صديقي اللدود برج المملكه تعال ..

[اسامي]

السلام عليكم .. ومسّاكم الله بالخير


طاروق مع المبدع برج المملكه اذا وقته يسمح له



سلام ياهل الطيب في موقع الطيب
امعطّره بالعود والدهن والطيب
وكبد ٍ عليله من دوا طبي اطيب
والصبر زين وكل مطرود ملحوق



اقرب يابرج المملكه والوعد حان = لاتدّرق خلف العقم والنثيله
انته مع االفرسان تشعب لك حصان = وانا مع الفرسان راع الكحيله

[بعيد المراميس]

الله الله الله يااسامي

ههههههههههههههه هذا والله الليل صدز

ياخي القرابه تجبرني على صف برج لاكن في صفك والمخرج ملي وعليك ابه شب فيه النار


متابع

[اسامي]

بعيد اررررحب ارررحب

يالله تحييه ومدامك في صفي ماعلي لو يجي مستور


خلك قريب بس هههههههههه

[بعيد المراميس]

ماعليك ياسنايدي معك وبرج خبري فيه يخنق في محاوره الحين واتابعه ههههههه

لاكن يبي يجي والله معنا ....حاول تطعنه بسكين والا تطعنه في كرامته ههههههههههه اهم شي تطعنه

[محمد السحيل]

يا سلام عليك يا اسامي


مبدا ولا زيه


صح لسانك وكلك


وانا بطبعي ضد بعيد



في صف البرج وخل زعم يفتكك بعدها

[سلطان الشيباني]

ياسلام سلّم ..

حي هالصوت يا اسامي وحييت



في انتظار برج ..




الليل الليل .











على فكره ..


الصف محايد لظرفٍ ما :)

[اسامي]

زعم ههههههههههههههههه

هو وراه يخنق دايم الاقشر
والله مايستاهل الطعن مار ابطعنه في تسبده

زعم لاهنت على التواجد والتحميس هههه


==========
محمد السحيل حيه حيه
وترى برج ماهو بنافعك ههههه
محمد
تشرفنا بتواجدك وحضورك .. وهذا يكفيني
سلمت ولا هنت

=========

سلطان
يالله ابقه ابقه

ابك افزع معي وانت تقول محايد
ترى برج مجمعن له عصابه مير مدري وين راح

سلطان حضورك ومتابعتك شرف لنا
لاهنت يابعدي


يالربع شوفوا لي برج وين هو بيلعب ولا لا

[برج المملكه]

اسامي ارحب

و عليكم السلام والرحمه والله يمسيك بالخير و الرضا

وقتي هالحين يسمح اما البارح معزووووم :)

استلم


يامرحبا و اللعب معنى و طاروق
وانته وانا روقه ونبع العطا روق
لكنّ هدّ وروق عقب البطا روق
يالله على بابك يافتاح الابواب


مادام راس (البرج)من فوق الامتان=يبا يعدّي فوق راس الطويله
انا حصاني سابق بكل ميدان=وانته فرسك من الخيول الاصيله

[برج المملكه]

بعيد المراميس هههههههه

طيب طيب اوريك وخل اسامي ينفعك لارحت بكره مثل هذا اللي يشال >> :11retcher

محمد السحيل ارحب و يبا الله يعين على الاخوان الاعداء .. :)

ابن مشيب سلطان .. الحياديه مايمدحونها خلك قريب يامال العافيه واحتس بعيد المراميس بدقّة محيسن وازهل اسامي عندي :)

تحياتي للجميع

[اسامي]

الله الله ههههههههههه


استلم يابرج


دام البقا ياللي ترد التحيه
لامن نصاك الضيف فالبيت حيه
والداب مايرجع مع الوقت حيه
والصبر زين وكل مطرود ملحوق



للقوم شيخ وللمشاييخ رعيان = وانته ترى منته بشيخ القبيله
اثر الحصان معزرن فيك يافلان = دايم عليه ولامعك فيه حيله

[محمد الجبريني]

سامي
وبرج


ماشالله عليكم رااااااائعين
وابيااااااات جزااااااااااال

تسلمون
سجلوني متابع الجميع

وتراي في صف برج صفك ياسامي اعذرني كلهم خصومي اللي فيه وبيني وبينهم عداوه
ولامديني اقرب ماخذ حذري من بعيد واحد مير لو يشوفي في المرمي
ماوفرني بس عسي بندقه ماتطولني وتحول بيني وبينه جبال مكه الشاهقات

تحياتي

[ربح السبيعي]

اسامي و برج المملكه


صحت السنتكم


ولاهنتو على هالطاروق الرائع


وانا في صف برج المملكه ولايهون اسامي

[حزن النوايف]

صح السنتكم جميعا على هذا الابداع الراقي 00

والله مدري اقول محاوره ولا اقول انتخابات يا جماعه الوضع فيه وقف معي !!!

