الزعيمه ............ ياتكون او لاتكون

[سلطان الشيباني]

هاتس .............. :)



سلام ردّه ينصا الزعيمه سلام للي تحبك القاف ولحونه = وان كان ياناس ضاعت علومه ماظن غير بعيد هو راع الزعامه

مافيك عدّه سينه وجيمه عطنا علومك واعرف اللعب وفنونه=امعرّب الساس قدمك وسومه قم لاتوانا واطلب الله بالسلامه

[تركيه]

الله الله عليك يالشيبااني 000

وننتظرر رد الزعيمه 000


متاابتكم 000


تحياتي الـ ـ ـفـ ـ ـريـ ـ ـدهـ

[ناصر الدوسري]

الله الله

عليك

يالشيباااااني


واظنها بترجع لابعيد
من غير قصور فيمن طلبت

وعلى قولة اخوانا المصريين
الميه بتكدب الغطاس

[نـــادر]

الله الله عليك يااابن مشيب


والله والله انهاا مااعد تنسم بعدك ياااا (بعيد )


وينك ياالزعيمه


نشووف وش بتسووين مع سلطاان


تحياتي


نادر

[الرويحـــي]

ول ول ول ول


واشيب عيني (:


ايوالله ابن مشيب


<<يبي يتكي ويتفرج في صنع الله (:

[بعيد المراميس]

الله الله ياسلطان على هالطاروق :)

والزعيمه قدها وقدود مايحتاج وشاعره من الطراز الاول


متابع لهذا الطاروق الحجازي الجنوبي :)

[ربح السبيعي]

ياسلام عليك يالشيباني


صح لسانك


ننتضر الزعيمه

[نايفة شمر]

استلم وتوني انتبه لهالمحاورة


سلام ردّه ينصا الزعيمه سلام للي تحبك القاف ولحونه = وان كان ياناس ضاعت علومه ماظن غير بعيد هو راع الزعامه

مافيك عدّه سينه وجيمه عطنا علومك واعرف اللعب وفنونه=امعرّب الساس قدمك وسومه قم لاتوانا واطلب الله بالسلامه

استلم


مده وشده وش ذا الوسيمة ماهيب قدك وانا لاجيت مجنونه = كم شخص محتاس يصلى سمومه في تالي المشوار لا يرجع حمامة

من فوق خده دايم مقيمه , اشرب سمومك عليك سيوف مسنونه = يا راس مابه راس غيرك وألومه كلٍ معك يبغى دروس الفخامة

[بعيد المراميس]

الله الله سلطان والزعيمه ولعب على بحر مختلف

الزعيمه:ياراس مابه راس غيرك والومه كلٍ معك يبغى دروس الفخامه !!!


حاولي تعيدين نظر ! مهيب هيه؟

متابع

[أبوعبدالرحمن]

طرق صعب وجميل


صحت قلوبكم

وشكل اليوم مهو يومك يا زعيمة

لان غلطة الشاطر بعشرة

والزعيمة اللي اعرفها ماعمرها اخطت في لحن

تحيتي لكم

[سلطان الشيباني]

الفريد ..

مرحبا مرحبا وحييتي

وسَعِدنا بمتابعتك :)


_________________________


ناصر الدوسري ..


حياك الله ووجودك شرف لاعدمتك :)


__________________________



نادر ..


مرحبا مليون تردف دبلها


وجودك في متصفحي اسعدني وشرفني لاعدمتك :)


___________________________


الرويحي ..

حياك الله ومرحبا

حدد موقفك الله لايهينك ثم تكّ على راحتك ياراع العناوين المقتبسه :biggrin:


_________________________


بعيد المراميس ..

ارحب ارحب عليّ الملازيم لترحب :)

والزعيمه مالحدزني فيها شتّسه ..

ولو انها ماهيب من الطراز الاول على قولتك هههههههه ماناديتها على قافي هذا

<<<< يقول بعيد منآن هو فايد كلمة الطراز :biggrin:


________________________

ربح السبيعي ..


حييت ومرحبا مليون

وجودك شرف لاعدمتك :)


________________________


ابو عبد الرحمن ..

يامرحبا مليار اي والله

حييت حييت يامدير الماقع ووجودك بحد ذاته شرف لاعدمتك


________________________

الزعيمه ..

مرحبا مرحبا ..





