ليه كذا ياتاجرات حسبي الله ونعم الوكيل حسبي الله ونعم الوكيل حسبي الله ونعم الوكيل

[أسواق]

السلام عليكم..

اسعد الله صباح ومساء الجميع يارب..

رساله مني لجميع التاجرات بدون استثنا وتوعيه للجميع ..

ليه ياتاجرات تسجلون اسماء الزباين باسم الحي؟؟
علشان ماتنسون والا علشان تعرفونهم والا تميزونهم والا وش المقصود بظبط؟
طيب ليه تسجلون اسم الزبونه ومن ثم اسم الحي؟
حسبي الله ونعم الوكيل جاني ازعاج على جوالي وتهديد واحد يعرف عنواني بلاخير طلع شاري لخته جوال مستخدم لقي فيه بيناتي مسجله ولقي اسماء كثير غيري وتصل عليهم وارسل ماتخفون الله في بنات الناس؟!!:ang:

طيب خلاص هذي بتركها على جنب حتى انا اتاكد بنفسي كتبت العنوان وطلع في البرنامج حسبي الله ونعم الوكيل بس..

طيب الي ترسل مندوب مو قد الثقه هذي وش الحل معها ومع مندوبها؟!!:ang:

بمجرد ماقفل القي منه رسايل على الواتس طيب من متى المعرفه علشان ترسل والا خلاص تعرف رقمي وعنواني بتراسلني حسبي الله ونعم الوكيل في كل واحد يوصل طلبات مو قد الثقه كثير ازعجات تجيني الحين ومطره اغير ارقامي وغلبهم مندوبين توصيل الله لايبارك فيهم مايرضونها لاخواتهم يرضونها البنات الناس؟!!:ang:

انتم يتاجرات بدال ماتصيرون عون صرتم لنا فرعون اطلب منكم الاغراض وتجي لحدي بس بليتونا بالمندوبين الي مايخفون الله والعناوين تكتبونها عند الرقم او بالجوال مرفقه مع الاسم..

وحده ضمنتلي مندوب وهذا ولد فقير مسيكين ماعنده سالفه يوصل طلبات علشان يصرف على نفسه وقالتلي انه ولد صغير طلع كبر اخوي ومن اول توصيل سوالف انتي تدرسين وكل شوي يحط صوره رمزيه لخشته علشان شوفيني اعجبك :p5088:
اطريت الغي الواتس اطريت اقفل جوالي وفتحه وقت الحاجه بس كله علشان الازعجات حسبي الله ونعم الوكيل..


رساله الى جميع التاجرات لاتبلون بنات الناس بمندوبين مايخفون الله وتقو الله في بنات الناس وفي عناوينهم اغلبهم ماعندهم احد كل شوي يركضون لسوق فكونو لهم عووون ياتاجرات لا فرعوون..

الى كل البنات الي يشترون من الانترنت انتبهو من المندوبين الي مايخفون الله ونتبهو بعد لاتخلون التاجرات يسجلون بيناتكم بالجوال ويصير معكم مثلي الله ينتقم من كل واحد اراد في بنات الناس سوء يارب..