سلام الله

[احمد سعيد المقبالي]

سلام الله من الفرقا على وصلٍ طويل البال
سلام الله من الغيبه على حضورٍ يخجّلها
سلام الله على قلوبٍ غدت فيها الجروح رجال
ولا بعض القلوب اللي بلا جرحٍ يرجّلها
تعاتبني على وش هو؟تعاتبني على الترحال
انا اصلا ما خلقت الا احط الرجل وانقلها
ولد رجلٍ اذا هاضه سنا البارق رمى الفنجال
ولو يمحل بطن كفّه رمى كفّه وبدلها
تعاتبني على وش هو؟على اني ماجمعت المال
انا اكتب على الاوراق لكن ماعرف اكلها
تعاتبني على هالكلمتين اللي عاى اول فال
اسهلها وخلق الله تعيّ ما تسهلها


هذي اول مشاركه لي وحبيت انشر لكم
قصيدة شاعر يعز عليّ (علي السبعان)

[فارس السبيعى]

حيااااااااااك اللة اخوى معاهد ومشاركة جميلة منك دمت بخير

[مشاعر حالمه]

ولد رجلٍ اذا هاضه سنا البارق رمى الفنجال
ولو يمحل بطن كفّه رمى كفّه وبدلها
تعاتبني على وش هو؟على اني ماجمعت المال
انا اكتب على الاوراق لكن ماعرف اكلها
تعاتبني على هالكلمتين اللي عاى اول فال
اسهلها وخلق الله تعيّ ما تسهلها


اخوي معاهد ..

ارحب وحياك الله معنا ..في منتدانا أنت والقصيده اللي نقلتها لنا ..

صح لسان علي السبعان ولاهنت ع النقل ...

اسمح لي اخوي الكريم انقلها على القسم ( المنقولات الأدبيه )

وارحب ملاااين ...

تحيتي لك / مشاعر حالمه ..

[مبـــارك]

معــاهد

مصافحة جميلة .. ونقل اروع

يعطيك العافية اخوي ولا تحرمنا من جديدك

تحيــاتي لك

[احمد سعيد المقبالي]

اخوي فارس ومبارك واختي مشاعر حالمه
اشكركم على الاطراء الطيّب ووجودكم
حافز عظيم للتواصل


معاهد