يا راس مابه راس غيرك وألومه كلٍ معك يبغـى دروس الفخامـة

8
8
8
8

الشطر هذا تسان ماني بغلطان انتس تبينه كذا :biggrin:

7
7
7
7
(((مابه ولاراس غيرك والومه كلٍ معك يبغى دروس ٍ فالفخامه)))


عموما ً استلمي وجلّ من لايسهو



ذبحك نعدّه اكبر جريمه تركك على كيفك يلحّدزني مهونه=واشوف جسّاس مَكْبَر علومه وان جات للصمله تَلَهوَث في كلامه

ياليت جدّه نادى حريمه ثم حطهن فالمطبخ تغسّل صحونه=تَكْنِس بمكناس تقضي لزومه من شان ماتلطم خدودك بالندامه

[ناصر الدوسري]

الله الله عليك يالشيباااني

الطرق ماهوب بسيط والله
للحقيقه والله يبي له متمكن

ولاهوب قصور في الزعميه
لكن يمكن اليا صار مكتوب
يكون يعجز
بس متاكد ان الزعيمه لو سمعته
ماراح يصعب عليها
وبدورهـ عند احد العيال ان لقيتها
نزلته

والله يبقيك يالشيباااني

[نايفة شمر]

سلطان الشيباني :
سلام ردّه ينصا الزعيمه سلام للـي تحبـك القـاف ولحونـه
..................... وان كان ياناس ضاعت علومه ماظن غير بعيد هو راع الزعامه

مافيك عدّه سينه وجيمه عطنا علومك واعرف اللعـب وفنونـه
..................... امعرّب الساس قدمك وسومه قم لاتوانا واطلـب الله بالسلامـه

الزعيمة :
مده وشده وش ذا الوسيمة ماهيب قـدك وانـا لاجيـت مجنونـه
..................... كم شخص محتاس يصلى سمومه في تالي المشوار لا يرجع حمامة

من فوق خده دايم مقيمه , اشرب سمومك عليك سيـوف مسنونـه
..................... يا راس مابه راس غيرك وألومه كلٍ معك يبغـى دروس الفخامـة

سلطان الشيباني :
ذبحك نعدّه اكبر جريمه تركك علـى كيفـك يلحّدزنـي مهونـه
..................... واشوف جسّاس مَكْبَر علومه وان جات للصمله تَلَهوَث في كلامه
ياليت جدّه نادى حريمه ثم حطهـن فالمطبـخ تغسّـل صحونـه
..................... تَكْنِس بمكناس تقضي لزومه من شان ماتلطم خـدودك بالندامـه
علومه سرت بدري وكلها عندك و انا اختك
وبعدين ارجع لبيتك الأول في أول رد لك ، وشف لحنه وشف بيتك الأول في ردك الثاني وتأكد من لحنه
اما بالنسبة لي فكنت كاتبة ( يا راس يا راس غيرك ما الومه ) لكن قدر الله وما شاء فعل

المهم استلم على لحن ردك الأول

لا ما يهده ناسٍ غشيمة ، مِعمي عيونه وقصده كحلة عيونه= طباخة الفاس ناس امهمومة ، وان جات للصملة تجي مثل النعامة
الهرج اعده ، هذا ثليمة ، الناس ماعاد فيها ناس مضمونة= رقيق الاحساس ، كلش ترومه انته قمر مرغوب في حزة تمامه

واشكر كل من مر على المحاااورة وخصوصا ابو عبد الرحمن اللي تنكر لي ويدور علي أدنى شي وهو اكثر واحد يعرف شعري ويعرف اسلوبي ويعرف طواريقي ، المهم اقتنعت او ما اقتنعت هذا شي يخصك


الزعيمة

[لبيه]

ياسلام مخحاوره طيبه

&&&&

صحت السنتكم

[أبوعبدالرحمن]

صح لسانك يالزعيمة

ومثل ما انتقدناك على الشطر بننتقد الشيباني على التكرار أمّا اختلاف اللحن بين رده الاول والثاني فخبرتي ما تأهلني افتي بهالموضوع ونترك الحكم عند زعم


صحت قلوبكم ومازلت متابع لكم

[سلطان الشيباني]

لبيه ..

مرحبا الساع وحيّاك ..
___________________________


ابوعبد الرحمن ..

مرحبا مرحبا وحيّ الانتقادات اللي تجي منك :huglove:

______________________

الزعيمه ..

حييتي ومرحبابك

وبدال ماهيب علومه خلّيها حلومه ويسلم راسك :tongue:





وبعدين ارجع لبيتك الأول في أول رد لك ، وشف لحنه وشف بيتك الأول في ردك الثاني وتأكد من لحنه

ياليل الالحان والاوزان وبيتك الاول فيه وبيتك الثاني مافيه وش رايتس انزل رابط صوتي بمحااوره على نفس اللحن هذا ونفتك منتس ومن معمعتس وتشوفين منهو اللي على اللحن واللي مهوب عليه ؟ :biggrin:

عندتس .................................:wink:




جت مستعدّه تبغا الغنيمه لكن يامبعد ضعوني عن ضعونه= طير ٍ وقرناس يوم انت بومه بالميسم الحامي على الخدّين شامه
انباح سدّه رفلا سقيمه لاشك ماينلام لن كثرت طعونه=ناعم وحسّاس يام النعومه نصيب سلمى واجتمع معها سلامه

