اقاله المدرب ليست الحل .. الحل ان تتنحى الاداره عن الجانب الرياضي و تٌتترك الامور لاهلها ..

[االزعيم الهلالي]

سلام عليكم و رحمه الله :smilie47:



من وجهه نظري في شيء غاب عن الكثير وهو النظر للصوره الاكبر .. اقاله المدرب حل مؤقت و لن تجدي نفعا .. وراح تخليك تدور في دائره مغلفه ولن تتطور وراح تواجهك نفس المشاكل .. و راح احاول اوضح ليه : ..



https://encrypted-tbn0.gstatic.com/images?q=tbn:ANd9GcSJMGnPyPJiLXP-6lvakRg24EzZBR17-4AorOTe18wVcic2yUsd


استمرار المدرب لـ فتره طويله شبه مستحيل في السعوديه .. و خصوصا ان كان مدرب مميز .. وكل مدرب له اسلوب مخلف .. و ايضا كل مدرب له فناعات بلاعبين .. السنوات الماضيه مثلا شفنا خلال كوزمين ، تنظيم دفاعي مميز والاعتماد على الهجوم المرتد .. شفنا هلال جيريتس اللي يعتمد على الاستحواذ و الهجوم المتواصل .. انتهائاً بهلال المدرب الحالي اللي يعتمد على اسلوب الانديه الانجليزيه الصغيره و ايصال الكره للهجوم باسرع وقت عن طريق الكرات الطويله .. وكل مدرب له قناعات بلاعبين معينين ..

هالمساله سـ تكرر ، راح نشوف جيريتس جديد .. يرتفع اداء الفريق .. راح نشوف كوزمين جديد ينظم الفريق بشكل خرافي .. و راح ايضا نشوف كومبواريه جديد يخسف بالفريق ..

هل هذا تطور ؟ لا .. لانك فقدت الاستمراريه وهي اهم عامل للنجاح .. ولا اقصد استمراريه المدرب بل استمراريه اسلوب اللعب و شكل الفريق ، ولا عندك استراتيجيه معينه ثابته .. اعطيككم مثال ، الكتابه على الكيبورد ، في بداياتك بـ استخدام الكيبورد كانك عجوز تنخش رز ، تدور الحرف نص ساعه بعدين تظغطه ، لكن مع الوقت بدون حتى ما تناظر في الكيبورد تكتب بسرعه و بدقه .. السبب الاستمراريه و التعود .. هالمثال ينطبق على اللاعبين .. كل ما استمر اللاعب على مركز معين و دور معين في سيستم معين بيتقن هالدور بشكل اكبر و يتعود على تحركات زملائه .. على عكس لو تغير اسلوب الفريق وادوار اللاعبين بشكل شبه سنوي كما هو الحاصل الان و تبدأ من جديد ..

ايضاً كما ذكرت قناعات المدربين باللاعبين تختلف .. قد تصرف مبلغ كبير على لاعب ثم ياتي مدرب اخر غير مقتنع فيه او لا يناسب اسلوبه ، واحتمال كبير لا يقتنع ببعض اللاعبين المحليين حتى ولو كان صاحب موهبه لانه ببساطه لا يناسب اسلوب لعبه .. او لنكون صريحين قد نجد المدرب وهذا واقع تحت يده لاعبين محترفين ومحليين تم اختيارهم من اداره لا تمتلك مؤهلات رياضيه او نظره كرويه بعيده المدى ..



http://static.guim.co.uk/sys-images/Football/Pix/pictures/2008/07/27/PA2.jpg

قالها العظيم بيل شانكلي .. " الملاك مهمتهم توقيع الشيكات فقط " ..
ليه برشلونه اللي نشهده حاليا افضل فريق في التاريخ .. ليه بروسيا دورتموند انتقل من فريق ينافس على الهبوط الى احد افضل فرق اوربا .. لان لهم استراتيجيه معينه تمسكوا فيها و استمروا عليها .. هالشي مفقود في الهلال تحت الاداره الحاليه .. المال موجود و الدعم موجود لكن بكل صراحه ، ماهي مؤهلات الاداره الحاليه حتى تتخذ القرارات الرياضيه ؟ ولا شيئ .. ماهي الاستراتيجيه اللي يسير عليها النادي ؟ ولا شيئ ..
مستحيل ان يتطور الهلال و القرارات بيد اشخاص جاهلين كرويا لا يمتلكون حتى اقل المؤهلات .. وحتما بها الاسلوب طريقك راح يكون للهاويه ..



