تـعـوّذ مــن إبلـيـس ذي دونـهـا رجــال

[فهده]

ياقلب كم لك وانـت مـن حـال فـي حـال
من شفت (سارة) وانت حالتك حاله
أنـــا مـعــك حـلــوة ونظـراتـهـا هـبــال
بـس الغـرام الصعـب مـالـك ومـالـه
ذي عنـدهـا لـكـزس وسـايـق وجـــوال
وأنـا كـورولا .. لا وبإسـم الوكـالـه
سـواقـهـا فـــي ذمـتــي يـاكــل أثــقــال
كلّه عضل شف كيف يرفع شمالـه!!
تـعـوّذ مــن إبلـيـس ذي دونـهـا رجــال
وأنــا مكـسّـر خـــل مـنــك الهـبـالـه
تـسـكـن بـفـلّـة ماتجـيـلـك عـلــى بـــال
شغل أجنحة .. ماهو مقلّـط وصالـه
مصـروفـهـا يـكـفـي ثـمـانـيـن رجّــــال
ياشيـخ أبـوهـا مــادرى كــم حـلالـه
حتـى أمهـا ياصاحـبـي حـرمـة أعـمـال
واخوانهـا .. كـلٍ غنـي فـي مجـالـه
إعـقـل يـبـو .. بيحـلّـهـا ألـــف حـــلال
أنــا أطـلــب الله وادّعـيــه وأسـالــه
إسهـر وفـل حـجـاج نبـضـك وإذا طــال
فيك السهر .. ارقـد مثـل منـت دالـه
وش غيّرك ! .. قد كانت أوضاعنا عال
لارحم أبو (روبي) على (البرتقالـه)
خـلّــوك لـلـحـسـرة والآمــــال حــمّــال
حتـى غديـت بداخـل الـصـدر عـالـه
حتـى هلـي مــن شافـنـي منـهـم قــال :
لا يـابــري حـالــي ويـاوجـدنـا لـــه
ياقـلـب تـكـفـى وش مـعــك والتـخـبّـال
إلعـن ابليـس وكــب مـنـك الخبـالـه

[سعد النخيش]

ذيبة عتيبة

صح لسانك يا بنت العم

[زبن بن عمير]

ذيبة عتيبة انتي بنت وهل هذه القصيدة لك الاسم غامض قليلا مع القصيدة!!!

[جواهر عبدالله]

ذيبة عتيبة حياكـ الله في منتديات غرابيل

ونشكر لكـ نقلكـ لنا قصيدة الشاعر / ناصر الفهيد

ألف شكر لكـ .

[فهده]

هذي لناصر الفهيد والله اني مدري بس نسخ لصق

[عبد العزيز سبيل الحربي]

ياسلااام ياسلااام

على القصيده الرائعه

على العموم صح إلسانج

تقبلي تحياتي

كحيلان

[فهده]

الجيم تنطق ولا تكتب .. انصح بدنك

[سيف العدالة]

ذيبة والله انك نشمية يابنت الاجواد


الله يعطيك العافية على نقلك

[فهده]

الله يسلمك