محتاجة نصيحتكم

[حواء غرابيل]

هلا..
بنات انا حبيت واحد تعلقلت فيه ادري اللي سويته في قمه الغلط بس هذا اللي صار و كنت ادري ان يكلم بنت غيري بس كنت ساكته و متحمله لاني احبة بس هو ما كان يحبني كان يبني بس علشان مصالحه كان لما يفون يكلمني في الفون احسه انه متضايق و يبي يسكر الفون بسرعه حتى مره راوني صور اللي يحبهم و قال لي جوفي هذي الحب الاول بس انخطبت و هذي الحب الثاني اللي ظاله معاي انا حيل انقهرت و قلت خلاص ما بدق عليه و لا شئ و كنت افكر كله انتقم منه ومن قبل شهر كلمت وحده ا بوها يشتغل في النيابه جذبت عليا و قلت لها ترا فلان عطا رفجتي الرقم و قال انه يحبج و يشوه سمعتج قالت معليه بوريه و قالت لابوها السالفه و ابوها حلف انه ما يهده و قالت انها كلمت ابوه و قريب بيرسلون له احضاريه عاد انا من جم يوم كلمته علشان اجوف اذا الاحضاريه وصلته و له لا طلع ما وصلته و قام يتكلم عن البنات اللي يحبهم و يمدحهم انا كنت ميته قهر و كان اسلوبي يبين اني مقهوره بعدين من قهري سبيته و قال لي ما ابي اجوف رقمج مره ثانيه في تلفوني قعدت ابجي واستغفر ربي و قلت ما في شئ يستحق ان اغضب ربي علشانه بس حاسه روحي ما اقدر انساه و هذا الشي قاعد ياثر على دراستي كل يوم افتح الواتساب علشان اجوف متى اخر ظهور له
اتمنى انكم تفيدوني