ولاكن أنا بريي الشاعر الذي يثبت بصمته وابياته قويه وجزله هو الذي يستحق التصفيق:11ap:
مع إني اشاهد ما شاء الله عليهم كل واحد أكبر من الثاني

لكم الشكر والاحترام
اختكم حزن النوايف من المتابعين والمتواصلين في حلقات المحاوره و يشرفني ذالك

[برج المملكه]

طيب طيب عندك :11ccer:



الله يحيي كل ضيفٍ عليه
وانته شريف ولك منازل عليه
والا الزمالك مثل الاسماعليه
يالله على بابك يافتاح الابواب


معي عصا موسى و خاتم سليمان=و فرعون ماله غير قصره ونيله
نبا نحملك الحمل ياكحيلان=خابرك شيّال الحمول الثقيله

[برج المملكه]

محمد الجبريني ..

مرحبا ومسهلا حضورك ووجودك في الصف يزيدني .. لاهنت يالغالي ..

ربح السبيعي ..

هلا ورحب حضورك يشرفنا وتواجدك في الصف نوماس .. لاهنت يالغالي ..

حزن النوايف .. هلا و غلا ..

تقولين((ولاكن أنا بريي الشاعر الذي يثبت بصمته وابياته قويه وجزله هو الذي يستحق التصفيق))

اكيد في صفي :)

هلابك و هلا بالجميع

[اسامي]

هههههه

ياسلام

هاخلوهااا



يابرج كانك إليد البنت طالب
قدمك خطبت البنت قبل انتطالب
وانا مدرس صف مار انت طالب

والصبر زين وكل مطرود ملحوق


عييييد عيييد عيييد ..:11ap:


والله ماني بـ عايد :biggrin:



وشلون جت معك العصا وانت هامان =وهمان مع فرعون ضيع دليله
احرص على نفسك من السيف شامان = لاتبتلي فالدرب عابر سبيله

[اسامي]

محمد الجبريني

ههههههه

هلا ومرحبتين
حضورك يزيدنا شرف لاهنت ..

سلمت على المتابعه
========

ربح السبيعي
حيه حيه
لاهنت .. وحضورك ومتابعتك هي الاهم

سلمت على الحضور

=========
حزن الولايف
هلا وغلا
والله برج من يناطحه هههههه
لكن يبي ينصرني الله عليه
سلمتي على حضورك ومتابعتك

[برج المملكه]

هههههههههههههه

اما عيد عيد حلوه ها استلم عشان عيد عيد :11umbup:


الملعبه تبغالها شاعر و صف
وحتيش لو حطولك المدرسه صف
لو يعرفونك سلّموك المقاصف
يالله على بابك يافتاح الابواب



نويت اسوقك بالعصا يابليهان=وانوخك للحمل حتى تشيله
لاتحسب ان السالفه ضحك حجان=دخلك علم ولا بقى الا قليله

[الرويحـــي]

اسامي

صح اللسانك
ولاهنت والله يعينك على برج والله مايقدره غير اللي خلقه
لكن عزالله انك منت ببسيط
ارجع واقول صح ثم صح وبرضو صح وكمان صح لسااانك
<<تراه يتابع من البدايه بس مايحب يزعج (:

برج المملكه :
وآآآشيب عيني (:

انت ممتاااز (:

صح السانك كثر خويك
جزاله ومعنى وقوه

مشالله عليكم يالثنين


تقبلوووووا تحيااااااات اخوكم :

الرويحـــي
s.t

[اسامي]

الله الله ههههههه


استلم لاهنت



خابرك تشحذ عند بباب المساجد
قلبك فضيخ ولامعك علم ساجد
نمزح معك فالصبح ولا المسا جد
والصبر زين وكل مطرود ملحوق


ليتك تحوش الضان يا راعي الضان = واللي مشره فالجمل يا حليله
الديره اللي عدّها بين ضلعان = نارد عليها كل يوم ٍ وليله

[اسامي]

الرويحي حيه حيه

وصح بدنك

والله يالبرج اقشر ومحد يناطحه ... لكن انت في صفي ولا صفه


تراه ينهار لا شاف الصفوف كثرت ههههه


الرويحي شكرا على مرورك ومتابعتك تسعدنا