مشاهدة النسخة كاملة : طلب من خبراء الأسهم
مسافره بلا زاد
12-05-2006, 03:47 AM
مراااااااااااااااااااحب
كيفكم اخواني واخواتي بعد ضياع تحويشة العمر في الأسهم
الموووووووووووووووهم
انا طالبتكم خدمه ياليت تساعدوني فيها
انا والعيدذ بالله من قولة انا.كان لي مبلغ في صندوق الرائد. ولما شفت السوق نزل سحبت الفلوس وبقى نصهم
زميله لي قالت خوذي الحين اسهم بالمحفظه وخليهم . وبعدين لما ترتفع الأسم بيعيهم.
انا ماحبيت ابين لها اني ماافهم بالاسهم فسكتت. علشان كذا جيتكم انتم تشرحون لي كيف محفظه؟ وهل هو نفسه الصندوق؟
مع الشكر للجميع
سمووره
12-05-2006, 04:02 AM
عزيزتي مسافره
الله يعوضك كل خير يارب
وكان ودي أخدمك لكن ولا يهمك خبراء الاسهم ماراح يقصرون معك
بالتوفيق يارب والله يرزقنا جميعا ان شاءالله
مسافره بلا زاد
12-05-2006, 04:08 AM
تسلمين اختي سموره
وألف شكر على الدعوه الحلوووه
يكفيني اختي ردك على الموضوع
تحيتي وتقديري لشخصك
عبدالعزيز الشمري
13-05-2006, 08:36 AM
السلام عليكم ورحمة الله وبركاته
محفظة الصندوق البنك يشتغل بها مقابل مبلغ مالي من الربح ومن الممكن إيقافها من قبلك وسحب أموالك بعد عمل تصفيه مع البنك أو أنك توقفينها لبعض الوقت ومن بعدها ممكن تنشيطها
أما المحفظة فأنتي التي تعملين بها بشراء أوالبيع مقابل أن البنك يأخذ على التنفيذ سواء بعتي بربح أو خساره يأخذ على التنفيذ
مسافره بلا زاد
14-05-2006, 12:15 AM
مشكور اخوي ساهر مع النجم على التوضيح.
لكن عندي سؤال.. ياليت تجاوبني عليه
المحفظه لازم انا اللي اشتغل فيها.ولا البنك هو يشتغل فيها
وكم المبلغ المطلوب لفتح المحفظه كحد ادنى
تحيتي وتقديري لك اخي
والف شكر على التجاوب
عبدالعزيز الشمري
16-05-2006, 11:21 AM
تختلف من بنك الى بنك فتح المحفظه الامريكي 50000 ألف ريال فأنصحك بفتح محفظه بالامريكي والمحفظة أنتي الذي يبيع ويشتري والبنك غير مسئول عنك فيها وبعض البنوك المحفظه مجاني وبعضها بألف ريال وأحسن مباشر الأهلي لمتابعه السوق أوشراء بطاقه مباشر من محلات الكمبيوترات وأنصحك بعدم فتح محفظة بالراجحي والصندوق موجود بالبنك تعطينهم فلوسك وهم الذين يبيعون ويشتروي ولهم نسبه من المكسب والخسارة عليك كلها
السولفجي
17-05-2006, 12:32 AM
المحفظه هي التي يوضع فيها المبلغ وتقدر تبيع وتشتري منها بدون رائ البنك وافظل البنك الاهلي لانه اريح وارخص بنك لفتح المحفظه ولايلزم يكون الحساب فيه 50000 بالعكس تقدري اختي تفتحي محفظه حتى لو كان البنك مافيه ولا ريال بس ياخذوا منك 750 ريال لفتح المحفظه او بالاحرى تنشيط المحفظه
والله يوفك اختي
والله لو تسمعي نصيحتي انك ماتدخلي الاسهم وتخلي حلالك بالرائد افظل واحسن لك لاني جربتهن والله الرائد اريح من الاسهم وفيها كذالك راحت بال
الله يرزقك بقدر نيتك ولكي كل التوفيق
مسافره بلا زاد
17-05-2006, 12:43 AM
اخوتي الاعزاء
ساهر مع النجم
بغداد الامجاد
السولفجي
اشكركم لتعاونكم جميعاً
جعله الله في موازين حسناتكم
تحيتي وتقديري للجميع
أبوعبدالرحمن
17-05-2006, 12:04 PM
نصيحة
ارجعي للرائد
هو افضل الموجود
والنزول كان للسوق كله
واحمدي ربك على تص راس المال
غيرك مابقي له شي
راشد الراشد
17-05-2006, 12:15 PM
النصيحة
لا دخول هذه الأيام إلا للمضارب
أو انتظري لحين استقرار السوق
بعد ثلاثة أشهر بمشيئة الله
Powered by vBulletin® Version 4.2.6 by vBS Copyright © 2025 vBulletin Solutions, Inc. All rights reserved, TranZ by Almuhajir