الطير
29-09-2003, 11:11 AM
الــــــــSــسلام عليكم ..
تبون الصراحة أبو نوال ترجاني أنا و بدوري أن مانكتب هذا الموضوع لكن أخوكم فالله ما صدق خبر و على طول جيت أكتبة ولو أنه متأخر شوي ..
المهم قام المدعو بدر بالإتصال علي لكي يعزمني على طعام العشاء ( لا يفوتكم اللغة العربية الفصحى ) و قال لي أبو نوال مشتااااق لشوفتك |1| ..
قلت ما هيب مشكلة متى ..؟؟ قال لي الساعة 9.00 م و الله و أطير ( على وزن الطير ) للموقع إلي نبي نتواعد فيه علشان العشاء ..
وجاء بدر معه أبو نوال و يسلم علي أبو نوال و يقول و ينك يا أبن الحلال من زمان ما شفناك و أنا أقول له ايه نعم سم لأنه الله يسلمه ما خالله لي فرصه أتكلم ( أبو نوال دبلوم فلسفة ) ..
المهم و الله ويحلف علي أني أركب قدام مع أنه أكبر مني بـ 20 سنه :rolleyes: ... ركبت قدام و تبادلنا أطراف الحديث و قال لي بدر أتصل على الناااقد خله يجي قلت مهيب مشكله و أتصلت على الناااقد و قال لي أبشر عشر دقايق و جايك ..!!
و الله ناخذ لفه بسيارة بدوري ( الطيارة ) ما شاء الله نبارك الله و نحتري الناااقد طقنا الجوع و قال لي بدر أتصل عليه ثانية قله وينك و الله و أتصل و لا رد علي !! آآآآآفا و اتصل ثالثة و لا رد علي و أتصل بجوالي الثاني ( الولد كاش ) قلت يمكن ما يعرفه و يرد و يدق يدق و لا رد علي قال أبو نوال شكله أنشغل يا الله خلونا نتعشى تراني ميت جوع ..
قام بدر وسألني و ين تبي نتعشى فيه قلت أبو نوال هو الضيف أسأله وسأله بدر وين تبغى تتعشى فيه يا أبو نوال قال و الله فيه مطعم بس بعيد شوي ما يخالف قاله بدر و الله لوه في الصين بنروحلة على شأنك ( ما أدري شكل أبو نوال ماسك على بدر شيئ ) قال فيه مطعم توه فاتح جنب دوامي حتى اليوم بغيت أتغداء فيه بس لقيته زحمة عليه قلنا وين فيه ..
المهم مشينا على توصيف أبو نوال راح الليل و حنا ندور و الله و يشر عليه أبو نوال و يقول هذا هو المطعم و أسمه مطعم الصخرة قال شوفوا الزحمة عليه هه تبونا ننزل و نتعشى فيه قلنا ما يخالف بس رح شف أنت المطعم و حنا نبي نحتريك في السيارة قال خلاص و الله ويروح يبي يفتح باب المطعم ما أنفتح معه أستغرب و ين الناس يدخلون معه و الله و أقراء لوحه صغيره على المطعم مكتوب فيها ( سوف يتم الأفتتاح قريباً ) !!
نادينا أبو نوال و قلناله شف اللوحة وش مكتوب فيها قال هه وشلون طيب وين الناااس ..؟؟ أثر فيه مطعم جنب هذا المطعم و الناااس فيه قلنا يا أبو نوال شف الناااس في هذا المطعم .. :mad:
عاد تبون الصراااحة أبو نوال ما عرف يتكلم |2| و صرف الموضوع و قام يتكلم في المنتدى و من عقبها مسك عليه بدر هذي الكلمة مطعم الصخرة .. :rolleyes:
تحياتي لكم ..
الطـــــــــــير (( طير الحب )) :)
تبون الصراحة أبو نوال ترجاني أنا و بدوري أن مانكتب هذا الموضوع لكن أخوكم فالله ما صدق خبر و على طول جيت أكتبة ولو أنه متأخر شوي ..
المهم قام المدعو بدر بالإتصال علي لكي يعزمني على طعام العشاء ( لا يفوتكم اللغة العربية الفصحى ) و قال لي أبو نوال مشتااااق لشوفتك |1| ..
قلت ما هيب مشكلة متى ..؟؟ قال لي الساعة 9.00 م و الله و أطير ( على وزن الطير ) للموقع إلي نبي نتواعد فيه علشان العشاء ..
وجاء بدر معه أبو نوال و يسلم علي أبو نوال و يقول و ينك يا أبن الحلال من زمان ما شفناك و أنا أقول له ايه نعم سم لأنه الله يسلمه ما خالله لي فرصه أتكلم ( أبو نوال دبلوم فلسفة ) ..
المهم و الله ويحلف علي أني أركب قدام مع أنه أكبر مني بـ 20 سنه :rolleyes: ... ركبت قدام و تبادلنا أطراف الحديث و قال لي بدر أتصل على الناااقد خله يجي قلت مهيب مشكله و أتصلت على الناااقد و قال لي أبشر عشر دقايق و جايك ..!!
و الله ناخذ لفه بسيارة بدوري ( الطيارة ) ما شاء الله نبارك الله و نحتري الناااقد طقنا الجوع و قال لي بدر أتصل عليه ثانية قله وينك و الله و أتصل و لا رد علي !! آآآآآفا و اتصل ثالثة و لا رد علي و أتصل بجوالي الثاني ( الولد كاش ) قلت يمكن ما يعرفه و يرد و يدق يدق و لا رد علي قال أبو نوال شكله أنشغل يا الله خلونا نتعشى تراني ميت جوع ..
قام بدر وسألني و ين تبي نتعشى فيه قلت أبو نوال هو الضيف أسأله وسأله بدر وين تبغى تتعشى فيه يا أبو نوال قال و الله فيه مطعم بس بعيد شوي ما يخالف قاله بدر و الله لوه في الصين بنروحلة على شأنك ( ما أدري شكل أبو نوال ماسك على بدر شيئ ) قال فيه مطعم توه فاتح جنب دوامي حتى اليوم بغيت أتغداء فيه بس لقيته زحمة عليه قلنا وين فيه ..
المهم مشينا على توصيف أبو نوال راح الليل و حنا ندور و الله و يشر عليه أبو نوال و يقول هذا هو المطعم و أسمه مطعم الصخرة قال شوفوا الزحمة عليه هه تبونا ننزل و نتعشى فيه قلنا ما يخالف بس رح شف أنت المطعم و حنا نبي نحتريك في السيارة قال خلاص و الله ويروح يبي يفتح باب المطعم ما أنفتح معه أستغرب و ين الناس يدخلون معه و الله و أقراء لوحه صغيره على المطعم مكتوب فيها ( سوف يتم الأفتتاح قريباً ) !!
نادينا أبو نوال و قلناله شف اللوحة وش مكتوب فيها قال هه وشلون طيب وين الناااس ..؟؟ أثر فيه مطعم جنب هذا المطعم و الناااس فيه قلنا يا أبو نوال شف الناااس في هذا المطعم .. :mad:
عاد تبون الصراااحة أبو نوال ما عرف يتكلم |2| و صرف الموضوع و قام يتكلم في المنتدى و من عقبها مسك عليه بدر هذي الكلمة مطعم الصخرة .. :rolleyes:
تحياتي لكم ..
الطـــــــــــير (( طير الحب )) :)