أول صندوق استثماري شعري

[محمد بن ضاوي]

.......صندوق أبيات.....

عزيزي الشاعر إنه لمن دواعي سرورنا أن نقدم إليك هذا المشروع الاستثماري الجديد
المختص في الشعر
والذي أطلق عليه اسم صندوق أبيات
ماعليك عزيزي سوى أن تضع أبياتك هنا وتنتطر الارباح بإذن الله
مع العلم أن سعر الوحده في هذا الصندوق هو بيت واحد فقط
والحد الأدنى للإشتراك هو ثلاث وحدات
والحد الأعلى هو خمس وحدات فقط

هذا الصندوق هو الأول من نوعه في السعوديه

(( ملاحظه )) معاملاتنا دائما شرعيه ولا نتعامل مع الأبيات المكسوره







هناك جائزه قيمه لأول مشترك

[راحلة بسكـ ـ ـ ـ ـ ـات]

ٍٍِِ
ٍِ

رغم (( جهلــــــــي )) لذالكـ السر وراء هذه التمتمات ،،

إلا إنني أحمل 3 أبيــــــــــات يتيماااات لم تكتمل ،



أقفى بعد ما أعلنت له زود حبي =ولو هو بكيفي والله إني ماخليه !!
أقفى وضيع مابقى لي وربي = غصبن عليه يوم ابرحل واجافيه!!
أقفى بعد ماأهديتله ورد قلبي = ادري طريقي موحشٍ مير بامشيه !!


محمد بن ضاااااوي (( ولازال )) السؤال قائم ؟؟




ورغم هذاااااا (( أسعدتني )) المشاااااااركه ،،




راحلة بسكـــــــــــــــات

الكل (( أنا )) فكُن ((أنتَ ))

كماااا ((نحن )) !!

[محمد بن ضاوي]

ٍٍِِ
ٍِ

رغم (( جهلــــــــي )) لذالكـ السر وراء هذه التمتمات ،،

إلا إنني أحمل 3 أبيــــــــــات يتيماااات لم تكتمل ،



أقفى بعد ما أعلنت له زود حبي =ولو هو بكيفي والله إني ماخليه !!
أقفى وضيع مابقى لي وربي = غصبن عليه يوم ابرحل واجافيه!!
أقفى بعد ماأهديتله ورد قلبي = ادري طريقي موحشٍ مير بامشيه !!


محمد بن ضاااااوي (( ولازال )) السؤال قائم ؟؟




ورغم هذاااااا (( أسعدتني )) المشاااااااركه ،،




راحلة بسكـــــــــــــــات

الكل (( أنا )) فكُن ((أنتَ ))

كماااا ((نحن )) !!

الأخت راحله بسكات

بفضل الله حققتي أرباح 33% خلال أقل من يوم ( بيت واحد تقريبا )

وإليك تفصيل ماحدث

( رأس المال )


أقفى بعد ما أعلنت له زود حبي =ولو هو بكيفي والله إني ماخليه !!
أقفى وضيع مابقى لي وربي = غصبن عليه يوم ابرحل واجافيه!!
أقفى بعد ماأهديتله ورد قلبي = ادري طريقي موحشٍ مير بامشيه

( الأرباح )

أقفى وعيني من عناها تكبي=ماها لعله يفني أحزان محييه

أما بخصوص الجائزه القيمه لأول مشترك فكانت من نصيبك

وهي عباره عن بيتين ( تسهيلات وبدون فوائد )

حبي طلع به فوق وحبه حدر بي= ماكن صادق للأسف خاب راجيه
وش ذنبه إحساسي يعلق بذنبي=ظلمته إحساسي بحب ٍ معنيه

يعني ماشالله دبل رأس المال في أقل من يوم


مع صندق أبيات الكل رابح بإذن الله
.......... يداً بيد نحو مستقبل مشرق......... دعايه

[فايز ماجد]

