كيف يرجع الاتحاد

[عميد اتحادي]

من وجهة نظري اشوف في امل انه الاتحاد يرجع هالسنه ويجيب بطوله

وبعدها يطوي هالصفحه ويستغل فترة الاجازه ويعد اعداد سليم مع مدرب كفو


بس اللي يجب يصير الحين بهالفتره

طبعا بعد مانشوف نتيجة مباراتنا مع الوحده اللي ابصم لكم بالعشره انها تعادل او خساره

يتم اقالة المدرب وتعيين مدرب مؤقت سواء وطني او اجنبي المهم يكون دافع نفسي للاعبين

هالموسم وراح تكون خطوه ايجابيه نفسيا ومعنويا

اما الخطه المستقبليه كالتالي
1
-اختيار مدرب يكون سجله التدريبي ىفيه ايجابيات اكثر من السلبيات مو لازم بطولات وبنفس الوقت

ممنوع يكون في اخفاقات مثل هبوط نادي وماشابه

2-سرعة التحرك بجلب لاعب اسيوي ظهير ايسر او تصعيد عبدالرحمن ريو ومحمد العمري للفريق الاول مع اعطائهم الثقه

3-محاولة التعاقد مع مهاجم اجنبي بديل للاعب "بيل" صحيح بيل بدري الحكم عليه بس جسمه

ماينفع بكل صراحه واتمنى مهاجم الفتح "توريس"

4-اعطاء اللاعبين الشباب فرصه اكبر ندريجيا وعدم ركنهم ع الدكه حتى ينتهي اللاعبين معنويا

وبالنهايه يتم اعارتهم لانديه اخرى

5-معاقبة كل لاعب يضرب بقوانين النادي عرض الحائط مهما كان اسم اللاعب ومكانته بالفريق

والحد من الفوضى

6-هالنقطه جدا مهمه اعطاء اللاعبين رواتبهم بشكل منتظم لان هالنقطه هي اللي خلتنا نخسر

الكثير هذا الموسم

هذي وجهة نظري عشان يرجع الاتحاد مثل ماعهدناه

ودمتم بكل خير