المساعد الشخصي الرقمي

مشاهدة النسخة كاملة : ياسلام الله


احمد العتيبي
17-06-2006, 01:20 AM
المعذره من الاعضاء وزوار انا اخذت الضو الاخضر من المشرفين
















ياسلام الله سلام(ن)يفتح البيباني




يفتح البيبان والذئب يعرفه الجني



السليس محمد اعرفه ولايخفاني




والليالي فالرجال يخيب(ن) الظني


















___
ربح السبيعي
17-06-2006, 01:24 AM
احمد العتيبي صح لسانك


ننتضر الشاعر المبدع محمد السليس
أبوعبدالرحمن
17-06-2006, 02:33 AM
السيل


شله ولاتحطه إلا ميت



صح لساانك وانا بصفك
نـــادر
17-06-2006, 04:30 AM
صح لساااااااااااااااااااانك وكلك


عليك باااسليس


وينك


وانا في صفك يااحمد
محمد السليس
17-06-2006, 08:59 AM
الله يحييك

واستلم لاهنت


ياهلا يامرحبا يالشاعر الطربانى = ردة ٍ ماكنها الا هيل وسط البنى
خابرك يالسيل شاعر تبدع القيفانى = تدهر لو ان مبطى جاك جلطه منــى
محمد السليس
17-06-2006, 09:02 AM
ربح السبيعي

هلا وغلا والله

ابو عبدالرحمن

هلاااااااااا والله وغلا

وانا دارى ان الضوء الاخضر منك هههههههههههههههههه

نادر

هلا والله وغلاا يااذيباان


والسااعه المباركه حضوركم يالنشاما
احمد العتيبي
17-06-2006, 01:14 PM
هلا وغلا يالسليس




استلم لاهنت




اقرب اقرب ياطويل العمر لاتعصاني





لاتزبر وانت لقمه ماتوقي سني



كل ابونا يامحمد مسلمين اخواني





مير قابلك اثاراء وانا السماء قابلني
احمد العتيبي
17-06-2006, 01:24 PM
ربح السبيعي

هلا وغلا

ابو عبدالرحمن

هلا وغلا


نادر

هلاوغلا




ابوعلي احسن الظن الضليمه ترها شاانه



ابو عبد الرحمن مايدري عن شي




تحيااااتي للجمع وشكرآ للحضور
محمد السليس
17-06-2006, 01:54 PM
المهلى مايولى

واستلم


هات لك معنى وكب مطامر الجرفانى = وانت تاكل كل حاجه بس ماتاكلنى
والله انى مستحى من ربعى العتبانى = شاعر ٍ من غير معنى معهم يفشلنى
محمد الجبريني
17-06-2006, 02:29 PM
ياسلام متابع لاهنتم ياشعار

تحياااااتي
حزن النوايف
17-06-2006, 04:25 PM
الله ابداع بيض الله وجيهكم وسلم منطقكم الجزل00

واصلوا ونحن معكم نواصل

يالله يا شعار القوافي والمعاني الرزينه:11umbup:
أمل عبدالعزيز
17-06-2006, 06:52 PM
,
,

,
ياعيني

والله ياأحمد من زمان أحتريك تحاور

وأنا بصفك ولايهون أبو علي


وصحت قلوبكم
محمد السليس
17-06-2006, 07:31 PM
محمد الجبرينى

هلا وغلا والله

حزن النوايف

لاخلا ولاعدم هالحضور الطيب والمشجع

أمل عبدالعزيز

اثرك شانه على حمله مع الادااره

هين هين يا الاداره

ولاهنتى على حضورك الطيب
عبدالعزيز الناصر السبيعي
17-06-2006, 09:24 PM
صح السنتكم وبدانكم واصلوا

متابعين ...


انا فصفك يامحمد السليس

يالله ورنا شغلك فالادارة ههههه
أبوعبدالرحمن
17-06-2006, 09:48 PM
الله الله يا احمد

صح لساااانك

وعليك فيه

ترى النفس عليه قشرا

وصفك صار ملكي
نـــادر
17-06-2006, 09:51 PM
الله الله يااحمد


وصح لساانك


ولاهنت ياابو علي


متااابع
أبوعبدالرحمن
17-06-2006, 09:52 PM
صح لساانك يابوعلي

والضوء الاخضر للجميع اللي بيحاور في غرابيل مهو ماخذن مني تصريح

وفيه واحد هنا طالبك محاورة

http://www.sfsaleh.com/vb/showthread.php?p=1002732&posted=1#post1002732
محمد السليس
17-06-2006, 10:16 PM
ناادر

لاهاان راسك يالذيب

وجعلى فدا هالحماس والله

استاذي ابو عبدالرحمن

اللى يقول اخذت تصريح مهب انا

اللى يقوله احمد الله يعاافيك

مير انت شاايل ٍ على وانا اخوك

ولع النور الله يعاافيك ويخليك لى
احمد العتيبي
18-06-2006, 01:18 AM
استلم يابوعلى







لدشوفك لسماء وركد تبي تلقاني





لاتعود للعلوم الطامله تطمني



بعد هذه روح اخذ دوره على الميداني



ياجملنا كنت تهدرليش رحت اتحني
محمد السليس
18-06-2006, 01:41 AM
استلم يالذيب


والله أنا مانحب ملاعب الورعانى = وانت شايب بس منهم مستواك الفنى
انت مثل الهاف لامنـــه مشى بالثانى = بس ذاك يحن وانت مع الطريق تونـــى
احمد العتيبي
18-06-2006, 02:17 AM
استلم يالجني









مد كفك ومسح الحيه عسل ودهاني


واجب الحيتك كافي رد علمه عني



انت ماضيعك غير امكامخ الضلعاني





لين راح المذهب الشيعي سوى واسني















الاخ الشاعر الكبير محمد السليس



يعلم الله ماعند الاداره خبر في شي

انا اللي حبيت العب معك لني مبطن عنك واللي اشرف يوم العب معك يا بوعلي

وودي اكمل معك بس ضروف العمل لاتسمح بعض الاحيان


امل منك الخاتم لاهنت



تحياتي لك وتقديري


اخوك الصغير احمد العتيبي
محمد السليس
18-06-2006, 02:22 AM
عسانى ماخلا ولاعد

وانت تعرفنى مغير اتجرى عليك والا انت استااذي وتااج رااسي

ولو بيت من عند السيل يوجه لمحمد السليس

يعتبر مكسب لمحمد السليس

وابد يالامير

مجمل ومشكور

وصح لسااانك وعساانى ماخلااااا

ومااعليك من سوالفنا الثاانيه

بس ابو عبدالرحمن

يحب يستغل السوالف في الاثاره


وهو شايبنا واله حق ويمون علينااااا

ولاهنت يالقرم
احمد العتيبي
18-06-2006, 03:22 AM
محمد الجبريني


حزن النوايف


امل عبد العزيز



عبدالعزيز السبيعي



ابو عبد الرحمن



نادر





هلا وغلا بالجميع وشكرآ لكم على الحضور




تحياتي لكم



اخوكم احمد العتيبي (السيل)
أبوعبدالرحمن
18-06-2006, 07:18 PM
صحت قلوبكم

وماقصرتم
الزعيم الأول
21-06-2006, 02:34 PM
السلام عليكم ورحمة الله وبركاته
,

,

ياسلام

ياسلام

بصراحه عملاقان من عمالقة غرابيل
لا نملك الا ان نقف امام هذا الكلام