مو قادرة اسامح ريلي

[حواء غرابيل]

السلام عليكم شلونكم بنات:eh_s(8):

بنات انا متزوجة من سنتين و شوي
حياتي الحمدلله مستقرة طبعا ما تخلو من المشاكل بين فترة و فترة:eh_s(16):

ككل متزوجة ابداية الحياة الزوجية صادفتني مشاكل بالتاقلم مع الحياة اليديدة
كانت اتضايقني تصرفات ريلي احيانا

بس للامانة انا اتكلم بشكل عام ريلي وايد انسان زين و انا وايد احبه
و كانت نظرتي له راح تظل مثل ما اهي لو ما جذب علي:eh_s(15):

يمكن اذا عرفتو شالسالفة بعضكم راح يشب علي و حمدي ربج و الخ بس اتمنى تحطون نفسكم مكاني شوي

بنات انا حالي حال اي بنت احب المكياج مو بس احب لا انا مدمنة
و عشان اراضي ريلي من تزوجته ما احط نقطة لما اطلع لان اهو ما يحب هالشي
شاليهات و مخيمات و حوسة البس عباية عشان خاطره لان يغار
و انا اساسا مو راعية هياتة و مجمعات و طلعات
رفيجات وين ووين اروحلهم و صارلي اسبوع احن بروح عند رفيجتي كليوم يطلعلي سالفة

بنات انا مو بيرفكت بس انا جدام ربي كل اللي يبيه و التنازلات الي يبيها انا اسويها

الزبدة ادري قرقت وايد:eh_s(1):

مرة تعبثت بتلفونه و لقيت بالسيرج مال اليوتيوب اغاني اجنبية فيديوكلبات طبعا و تفصخ على كيف كيفكم و حركات جنسية اشكرة و يعني

انا يا بنات تزوجته على اساس ان ملتزم و ما يسمع اغاني و لا شي

المهم ان انا ينيت لما شفت هالشي و سويت سالفة ندمت عليها عقب الا و هي اني هديت البيت و طلعت
بس انا احتريت و حزتها ركبني ابليس
ليش انا شناقصني مثلا عشان يطالع هالوصاخة الحمدلله جسمي حلو و وزني قاعد ينزل عقب الولادة
و ليش اهو يطالع هالاشياء و اييلي يفرغ ولا شنو

المهم لما واجهته انكر هالشي و قالي رفيجي مو انا و زعل انتي ما تثقين فيني و و و

طبعا انا مستعده احلف ان جذاب :eh_s(8): لا تسئلوني ليش اتوقع كل وحده تعرف ريلها اذا يقول الصج ولا يجذب

المهم عقب رديت جيكت عالهستوري مال اليوتيوب هم لقيت تفصخ و بكينيات عالبحر و مستعرضين اجسامهم و الخ

لما سالته عصب و انتي ليش تتعبثين و كيفج لا تثقين باي احد بس اوثقي فيني :eh_s(7):

و قلب السالفة علي و اصلا هذا حشته بالغلط

خمس فيديوات ورى بعض داشهم بالغلط الاخ

المهم بنات انا ما عندي مشكلة ان الانسان يغلط بس انا كنت راح انسى الموضوع و اسامحه لو اهو اعترف و قال ماراح اعيد هالشي

ليش انا لما اسوي شي غلط اعتذر و اهوا لا شمعنه

و بليز بنات لحد يستسخف الموضوع ترى النظرة الحرام كبيرعند الله


المهم بالنهاية ابي تعلموني شلون انسى هالسالفة لان اهو حاس اني متغيرة بس انا مبينة ان ماكو شي :eh_s(8):

و سلامتكم :eh_s(17):