محمد بن دوشان
29-05-2006, 12:32 PM
صلوا على سيدنا محمد شفيعنا يوم الحشر اللهم صلي وسلم عليه
.........................................
" من لا يشكر الناس لا يُشكر "
.........................
" أبو محمد قصيدة ما تبي شاعر ولا عنوان "
...........................................
سلام الله على أهل العز وأهل الجاه والتقدير=رجال(ن) تلبس البدلة تمثل خيرة الأوطان
رجال(ن) في المعارك ترفع الأصوات بالتكبير=رجال(ن) ما تهاب وترهب الثقلين " إنس وجان "
رجال(ن) ما تقاس أفعالهم بالباع والتشبير=رجال(ن) دون دين الله تثور وكنها بركان
رجال(ن) دون " أبو متعب " و" أبو خالد " جيوش تسير=تقول إنها رياح الموت وإقلوب العدى لاغصان
رجال(ن) فعلهم وقت المعارك ما يبي تصوير=عرب فيهم شجاعه ما صنعها " عالم اليابان "
كرامه . عز . قوة باس . ما تحتاج لتبرير=سلالة جيش " أبو القاسم محمد " من نسل " عدنان "
أحيهم وأحيهم وأحيهم إلين تصير=تحياتي مثل لول البحر والدر والمرجان
بعدها يا حروف الشعر قومي وإعلني التفكير=وجيبي من غزير الشعر شي(ن) يروي الضميان
قصيد(ن) ما ورد مثله على أهل " النشر والتحرير "=قصيد(ن) يعجز الأيام والتاريخ والازمان
قصيد(ن) في نبأ شيخ(ن) بفعله صار مثل " الزير "=تعدت شهرته " إستالين والهتلر أبو الالمان "
" أبو محمد سعيد " لو نضمت الشعر فيك احير=وادور لي على شي(ن) يجملني مع الأذهان
لاني لا ذكرتك ما ذكرت إلا الدلو والبير=ذكرت إني أنا والقاف صرنا في الضما أخوان
ولكني بشد الحيل والله يكتب التيسير=ومدح الطيبين النار والشاعر نشا بردان
لو إن المرجلة مثل " المصافي وأسهم التعمير" =أنشهد ما حد(ن) غيرك غدا في سوقها بطران
لو إن إسمك دخل في معمل أهل " النفط والتكرير "=طلع منه الوفاء والطيب والشيمه مع العرفان
لو إن إسمك يقارن بالصخور القاسيه و" الجير "=تكسر كل صخر وصار إسمك للقسى عنوان
لو إن إسمك بغينا نكتبه ونسطره تسطير=عجز فيه القلم وإحتار فيه الراويه " الشرهان "
ولو إني بغيت اشرح واعبر خانني التعبير=احس إني على عهد " الخلافة " وإنك " السلطان "
ولني لا كتبت البيت وأكملته قوام يطير=كأنه " حر " والشطرين في جنبه غدت جنحان
وأنا استغرب وش القصه وادور للخبر تفسير=واقول إني مقصر في بيوت الشعر والاوزان
اثاري كل بيت(ن) اكتبه يحرص على التبكير=يبي يسبق يحب " خشمك " قبل لايسبقه إنسان
وهذا الي يخليني أخليها بلا تطوير=" أبو محمد قصيدة ما تبي شاعر ولا عنوان "
...............................................
محمد بن دوشان
.........................................
" من لا يشكر الناس لا يُشكر "
.........................
" أبو محمد قصيدة ما تبي شاعر ولا عنوان "
...........................................
سلام الله على أهل العز وأهل الجاه والتقدير=رجال(ن) تلبس البدلة تمثل خيرة الأوطان
رجال(ن) في المعارك ترفع الأصوات بالتكبير=رجال(ن) ما تهاب وترهب الثقلين " إنس وجان "
رجال(ن) ما تقاس أفعالهم بالباع والتشبير=رجال(ن) دون دين الله تثور وكنها بركان
رجال(ن) دون " أبو متعب " و" أبو خالد " جيوش تسير=تقول إنها رياح الموت وإقلوب العدى لاغصان
رجال(ن) فعلهم وقت المعارك ما يبي تصوير=عرب فيهم شجاعه ما صنعها " عالم اليابان "
كرامه . عز . قوة باس . ما تحتاج لتبرير=سلالة جيش " أبو القاسم محمد " من نسل " عدنان "
أحيهم وأحيهم وأحيهم إلين تصير=تحياتي مثل لول البحر والدر والمرجان
بعدها يا حروف الشعر قومي وإعلني التفكير=وجيبي من غزير الشعر شي(ن) يروي الضميان
قصيد(ن) ما ورد مثله على أهل " النشر والتحرير "=قصيد(ن) يعجز الأيام والتاريخ والازمان
قصيد(ن) في نبأ شيخ(ن) بفعله صار مثل " الزير "=تعدت شهرته " إستالين والهتلر أبو الالمان "
" أبو محمد سعيد " لو نضمت الشعر فيك احير=وادور لي على شي(ن) يجملني مع الأذهان
لاني لا ذكرتك ما ذكرت إلا الدلو والبير=ذكرت إني أنا والقاف صرنا في الضما أخوان
ولكني بشد الحيل والله يكتب التيسير=ومدح الطيبين النار والشاعر نشا بردان
لو إن المرجلة مثل " المصافي وأسهم التعمير" =أنشهد ما حد(ن) غيرك غدا في سوقها بطران
لو إن إسمك دخل في معمل أهل " النفط والتكرير "=طلع منه الوفاء والطيب والشيمه مع العرفان
لو إن إسمك يقارن بالصخور القاسيه و" الجير "=تكسر كل صخر وصار إسمك للقسى عنوان
لو إن إسمك بغينا نكتبه ونسطره تسطير=عجز فيه القلم وإحتار فيه الراويه " الشرهان "
ولو إني بغيت اشرح واعبر خانني التعبير=احس إني على عهد " الخلافة " وإنك " السلطان "
ولني لا كتبت البيت وأكملته قوام يطير=كأنه " حر " والشطرين في جنبه غدت جنحان
وأنا استغرب وش القصه وادور للخبر تفسير=واقول إني مقصر في بيوت الشعر والاوزان
اثاري كل بيت(ن) اكتبه يحرص على التبكير=يبي يسبق يحب " خشمك " قبل لايسبقه إنسان
وهذا الي يخليني أخليها بلا تطوير=" أبو محمد قصيدة ما تبي شاعر ولا عنوان "
...............................................
محمد بن دوشان