ههههههههههههههههههههههههه ه

حلللللللوة يابوضاوي

اسمع عاد يالزاحف المزيون

انا عندي كم بيت وودي استثمرهم

لاتخسرني تكفى

تراني ادري انك بتجحدني بس الناس هنا شهووووووود

استلم



ياوجودي وجد صاحبنا (شميم) =يوم حل الصيف محدن صار حوله

قال والله ياني ناسي ماي نيم=بفقد البخشيش مسكل في سهولة

من يقول ان الليالي سيم سيم =ياحليل البرد ودي في حلوله

غثني (جعفر ) وانا رجلاً حليم = يوم قفّوا (بالركايب) وارحلوا له ههههه

[راحلة بسكـ ـ ـ ـ ـ ـات]

ٍِ
ٍِ

أسعد الله صباحك كما أسعدتني ،،،

شكراُ على هذا الصندوق ،،،


آتمنى جني الأربااااااح ،،،

وإلى المـــــزيد ،،،


لحظــــــــــــة ،،

اقدر أضيف (( الأرباح )) لراس مالي ،،

وأدبل الربح :biggrin:


شئ مني ،،

يبقى هناااا (( للإبدااااع )) مناااافذ

كثيره ،،


راحلة بسكـــــــــات

[محمد الجبريني]

العلم وشو ارررررباح يبن ظااوي
جاك اخوك محمد الغااااااااوي
وانتظر قدوم محمد الرااااااااوي
ثلاثه محاميد كم تسااااااااوي
كسرها واحسبها ولاتحسبها


اخي ابن ظاوي مشوعك هذي راااااااابح

استثمرلي هل بويتات ذي ونتبه عليها وعلى راس المال اخم شي
ههههههههههههههههههه



الله من قلبِ بلش فيه راعيه @@وعرضه وسط السوق يبي يبيعه
ثم حاول ايبيعه ولحدٍ نظر فيه @@والقلب عاقب صاحبه مايطيعه
أمعاقبه قلبه ودايم مشقيه @@ دايم يحدربه لغير الســــنيـــــعه
حتي الأطباء ماتعرف تداويه @@قلوله اما اهده والا روح بيــــعه
وراعيه عارف وشو الي يداويه @@دواه شوف ام العيون الوسيعه





نتوقف لاكتمال الاسهم الى حدها المطلوب ياللاسف
عس مانخسر في الارباح الله في الربح ولاترد علي بالون الاحمر مثل راحلة بسكات
تراي اعتبر نفسي خسران ان شفت اللون الاحمر هههههههههههههههههه




((( هذاك من مبطي معه صك شاريه @@ حرم لغيره وحلله بحكم الشريعه)))


@@@@@@@@@@@@ @@@@@@@@@@@@


(((مايفيد فيه الكوي من بعد كاااويه @@مايستفاد امنه ورايح صديـــــــــــعه ))))



تحياتي

[محمد بن ضاوي]

ابو ماجد عزيز وغالي
هذي مساهمتك::

ياوجـودي وجـد صاحبنـا (شميـم)=يوم حل الصيف محدن صـار حولـه
قـال والله يانـي ناسـي مـاي نيـم=بفقد البخشيش مسكـل فـي سهولـة
مـن يقـول ان الليالـي سيـم سيـم=ياحليـل البـرد ودي فـي حلـولـه
غثني (جعفـر ) وانـا رجـلاً حليـم=يوم قفّوا (بالركايب) وارحلوا له

وهاك الارباح::

يالربع من بعدكم حالي سقيم=وقفوا للي نخاكم وقفوله
المفارق نار وظروفه هشيم=والمطافي راس ماله والسيوله

ابو ماجد مبروك 50%أرباح اكشخ ياعم من قدك!!
بس والله ياني ناويلهم على نيه.... الاولين بخليهم يربحون وإذا جمعت أبيات كثيره بأعلن إفلاس الصندوق وانحاش برا الديره ( زيي زي غيري )
بس هاه بيني وبينك لاتعلم أحد

[محمد بن ضاوي]

