يعجزه بيل غيتس وكارلوس والوليد ومايليه

[مشاري العبيوي]

بسألك بالله ياقلبي قول اللي تبيه =
كيف جوفك ممتلي من حبه اللي يحسدونه

قول له علمه بأنه كل مافيني يبيه =
قول له فهمه باني مستحيل احيا بدونه

هذا هو عمري حياتي دنيتي قلبي بديه=
كلهم بس تحت أمره لو يأشر يفتدونه

هذا لو همي وحزني ودمعتي تشكي اليه =
كلهم تنحل مشاكلهم وسط ضحكة عيونه

ياألاهي كيف انا عاجز اوصف مابيه =
وانا فكري عمره اصلا مايوقف لو ادونه

الا هالواحد اذا جيت اوصفه اوقف عليه =
جن اقلامي تقول هذا لا مايكتبونه

خله عنك شوف غيره يامشاري لاتجيه =
هذا لو شعار هالعالم يبونه يعجزونه

كيف اصلا توصف اللي انحنت لجله وليه =
اكبر بيوت القصيد وكلهم بس يقصدونه

عمرك انته يلي تجبرنا على وصفن تبيه =
شفت لك بيتن لشاعر ماركب فيه بفنونه

هذي اقلامي وردت عن وصوفك ومدري ليه=
وانته تسمع ليه مايبغون قلبك يوصفونه

تدري قلبك لو ابيعه ماضن حد يشتريه =
لانه مبلغ قلبك انته ماضنهم يملكونه

يعجزه بيل غيتس وكارلوس والوليد ومايليه=
يعني كلهم لو تجيب افلوسهم هم يعجزونه ..

[محمد الروقي]

اخوي مشاري


صح لسانك واسمح لي


يالغلا لي ملاحضات على اكثر البيوت


تحياتي لك

[مشاري العبيوي]

ماشالله عليك توني قاعد اعدل القصيده لاني خربطت فيها كثير
مايمدي عدلة الا وانت راد ..

حياك الله واسعدني حضورك ومنتضر نقدك يالغالي ..

[سطّام]

صح لسانك

شعر رائع

يعطيك العافيه

[علي عبدالرحمن الأسمري]

صح لسانك يامشاري
ودمت بالف خير

تحيااااتي

[أبوعبدالرحمن]

مشاري


صح قلبك وكلك


جزلة ومن شاعر جزل


تحيتي لك

[مشاري العبيوي]

اشكركم جميعا على المرور والتعليق وصحت ابدانكم ..

[همس المشاعر]

صح لسانك لا هنت يالغالي

والله لا يحرمنا من جديدك