برج المملكـــــه ........!!

[صتمان]

مساك الله بالخير يابرج



اسمع




ان كان برج المملكه يسمع نداي=الليله الميدان نار ٍ موقده

شبيتها واليا طلبت زدت الحطب=واللي عقد روس الحبال يحلها

[حامل الرآية]

صتمان

صح لسانك ولاهنت
بس باقي البيت الثاني؟؟؟؟؟؟؟؟؟؟؟؟؟
والا انا غلطان !!!!
متابع
تحياتي
حامل الرآية

[صتمان]

هذا مزاجي الليله مسكت اللعب تسذا

وكل واحد حر في تصرفاته (:

وصح بدنك والجاي اكثر

[حامل الرآية]

هذا مزاجي الليله مسكت اللعب تسذا

وكل واحد حر في تصرفاته (:

وصح بدنك والجاي اكثر


مدامك كذا سجلني وانا اخو فريال بصفك
ولايهون برج المملكه
تحياتي للمسكات

حامل الرآية

[بعيد المراميس]

ههههههههههههههههه

لالا طلعه من طلعات صتمان وبأنتظار برج وانا اتوقع انه نشبان بالكيبورد :)


متابع وفي صف صتمان بدون منازع

[برج المملكه]

الله يمسيك بالنور

وارحب ياصتمان و عندك


اللاله الشعّار كلّ ٍ و إله راي=ياكثرهم كثراه قومه و قعده
أنتم عجم يا أصحابنا والاّ عرب=واللّي عقد روس الحبال يحلّها

[صتمان]

بعيد

هم مايقولون خالف تعرف

نبا نطبق المقوله اذنا نعرف اكلوا الجوا ناس والله مدري هم يلعبون محاوره والا يلعبون اونو (:

لكن انت الوحيد اللي فاهمني وأشكرك على التواجد

تحيااااااتي

[أبوعبدالرحمن]

صح لسانك ياصتمان

وتمنيت محاورتك مع البرج تكون مباشرة وبطرق يجبرنا على المتابعة حتى النهاية

لانكم اساتذه في غرابيل

[برج المملكه]

ارحبوا ياعرب :)

[صتمان]

مهوب موظوعي ولامشيت خطاي=والحبل اعقده ثم احله واعقده

ياللي حفيت الرجل من زود الطرب=واللي عقد روس الحبال يحلها

[صتمان]

ابوعبدالرحمن حياك الله

وماعندنا مشكله انا متواجد لو تباني اللعب المنكوس واحب روباعه

تحياااتي لك

[سعودعبدالله]

ياسلااااااااااااااااااااا اااااااااااااااام سلم


صتمان وبرج المملكه والعب على الاطراف مع الهجمه المرتده

متااااااااابع لكم وبقوه


صحت قلوبكم


لك تقديري

[برج المملكه]

ياصاحبي صتمان عوّد معي جاي=و الحبل خلّه في يداك و جوّده
الله يكافينا المشاكل و النشب=واللي عقد روس الحبال ايحلها

[أبوعبدالرحمن]

صحت قلوبكم

ولازلت متابع

[صتمان]

حياك ياسعود يامرحبا ومسهلا



برج

اسسسسسسسسسسسمع



انا يابرج المملكه مارجع وراي=علم ٍ سمعته لاتحرف مقصده

واليا وردت العد عود بالقرب=والي عقد روس الحبال يحلها

[محمد سالم الهاجري]

الله الله عليكم بيض الله اوجيهكم على اللعب الطيييب


سجلني في الصفوف الثنين يابو عبد الرحمن

اخوكم فارس قطر

[ناصر الدوسري]

الله عليكم


صحت السانتكم
ولاهنتواا على
هالابداااع

[برج المملكه]

سقها مدام الجوّ عندك هاي هاي=والبرج لا خاواك اخذ يدك بيده
لكنّ لا تخرج عن حدود الادب=واللي عقد روس الحبال ايحلها

[الرويحـــي]

صتمااان

والله انك مغامر ياولد من بعيد لبرج (:

لكن منت ببسيط يالجني (:
صححححح الساااانك وانا في صفك وهذا شي مفروغ منه


برج

ايوالله برج واشيب عيني (:

وش اقول غير صح السااانك
ولاهنت
وسلمت
ودمت
جزززززاله بمعنى الكلمه

متااااابع لكم

اخوكم : الرويحـــي
s.t

[صتمان]

مرحبا بفارس قطر وأهل قطر كلهم


صح بدنك ياناصر والله لايهينك على المتابعه ووجودك يشرفنا


الرويحــي يكفيني انك ماسك الصف انت وعمامتك البرتقاليه
مدري هو لون جديد والا مخزنه

[صتمان]

اسسسسسسسسسسسممممممممع



اثر مداك اقصر شويه من مداي=وللحمل عظمك ياعميلي مبرده

وانا اخبرك من لابة السيف الحدب=والي عقد روس الحبال يحلها

[تراحيب الحربي]

صتمان وبرج صحة روسكم لاهنتم

[برج المملكه]

قبل تحدّد يالصتيمه مستواي=لدّ النظر في مستواك و حدّده
ماودّي احدك و تاكل لك مطب=واللي عقد روس الحبال ايحلها

[برج المملكه]

حامل الرآية

بعيد المراميس

أبوعبدالرحمن

سعودعبدالله

فارس قطر

ناصر الدوسري

الرويحـــي

تراحيب الحربي

يامرحبا تراحيب الحيا من حامل الرايه لتراحيب الحربي :)

متابعتكم وحضوركم تشرفنا لاعدمناكم

برج

[صتمان]

طيب طيب




ياشين خاطر برج لكن باي باي=بكره ليا غنت حليمه تسعده

هذي جماله من عريبين النسب = والي عقد روس الحبال يحلها

[برج المملكه]

ما غنّت الا عقب ما اعجبها غناي=وانته تغنّي طول ليلك سرمده
جمالتك خذها يابو دقن و شنب=واللي عقد روس الحبال ايحلها

[الرويحـــي]

ههههههههههههههههه

[صتمان]

صح السانك يابرج
وبيض الله وجهك
هذا وهو مغير بيت واحد الظاهر لو اني لاعب ٍ بيتين سويت سواة الرجيلي

لكن على العموم صح السانك ياذيبان
ويشرفني اللعب معك ولاهي مجامله الا كلمه حق وواجب

ولنا لقاء انشالله بعدين

وهالحين مسكت على مرزوق ابروح اطلبه

تحيااااتي

[برج المملكه]

حياك الله ياصتمان والشرف لي طال عمرك

وصح لسانك وبدنك ولاعليك زود

تقبل تقديري وسلامي

برايفت للرويحي

ضحكتك تاكل على اللحيين :)

لكن ياهلا و مية غلا يالرويحي

اخوكم برج

[بعيد المراميس]

ههههههههههههه الله الله

صحت السنتكم وماقصرتوا يالثنين شعار وافين وافين الله لايضركم