهينك

الرويحي مرحبآ الف ياماي براذر :) وخلك قريّب

[أبوعبدالرحمن]

لو تهب الهبايب مايميل الشداد
======== بارك الله بعينٍ تحتمي نونها

لاتقهوى دلالٍ ماذعرها القناد
======== وانت منت بورا الهقوه ولا دونها


الله الله

واصلوا وصحت قلوبكم جميع

[رحاب]

صحت الألسن

[برج المملكه]

الله الله

استلم جعلني ماخلا .. :)


كان طاح المطر و الخير عمّ البلاد=أثمرت نخلة الوادي و عرجونها
عقب ما نصّبتك إيران يا احمد نجاد=رحت معها كما الجمره و غليونها

[برج المملكه]

الجميع ارحبوا و ابا ازيد ارد عليكم لكن عقب الفاصل .. :)

مرحبا بالجميع بدون استثناء ..

برج

[أمل عبدالعزيز]

.
.
.

كان طاح المطر و الخير عمّ البلاد
أثمرت نخلة الوادي و عرجونهـا
عقب ما نصّبتك إيران يا احمد نجاد
رحت معها كما الجمره و غليونها




الله الله عليك يابرج صح لسانك

وصح لساان بعيد المراميس

وأنا بصفك وضد بعيد المراميس:غمزه:


:واو:

[أبوعبدالرحمن]

كان طاح المطر و الخير عمّ البلاد
أثمرت نخلة الوادي و عرجونهـا
عقب ما نصّبتك إيران يا احمد نجاد
رحت معها كما الجمره و غليونها


واصلوا ومازلنا مستمتعين


صحت قلوبكم