نتوقف لاكتمال الاسهم الى حدها المطلوب ياللاسف
عس مانخسر في الارباح الله في الربح ولاترد علي بالون الاحمر مثل راحلة بسكات
تراي اعتبر نفسي خسران ان شفت اللون الاحمر ههههههههههههههه

أعجبني تقيدك بشروط الصندوق
بس صار عندك فايض ولا تسألني ليش صار
وإليك أخي الفايض

حتي الأطباء ماتعرف تداويه @@قلوله اما اهده والا روح بيــــعه

يعني يصير راس مالك أربع وحدات... اللي هي ::

الله من قلبِ بلش فيه راعيه=وعرضه وسط السوق يبي يبيعه
ثم حاول ايبيعه ولحدٍ نظر فيه=والقلب عاقب صاحبه مايطيعه
أمعاقبه قلبه ودايم مشقيه=دايم يحدربه لغير الســــنيـــــعه
وراعيه عارف وشو الي يداويه=دواه شوف ام العيون الوسيعه

وهذي الارباح::
ياقلب قلي لامتى وانت فالتيه=والحب ميت والمشاعر رضيعه
يتيمة الفرقى وصا...

اخوي هذا اللي وصله ربحك
ولوناه بالاخضر عشان تستانس

( طبعاً نسبة التذبذب للمعلوميه هي ربع بيت )

[منة بنت المعلا]

هذي تمته خاصة بس بني نشوف نسبة الربح

حروف اسمك تجيب الويل= تحرق فؤادي وانا ساكت
الفل والسعد ورشة هيل =كل حرف في كلمته ثابت
لو اجمع كل الحكي والقيل -=لاوصف هواكم قعد صامت
غلاك ياسيدي بالحيل=مصبوب وسط الحشا ناكت
دخيل ودك دخيل الليل =لا تقطع الزرع وهو نابت

[فايز ماجد]

ههههههههههههههههههه

المطافي


ضيعت المطافي كلها ياابو ضاوي

[أبوعبدالرحمن]

استلم يابوضاوي


ونبي فزعتك ياولد العم





لا شفت ( دحوم ) مرة طلّع أنيابه=لا تحسبه مع مرور الوقت متبسّم
الناس من هيبته تخشاه وتهابه=كذّاب من قال لك حبّوب ومنسّم
احذر هذاك الأسد لا تدخل الغابه=لو كان فرحان بين الناس ومرسّم

http://s1s7.********************************************/++987+987.JPG


هذا اللي قدرت عليه وتراه اقساط بعد

[نـــادر]

الله يعطيك العافيه يابو ضاوي

ويثبت الموضوع

تحياتي


نادر

[محمد بن ضاوي]

هذي تمته خاصة بس بني نشوف نسبة الربح

حروف اسمك تجيب الويل= تحرق فؤادي وانا ساكت
الفل والسعد ورشة هيل =كل حرف في كلمته ثابت
لو اجمع كل الحكي والقيل -=لاوصف هواكم قعد صامت
غلاك ياسيدي بالحيل=مصبوب وسط الحشا ناكت
دخيل ودك دخيل الليل =لا تقطع الزرع وهو نابت

منة بنت المعلا

والله إن ودي أنفعك بس المشكله وين؟
المشكله إن المضارب حق كسرات موقف على ذمة قضيه

بس ماعليك ....... فتره انشالله ونقدر نوزع أرباح على الكسرات

[محمد بن ضاوي]

لا شفت ( دحوم ) مرة طلّع أنيابه=لا تحسبه مع مرور الوقت متبسّم
الناس من هيبته تخشاه وتهابه=كذّاب من قال لك حبّوب ومنسّم
احذر هذاك الأسد لا تدخل الغابه=لو كان فرحان بين الناس ومرسم
طبعاً هذا راح يكون أول تعاون استثماري مشترك يتم بين الحكومه(ابوعبدالرحمن) والقطاع الخاص (ممثلاً في صندوق أبيات)
وانشالله يلبي احتياجات الطرفين
إليك سيدي التفاصيل
الارباح....
ياويل من يزعله يبكيه من جابه=انشهدنه غدا من حي لمجسمتمويل شخصي....