[بعيد المراميس]

الله الله

اذا طلبتوا رأيي ويمكن مايهمكم بالمقام الاول انا اشوف ان ابيات سلطان موزونه وتكرار القافيه مأخذ على سلطان لاكن الوزن ميه الميه

الهرج اعده ، هذا ثليمة ، ((الناس ماعاد فيهـا نـاس مضمونـة))

اللي بين الاقواس مختلة الوزن

واللي ماهو مقتنع من الجمهور يرد لي خبر اما غنيته له بالجوال وغنيت المحاوره كامله بلحنها الاصلي اوسجلتها ملف صوتي انا مستعد ومافيه مشكله عندي

والحق مايزعل احد وانا ماني اعلمكم لاكن اللحن عرفته


برايفت سلطان :)

[أبوعبدالرحمن]

الله يعطيك العافية يابعيد

وصح لسانك يا سلطان

والأكيد أن جميعهم نجوم وامتعونا


استمروا فأنا متابع هنا


تحيتي لكم

[نايفة شمر]

استلم :

أمحق مكدة ، جاب الوخيمة سلطان خايب وعندي ضاعت ظنونه=لا بد ينداس ، ماكل قضومه ومن فوق راسه لاحت بروق الغمامة
معروف حده مافيه قيمه يدّه قصيرة وراسه دوم مدهونة = تراك كرياس وآنا محشومة انته تهامي رُوح عوّد في تهامه

بالنسبة لبيت سلطان الأول لحنه يختلف عن لحن بيته الأول في رده الثاني
ويختلف عن بيوته التالية ، وانت يا بعيد روح شف كلامي ولا تحكم على ردينه الاخيرة
لانها موزونة لكنها تختلف عن البيت الاول اللي بدا به المحاورة وانا عند رايي ومصممه عليه ولا عندي فيكم
هذا غير ان رده الثاني طخ سماوي ، والخطا المطبعي اللي حصل مني اثنا نقل الابيات للرد ونبه عليه سلطان ما كابرت وقلت كلامكم خطا لكن كلامي اللي قلت حول ابيات سلطان متاكدة منه والدعوى ترا ما هيب حميا وفزعات يا عتااااابه





الزعيمة

[أبوعبدالرحمن]

ولا عندي فيكم

عصبت البنت هههههههههههههه

صح لسانك يالزعيمة

[سلطان الشيباني]

استلم :

أمحق مكدة ، جاب الوخيمة سلطان خايب وعندي ضاعت ظنونه=لا بد ينداس ، ماكل قضومه ومن فوق راسه لاحت بروق الغمامة
معروف حده مافيه قيمه يدّه قصيرة وراسه دوم مدهونة = تراك كرياس وآنا محشومة انته تهامي رُوح عوّد في تهامه

بالنسبة لبيت سلطان الأول لحنه يختلف عن لحن بيته الأول في رده الثاني
ويختلف عن بيوته التالية ، وانت يا بعيد روح شف كلامي ولا تحكم على ردينه الاخيرة
لانها موزونة لكنها تختلف عن البيت الاول اللي بدا به المحاورة وانا عند رايي ومصممه عليه ولا عندي فيكم
هذا غير ان رده الثاني طخ سماوي ، والخطا المطبعي اللي حصل مني اثنا نقل الابيات للرد ونبه عليه سلطان ما كابرت وقلت كلامكم خطا لكن كلامي اللي قلت حول ابيات سلطان متاكدة منه والدعوى ترا ما هيب حميا وفزعات يا عتااااابه





الزعيمة







ول ول ول ول :biggrin:

هاذي والله اللي عصبت صدز ولاعاد تشوف الدرب ههههههههه


عموما ً صح لسانتس ولاهنتي واعذريني تسان زلّيت عليتس بكلمه ومن ناحية الاوزان مالي شغل فيها مره مره ..



اخوي بعيد هو ادرى واعرف وأظنّه عطا رايه بكل حياديّه


وان تسان ما اقتنعتي لا براي بعيد ولا رايي مستعد اسجل صوتي على الجوّال و اشيل ابياتي كلها واشيل ابياتك انتي


وانزلها فالمنتدى ..





والجمهور هو الحكم ..!





