الدعاء - احد يفسر لي شنو يعني ؟

[حواء غرابيل]

السلام عليكم بنات








انا عندي امنيه حيل بخاطري تتحق عالامنيه اهي كل حياتي كل يوم اتخيل وشنو بيصير وكل شي على هالامنيه ووايييد قريت مواضيه عن ادعيه ومواطن الاستجابة وكل شي وسويته الحمدلله يارب بالسجود اسجد وابجي اقول كل اللي بخاطري ولمن افز من نومي ادعي وبين الاذان والاقامه حتى مرتين رحت العمره وانا بالطياره اقول وادعي ربي ان يستجيبها لي كنت حاطه امل 20% ولمن رحت العمره حيل ارتحت وقعدت ادعي بالطواف وبالسعي ولمن اصلي وبكل مكان حتى صوب الملتزم رحت صوبه مع ان ذبحه وزحمة ودعييت ربي ان يستجيبلي اللي ابيه ولمن رديت شفت الموضع شوي تبطل عقب تسكر مره وحده بويهي والحين احسه خلاص ان الموضوع قاعد يصير ضدي ماراح يتحقق مع اني متفائلة ولمن وصلني الخبر حسيت ان لا متفائله وقمت صليت ركعتين وبجيت حيل بالسجود ودعيت ربي..


بنات مادري والله اكتبلكم ودموعي اربع اربع سامحوني اذا الموضوع مخربط الله يعلم بالهم اللي بقلبي مع ان توني عمري 20 بليز بنات ادعولي ان الله يستجيب اللي ابيه واللي ابيه عاجل غير عاجل

يارب يارب يارب

وابي احد يفسرلي اللي صار هل معناته ان الموضوع بيتسكر عقب بتنفرج ولا ان خلاص خيره والموضوع تسكر ؟؟!! بليز اللي عندها علم او صار وياها جذي تقولي


ومشكورين وايد عسى الله يوفق كل وحده ردت علي ويحقق لها اللي تبي ويشرح يصدرها يارب