ليش مايكون لنا صوت في اقالة المدرب ؟؟ ( اذا لك نظر في الموضوع ادخل صوت )

[االزعيم الهلالي]

صباح الزعماء ..

ماهوب من عادتي انتقد مدرب من خطأ واحد او اثنين ولاحتى ثلاثة ..

لكن للاسف اللي جالس يصير عبث بالزعيم وتاريخه ..

والله حاولنا نرقعها .. ومشينا للمدرب .. وقلنا انسجام .. وقلنا يمشي الوضع ..

وقلنا انه قوي شخصية .. ولايهمه اسماء ..

لكن والله حاولت اعديها هالمرة وعيت تعدي ..

في تاريخ كرة القدم كله .. لن تجد مثل عقلية هذا المدرب .. ناهيك عن سيرته الذاتيه !!

فعلا هل كان اختيار المدرب لضيق الوقت وتسكيته للجمهور ..

والله مايحزنني الا الجمهور امس بالملعب خرج مكسور ..

ومن زمان ماصارت ان النصراوي ينام مبسوط بفوز فريقه والهلالي ينام مكسور الخاطر ..

انا بكل حيادية ومع كرهي العظيم للنصر ..

لكن فعلا لديهم مدرب يقرأ المباراة .. واتضح هذا الشئ في كل مباريات النصر ..

مع ان الفريق مايجمل والله .. ولو فيه اسماء اعتقد يسوي شغل ..

نبي زي هالمدربين .. مانبي اسماء ..

نبي مدرب لديه عقل فقط !!!!!!!!!! لا مو عقل .. نص عقل .. والله يمشي الوضع مع الهلال ..

ياناس مدرب وبطولة وديه وفضايح بالدفاع ماتعرف تعالجها ؟؟

ماعندك صانع لعب ؟؟ وراكن الشلهوب برا .. ياخي لو مستواه نازل على قولتك ياعبقري .. اقل شي يكون عندك صانع لعب ..

ماتعرف تطالب الادارة ..

ياادارة ارحمونا ..

اسيا ع الابواب .. وهالمرة شكلنا بنطلع من دور المجموعات ..

الدوري وراح .. وصعب الا بمعجزه اننا ناخذه .. لكن املنا بالله كبير ..

نبي تصويت بالله ونبي يكون لنا رأي في هالموضوع ..

زي ما الادارة تبي جمهور يساند .. نبي يكون لنا رأي في زعيمنا ومستقبله ..


نبي صوتنا يوصل ..


تنويه اخير .. رأيت بعض المواضيع تتكلم عن سالم ومواضيع ترفيع له انه امس سوا شغل ..

حبيت اقولكم ارجعوا لهدف الاتفاق الاول تلقونه بسبب سالم الدوسري..

شباب مانبي ترفيع للاعبين عشان ركض له شوي بالملعب ..



وقبل فترة اذكر اللي يقول اكتشاف قلب دفاع جديد .. ويقصد الزوري بالموضوع .. وماقصر الزوري امس كان صانع لعب لفريق الاتفاق .. اكمل الهدف الاول وصلح الثاني .

ابي واحد مستواه ثابت طول الموسم .. يستاهل الترفيع ..



دمتم زعماء ..