المساعد الشخصي الرقمي

مشاهدة النسخة كاملة : يا سلام الله


طـّيب الهقـوه
09-06-2006, 02:07 AM
السلام عليكم ورحمة اله وبركاته

يشرفني طرح هالطاروق الخفيف واللعب مع الشعراء الافاضل لا هنتـم
واقول



ياسلام الله وعلى حسن الضيافه ........من هجوس مر. يا نجوم ابوطنها
يابعيد انشدك عن حجم المسافه.........لي غرض والله يوم انشدك عنها
00العنود00
09-06-2006, 02:20 AM
الللللله الللللللله

صح لساااااااااانك يا طيب الهقوووووووووه لاهنت طاروق رائه

والله ودي ارد بس بخلي المجال لغيري

بانتظاااااااااااار الررررررد يااااا شعراااااااااااااااء
وارد العتيبي
09-06-2006, 02:31 AM
وعليكم السلام ورحمة الله وبركاته

الشرف لنا


واتمنى يعذروني شعار المنتدى على اللقافه

(( اعتقد الواو في الشطر الاول خطأ مطبعي))


واستلم هالبيتين :)



مرحبا والعذر من طرق اللقافه = لو ما ني من معازيب بسكنها
علم للطيب يقاس وعلم طافه =هات علمك واللحى ما نمتهنها
محمد السحيل
09-06-2006, 03:14 AM
يا سلام سلم

صح لسانك طيب الهقوه

وحياك الله بين اخوانك وخواتك


وصح لسانك يا وارد على الرد الكايف

وانت المعزب وانت الكل بالكل طال عمرك
00العنود00
09-06-2006, 04:17 AM
مرحبا والعذر من طرق اللقافه
لو ما ني من معازيب بسكنها
علم للطيب يقاس وعلم طافـه
هات علمك واللحى ما نمتهنها


اللللله اللللللله

صح لساااانك لا هنت

واسمحوولي بصف العتيبي ولا يهوون طيب الهقوه
طـّيب الهقـوه
09-06-2006, 04:41 AM
الاخوان الافاضل مشكورين على الحضور المشرف
اشكركم جميع

لاهنت يا وارد ..الواو هذا قضية مجتمع ههههههه

استلم


البقا ياللي هرج في شي شافه ........واللحى معروف ويش اللي حسنها
كـل رجــلً بالقسـى جود لحافه ......... لكن العربان وين اقفى ضعنــها
محمد الجبريني
09-06-2006, 05:22 PM
السلام عليكم
ياالسحيل ويالعنود العنود معذوره نسيت معاد هي مشرفه على قسم المحاوره
الاكن السحيل وين رح عنها والا انا فاهم غلط ؟

طيب نستفسر من الشاعر راع البدعه .,,
وقبل الاستفسار صح السانه على تظييع الحضور والمشرفين الا انكان من باب الصدفه هههههههههههه

يابعيد انشدك عن حجم المسافه @@ لي غرظ والله يوم انشدك عنها ,
لابله مؤكد علمه الشاعر في الشطر الاخير (له غرض )


اتوقع انكان ماني واهم ان الشاعر خص شاعر بعينه يريد ان يلعب معه والمشرف لو ماهو متواجد كان قلنا
الدعوي سايبه لاكن اس فيه يالسحيل ماتسوف انته ههههههههههههههههه
ولاهان من رد من الروح وفيها وبرهن رده انه من طرق الاقافه ويمون على المطلوب أمنينا ههههههه بعيد المراميس
ويقوم بالواجب مانقول فيه الا كل خير وصح السانه على الرد الرائع بس

انا عتبي كله على السحيل الى ذا كبره مشرف بعد لاشمتنا , ريع الرياجيل ياولد وقف اللعب هههههههههههه

السحيل كيفك تراها بسكذى فففففشخره ابحرق رزك شوي ولا ادري انها ماتطوفك ياذيبان وترا الوعد الي بيني وبينك قرب جهزتله راحلتي بس انشغلنا شوي ذليومين بعد انشالله يغادرون الضيوف الكرام المحافظه اتفضالك ههههههههههه
محمد الجبريني
09-06-2006, 05:33 PM
معذووور كفيت وفيت اول واحد يعذرك انا ومسموحلك

ياوارد العتيبي وردك مليان ومغلاق وانا في صفك
ازهل الصف انت معزب ومن ظمن المعازيب ومدامك بعد روقي لوالله ماهي لقافه الاحميه

وحياك الله في غرابيل تراي العمده انكان بتوقع لك
اوراق الختم عندي مسلمنيه ابو عبد الرحمن الامير امير غرابيل ههههههههههههه

تحياتي ولاهان اخوي طيب الهقوه
طـّيب الهقـوه
10-06-2006, 06:26 AM
وعليكم السلام اخوي محمد ولا هنت طال عمرك

ومشكور على الحضور دمت بخير
الرويحـــي
10-06-2006, 09:41 AM
حلو


صح الساااانك ياطيب الهقوه

وصح السانك يالعتيبي


واذا فيها صفوف تراني في صف طيب الهقوه ولاتهرجوني مره


تحياتي لكم يالثنين

اخوكم / الرويحـــي
s.t
طـّيب الهقـوه
11-06-2006, 01:45 AM
اخوي الرويحي .الحلو حضورك المشرف

الف شكر على حضورك وتشجيعك

تقبل كل تقديري واحترامي