قص ولزق

[تريباني الرياض]

قصيده خاصه في الشعر اللي داخل الشات طبعاً الشات الكتابي قبل لا نتطور وناصل الصوتي
هلا باللي نطق قافٍ صـــــــداه يعدل الميــــــلات **** صدوقٍ بالمعاني معطي الكلمه وموفيها
على نفس القضيه جيت لـــــــه تدفعني النخوات **** اشوفه يصفق بكفه لحاله رايحٍ فيــــــهـا
قضيه شيبت زين الشبـــــــاب وصار بالامــوات **** اشوف الشعر قص ولزق كلٍ جاب تاليها
بناتٍ يلعبن بعقل جاهــــــــل يتبع الشهـــــــــوات **** يردد خلفها ما قدر الكلمه وقاريــــــــــها
يقولن القصيد احساس ما يتبع نظــــــــــام وذات **** على كيفك تصرف به قيوده لا تجاريــها
تسم قلوب ناس وناس ما تدري عن الغلطـــــات **** الى من شافت الزله تعدلها وتعديـــــــها
حسافه يابنات اول عليهن تذرف العبـــــــــــرات **** بناتٍ صدقهن غطى الجزيره من نواحيها
حسافه يالقصيد العذب وادري فات مع من مات **** سنينً من بشاعتها تبينــــها مطاريــــــها



اتمنى انهاااا تعجبكم وخاصه البنات احم لا احد يزعل هااااااااه ايه




مــــــــــــ اطيب المنى ــــــــــــــع

[مفرح بن مناحي]

تريباني الرياض ..

ما شاء الله عليك...

نشاط وجهد واضح .... وتواجد أكثر من رائع ...

أما بالنسبة لما طرحته في قصيدتك ... فهو أمر موجود ..

لك أطيب التحايا ... من أخيك سهم المنايا

[شقران]

سلمت يالعزوه على ماقرات لك

عساك تبقى يالطيب


شقران