من تشيله عظامه ( سلامٍ سليمٍ وسالم على الديره ضفا )

[نايفة شمر]

من تشيله عظامة لاشاف اسمي يقرب





سلامي تحية وفية نخص بها الكرام = كرامٍ حشامٍ ونترك قليلين الوفا
ليامن بدعنا القوافي فسلم يا سلام = سلامٍ سليمٍ وسالم على الديره ضفا



الزعيمـة

[نايفة شمر]

والله اني عارفه ان محد بتشيله عظامه

[نايفة شمر]

ياعيب الشوم يا غرابيل

تصبحون على خيررررررررررررررررررررررر

[أبوعبدالرحمن]

صح لسانك يالزعيمة

وهالطرق يبي له فضاوة والشعار وراهم دوامات

حاولي مره ثانية وان شاء الله يجي من يلعب معك

[نايفة شمر]

صح بدنك ياعشق والله والله لو ياخذون اجازة ما هم عارفين الطاروق ولاهم جايبينه


الزعيمة

[نـــادر]

الزعيمه


صح لساااااااااااااااانك


تحياتي


نادر

[بعيد المراميس]

لاإله الا الله

الزعيمه والله ماني تارك ابياتك كذا بدون رد وان كان اللحن خطأ عندي .. يخلف الله علي هههههههههه

لاكن محاوله وعلى الله انه صحيح

واستلمي الرد



هلا مرحبآ بالزعيمه وكلن له مقام=مـَـقامن حيامن ظوامي مقطعها الحفا
بدعتي كلامٍ مذهّب وقلنا لك كلام=كلام ٍ يضامن كلامك مثل نقع الصفا

[أبوعبدالرحمن]

الله الله يابوجسار

صح لسانك


وانا بصفك الليلة

[محمد السليس]

حسبي الله عليك يا ابو جساار

والله انى عارف ٍ ان اللحن ماايفوتك

الله يرحم حالى بس

ولاهاانت زعيمتناااا

[نـــادر]

هلا مرحبآ بالزعيمه وكلن له مقام
مَقامن حيامن ظوامي مقطعها الحفا
بدعتي كلامٍ مذهّب وقلنا لك كـلام
كلام ٍ يضامن كلامك مثل نقع الصفا



جابها الجني

قالكِ ابوعبدالرحمن يالزعيمة

منتي معجزه شعار غرابيل ولو تفرغوا لك ماتنفسين هنا

صصصصصصصصصح لسانك يابوجسار وانا بصفك الليلة

[دانـــــه]

ابو جسار اقرأ على نفسك .. ههههههههههههههههههههههه
لا اله الا الله اذكرو الله ياجماعه
.
.
.
صح لسانك وبصفك اكيد

[أبوعبدالرحمن]

لا اله الا الله

[نايفة شمر]

جني عماااااااااااااااااااااان ي






بعيد المراميس صاب الهديفه بالتمام = تمامٍ وشامن له حروفها جهر وخفا
وانا البارحة جيت سوقٍ ورواده نيام = نيامٍ غشامٍ من النوم فيهم ما كفا

[أبوعبدالرحمن]

بعيد المراميس صاب الهديفه بالتمام
تمامٍ وشامن له حروفها جهر وخفا
وانا البارحة جيت سوقٍ ورواده نيام
نيامٍ غشامٍ من النوم فيهم مـا كفـا


الله الله

واصلوا

[بعيد المراميس]

اذكري الله يابنت:biggrin:


بعيد المراميس صابه ولا فيها حرام =حرامٍ ليامن جحدتي وقلتي لي هفا
ابا اصوم مدام اشوف العرب قدمي صيام= صيامٍ قيامٍ يهلون بالضيف ان لفا

[بعيد المراميس]

مرحبآ يابو عبدالرحمن وحياك الله والصف يتشرف بوجودك طال عمرك

مرحبآ يابو علي ولاتحسّب على اخوك المسلم الضعيفون:biggrin:

مرحبآ يانادر تراحيب المطر وحي هالحظور وانا اخوك لاكن لاتخليهم يمسكونها علي الجني:biggrin:

دانه مرحبآ ومسهلا وحي الصف اللي انتي فيه وتبين العلم اقري علي انتي:biggrin:

تحياتي لكم كلكم كلكم

[أبوعبدالرحمن]

بعيد المراميس صابه ولا فيهـا حـرام
حرامٍ ليامن جحدتي وقلتـي لـي هفـا
ابا اصوم مدام اشوف العرب قدمي صيام
صيامٍ قيـامٍ يهلـون بالضيـف ان لفـا


شمس ماتنجحد يابوجسار

واستاذ ماشاء الله عليك

واصلوا

[محمد السليس]

وانا البارحة جيت سوقٍ ورواده نيام
نيامٍ غشامٍ من النوم فيهم مـا كفـا

ترانى من الشله اللى يعمهم التعميم الصاادر من وزارة الدااخليه تقسيم ميم


ابا اصوم مدام اشوف العرب قدمي صيام
صيامٍ قيامٍ يهلـون بالضيـف ان لفـا

انا من هالشله صاايم

ههههههههههههههههههههههههه هههههههههههه

لاهنتوووووووووو يا استااذتنا وشياابناا الكرااام

[أمل عبدالعزيز]

الله الله يالزعيمة

صح قلبك وكلك

والصف اليوم معك

قلب وقالب

ضد بعيد عدو الإدارة

ههههههههههههههههههههههههه ههههههه

[أمل عبدالعزيز]

,
,
,

عدد الأعضاء الحاليين الذين يشاهدون محتوى هذا الموضوع : 16 ( 3 عضو و 13 ضيوف )
أمل عبدالعزيز*, بعيد المراميس*, دانـــــه


كل هالضيوف جايين لعيوونك يالزعيمة

!!
!
!
!

وربي أنك خطيرة وبقوووة بعد


لك يخرب بيتها للمحاورة كيف تحوس العاالم

[محمد السحيل]

قصم بالله كلام


صحت السنتكم يا كبار


متابع

[نايفة شمر]

صح لسانك اخوي بعيد وتشرفت باللعب معك
ويكفيني بالهمحاورة كشفت لك اسماء هنا في غرابيل تتفرج من بعيد ودخلت الموضوع ولا قدرت ترد
وكل اللي نوروني حياكم الله

[بعيد المراميس]

هلا و غلا يالزعيمه

والشرف لي اني اجاريك وارد عليك

وانا عارف ٍ الطاروق صعب لكن ماودي اتركه كذا محد يرد علاه

تحياتي لك ولابداعك

[أبوعبدالرحمن]

صحت قلوبكم جميع

كبار وامتعتونا فعلا


تحيتي لكم