برايفت لبعيد :)


(( يدّه قصيرة وراسه دوم مدهونة ))


ودّي تشوف شطر البيت هذا لزعيمتنا المبجله هو موزون ولاّ ؟:tongue:








تحاياي العاطره للجميع :)

[سـعـد الحويماني]

متابع


لا تقولون حميا بعد


ههههههه

[سلطان الشيباني]

واللي ماهو مقتنع من الجمهور يرد لي خبر اما غنيته له بالجوال وغنيت المحاوره كامله بلحنها الاصلي اوسجلتها ملف صوتي انا مستعد ومافيه مشكله عندي


ياحبذا :)



انا جوّالي نوكيا ابو بصمه ولاّ تسان سجّلت صوتي العذب ونزلته هنا :biggrin:

[ناصر الدوسري]

صح السااانك يالشيباااااااااااااااااان ي

وصح السانتس يالزعيمه

ولاتحتااج للزعل

ياليت بعيد لنه جهه محايدهـ
ينزل الحن بالصوت وان كان
لقا الحن شايلينه هله اللي هم اهل الجنوب
ينزله بالصوت يكون ازين ان كان لقاهـ
لاني دورت عليه وسالت واحد من العيال ولالقاهـ
ومدري يمكني بعد لقيته لكني ازرت اعرف اهو اللحن ولالا

بعيد المراميس ولاعليك امر ياليت تنزل اللحن
لفض الخلاف
وعشان اللي ماعرف اللحن يعرفه
ومنهم نفسي ازرت له ماقد لعبت باللحن الجنوبي هذا مره
على ان خويي جنوبي زهراني لكن ماقد لعبت معه على نفس هللحن ولادري
ان كانه يعرف اللحن ولالا

كني كتبت معلقه هههههههههههه

وقبل انهي الكلام ارجع اقول
صح السااااااااانك يالشيبااني ولاهنت
وصح السانك يازعيمه وخلي صدرك وسيع
محدن يطلع على الدنيا عالم

[أمل عبدالعزيز]

,
,
,

صحت قلوبكم وألسنتكم يالغاالين

ومحاورة رووعة

ويبيلها واحد محايد غير بعيد لأن بعيد ضد الإدارة وأنا مع الزعيمة ههههههههههههههههههههههههه هه

فوش رأيكم بمحمد السبيعي أو مفرح بن مناحي ولا يهون زعم عدوي اللدود


ههههههههههههههههههههههههه هههههههههههههههههه

[بعيد المراميس]

بالنسبة لبيت سلطان الأول لحنه يختلف عن لحن بيته الأول في رده الثاني
ويختلف عن بيوته التالية ، وانت يا بعيد روح شف كلامي ولا تحكم على ردينه الاخيرة
لانها موزونة لكنها تختلف عن البيت الاول اللي بدا به المحاورة وانا عند رايي ومصممه عليه ولا عندي فيكم
هذا غير ان رده الثاني طخ سماوي ، والخطا المطبعي اللي حصل مني اثنا نقل الابيات للرد ونبه عليه سلطان ما كابرت وقلت كلامكم خطا لكن كلامي اللي قلت حول ابيات سلطان متاكدة منه والدعوى ترا ما هيب حميا وفزعات يا عتااااابه





الزعيمة

اختي الزعيمه أولآ اختلاف لحن سلطان ماني مناقشك فيه مدام انتي مصممه لاكن اما ينزله سلطان ملف صوتي والا انزله انا وتنتهي المشكله ..وهي ماهي مشكله بحد ذاتها هي اختلاف في وجهات النظر

والخطأ المطبعي معذوره فيه وجل من لايسهو...


اما من ناحية ماهميناك هذا شي راجعلك وانا ماجيت افرض رأيي عليك ولا على غيرك انتي اللي فتحتي الموضوع بمحاورة ربح السبيعي ومرزوق العطاوي ! وكان من المفروض ترسلين لي او لاحد المشرفين قبل تنزلين الموضوع او يكون هناك قسم اسمه الميزان للقصائد والمحاورات الغير موزونه او اللي فيها نقاش ....

والحميا محد جاب طاريها وانا اخوك ولو هي حميا على قولتك كان ماجيت ورديت على موضوعك وقلت لمرزوق بالبنط العريض ابياتك مختلة الوزن وماهي موزونه على الاقل اكتفي بالتزام الصمت او حذف الموضوع لاكن لاحقاق الحق رديت وبينت الخلل ومحاورتك مع سلطان ماكان ودي اتكلم فيها ولا اقول شي لاكن هناك من طلب رأيي

اكرر

اختلاف الرأي لايفسد للود قضيه

دمتم بخير

[بعيد المراميس]

,
,
,

صحت قلوبكم وألسنتكم يالغاالين

ومحاورة رووعة



ويبيلها واحد محايد غير بعيد لأن بعيد ضد الإدارة وأنا مع الزعيمة ههههههههههههههههههههههههه هه

فوش رأيكم بمحمد السبيعي أو مفرح بن مناحي ولا يهون زعم عدوي اللدود


ههههههههههههههههههههههههه هههههههههههههههههه

امل عبدالعزيز اخت وغاليه وعزيزه....



مفرح مناحي ومحمد السبيعي ماعليهم قصور وانا انتظر رأيهم:11ctor:

ضد الاداره انا والا مع الاداره هذا شي ماله دخل بحياديتي في المواضيع


انتظر الرد من الادراه