دحوم من يجهله مايجهل أسبابه=معزوفة الحزن له والعازف يقسم

دعم من القطاع الخاص للحكومه...

شف صورته تخبرك بالعلم وكتابه=عنوان للطيب ماله حد مترسم
عربون صداقه.....

دحوم ياهقوتي انك من عتابه=نظرة حكيم ٍ نظرها فيك متوسم

[محمد بن ضاوي]

الله يعطيك العافيه يابو ضاوي

ويثبت الموضوع

تحياتي


نادر


مشكور نادر على إشادتك

بس تبي الصراحه أحس إن أمي داعيتلي

أنا كنت أحلم إني أضبط العلاقه مع عضو .... مشرف ...... إذا كثرت مراقب

بس عاد إني اضبط العلاقه مع اثنين من الاداره والله احس انه واجد علي
بس مو مشكله... انا استاهل عشان نيتي طيبه ومره حبوب (الله يخليني لي)

[عبدالرحمن الجبابرة]

شاعرنا الرائع : محمد بن ضاوي

السلام عليكم ورحمة الله وبركاته

فكرة مميزة الله يعطيك العافية

أتمنى لك التوفيق والنجاح ويارب نربح معك ونكسب لو جزء من هذا النقاء من قلبك


بساهم بالحد الأعلى وإن شاء الله نربح مع إبداعك يا محمد



أنا لجل الهوى بغفر خطاياك وبجي يمّك
ولكن شف ترى قلبي جريح ابسبة اطعونك

تعالجني ترى بلسم شفاي القلب لو ضمك
وفرحة عمري بشوفك الى من بانت اظعونك

تجافيني ترى مقوى حزن عساه ما يغمّك
رضاي انك تجي تسكن بروحي فدوة اعيونك

أنا لجلك ببيع الكون وكلّي لك ولا يهمك
تعال وعجّل الجيه وبالحب أحـسن اظنونـك

ملكت امري ولك كل الصلا حيات لا يهمك
تدلل تامر وتنهى وتقصر لااي من دونك

مودتي

[محمد بن ضاوي]

يارب نربح معك ونكسب لو جزء من هذا النقاء من قلبك




أنا لجل الهوى بغفر خطاياك وبجي يمّك
ولكن شف ترى قلبي جريح ابسبة اطعونك

تعالجني ترى بلسم شفاي القلب لو ضمك
وفرحة عمري بشوفك الى من بانت اظعونك

تجافيني ترى مقوى حزن عساه ما يغمّك
رضاي انك تجي تسكن بروحي فدوة اعيونك

أنا لجلك ببيع الكون وكلّي لك ولا يهمك
تعال وعجّل الجيه وبالحب أحـسن اظنونـك

ملكت امري ولك كل الصلا حيات لا يهمك
تدلل تامر وتنهى وتقصر لااي من دونك



الاخ عبد الرحمن انت عارف بأوضاع السوق اليومين هذي

وعارف الظروف اللي تحيط به

بقولك الحقيقه انا كنت اضارب بأبياتك في شركة(الغزل) بس إن اكثر المساهمين باعوا عشان يشترون في شركة(المدح)

على أساس يمدحون خصوصا إننا في أيام تخفيض وخير

لكن رغم هذا كله أبشرك طلعنا بأرباح::


وإذا ماجيت (جتني فيك)أقول استح على دمك=دروبي الضايعه ترجي دليل الوصل في كونك
واذا الرجوى عبارة ذل فاذكر بانني عمك=ترى بدري تـ.........

[عبدالرحمن الجبابرة]

وإذا ماجيت (جتني فيك)أقول استح على دمك
دروبي الضايعه ترجي دليل الوصل في كونك
واذا الرجوى عبارة ذل فاذكر باننـي عمـك
تـــــرى بــــــدري ت.........


هههههه يعني هذي تقفيلة على نسبة ؟

لنا الله يابو ضاوي الله يجيب المطر وبد القمرا تجي في حوينا خخخخخ

مودتي