الحل ؟ ..

https://encrypted-tbn2.gstatic.com/images?q=tbn:ANd9GcRGC-td5r1LCK7H3SPzzL-eTQIR2jgMTcJ-VI7053Z8cEwFA0E1

في برشلونه ليس الرئيس من يختار المدرب او يحدد استراتيجيه النادي ، بل كرويف .. في دورتموند ليس الرئيس من يحدد التعاقدات او المدرب بل مدير الكره مايكل زورك .. الجميع يجب ان يتكاتف و يطالب مدير رياضي يشرف على الفريق و يتخذ القرارات الرياضيه بدل السيناريو الحالي .. و لا تلكم عن مدير رياضي سعودي او امير جاهل بكره القدم بل اتكلم عن شخص سبق وان نجح في بناء فريق ، شخص يمتلك نظره كرويه بعيده المدى و يمتلك الخبره اللازمه ..

وظيفه و دور المدير الرياضي ؟ .. وظيفته بان يحدد استراتيجيه يسير عليها الفريق .. في جميع الجوانب الرياضيه ..

البدايه اولا ، تكمن في اختيار اسلوب و شكل الفريق بنائاً على نوعيه اللاعبين الموجودين في مختلف فئات النادي و تحليل الفرق اللي راح ننافسها في محتلف البطولات .. فـ راح يحدد طريقه اللعب ، مثلا 4- 5 - 1 و اسلوب التنظيم الدفاعي و الاعتماد على المرتدات كاسلوب رافا بينيتز مثلا ..

ثانيا ، تحديد صفات اللاعبين في كل مركز لهـ الاسلوب و التشكيله .. مثلا مركز المحور ، لاعب سريع و مميز بقطع الكرات و قرائه الخصم و بجانبه صانع لعب قادر يساند دفاعيا لكن مميز في التحكم برتم المباراه و تنظيم الفريق .. والخ كل مركز له صفات محدده ..

ثالثا : تحديد االلاعبين المناسبين واللي صفاتهم تناسب الاداور المحدده في اسلوب اللعب اللي تم اختياره .. و بناء على ذلك جلب لاعبين محترفين في حال عدم توفر لاعب محلي قادر على دور معين .. واختيار الللاعب الاجنبي راح يكون بالطبع على حسب الصفات المطلوبه في مركز معين ..

رابعاً : اختيار مدرب يجيد هالاسلوب اللي تم الاتفاق عليه ، ويلعب تماما بنفس هالاسلوب و متكمن فيه ..


اضف عليها الكثير من وضع خطط لتطوير اللاعبين و تطويرهم جسديا الى امور قد تبدو تافهه لكنها مهمه كالوجبات الغذائيه و برنامج تفادي الاصابات الخ ..


اللي صار الان ان المدير الرياضي وضع استراتيجيه معينه تسير عليها كل الجهات في النادي ..
و لو تفكرون فيها ، هالتنظيم واللي ماهو جديد على فكره راح يحل كل مشاكلنا ، حتى لو تغير المدرب كل فتره لي سبب كان .. اسلوب اللعب نفسه و راح يستمر و هالشي يعني التطور المستمر و بنسبه كبيره ما راح تختلف قناعات المدربين بالنسبه للاعبين لانهم كلهم يتبنون نفس الاسلوب .. ايضا ، التعقاقدات لها مغزى فـ لو رحل لاعب في مركز معين ، راح تكون عارف بالظبط وش صفات الللاعب البديل له لانك تبحث عن بديل يقوم بادوار محدده فقط .. انت ما تستبدل لاعب جناح ب جناح مثلا ، لا .. انت تستبدل لاعب يمتلك صفات معينه بلاعب يتملك نفس الصفات والادوار اللي حددتها سابقا في اي مركز ..

والاهم من هذا كله .. المدير الرياضي سهل انه يستمر معك لسنوات طويله .. فـ على عكس المدرب ماهو ملزم بالتواجد الدائم واحتمال يضع محللين في الفريق لتزويده بكل المعلومات اللي يحتاجها .. مهمته الاكبر وضع استراتيجيه معينه ، اختيار المدرب .. اختيار اللاعبين بناء على هالمعلومات ..



http://images.icnetwork.co.uk/upl/liverpoolecho/may2012/1/6/roberto-martinez-620-image-3-290666348.jpg

لو اني رئيس للنادي كان حاولت بشتى الطرق الاستفاده من هالشخص كـ مدير رياضي .. مارتيينز مدرب ويجان الانجليزي .. هالشخص اثبت نجاحه في بناء الفرق وفكر استراتيجي مميز ، و يتملك نظره و قاعده بيانات عن اللاعبين الاجانب تؤهله يختار لاعبين مميزين باسعار ممتازه بدل ان يكون الاختيار بيد امير ... صحيح انه مدرب فريق اخر لكن مثل ما ذكرت سابقا .. ما راح يتعارض دوره كمدير رياضي مع كون مدرب ، كل اللي عليه وضع استراتيجيه معينه ، اختيار المدربين ، اختيار اللاعبين .. و كل المعلومات اللي يحتاجها راح تكون عن طريق فريق مختص يتواجد مع النادي كما هو الحال مع اغلب المدربين اللي يمتلكون فرق خاصه تقنيه معهم ..





ارائكم ؟ ..:smilie47: