فالح الناهي
27-04-2006, 10:21 AM
بسم الله
مساء الخير
.....
.....
....
ياللي تزيعل تعال وخلها جيه=
تعال حله وناظر جملة أحوالي
شف نفسي اللي من الايام مبريه=
وانت الذي زدت نار فراقنا صالي
الصاحب اللي رضانا في مواطيه=
حرام مايعتلي بالمنزل العالي
ما أخطيت لجل أعتذر وأغير النيه=
خطاي طيب الوفا بالقلب لازالي
جيتك وعنيت رجلي في مماشيه=
وطيت سهل الدروب وحامي رمالي
جيتك لجل عشرتٍ بالوقت منسيه=
اللي وفاها غدا مابيننا بالي
ياصاحبي لعنبو حيك على حيه=
وشلون تنسا سنين ذكرها حالي
يعني تطورت والا زانت الفيه=
والا كبرنا وكل اللي مضا زالي
اجمع مساوي زمانك مع حسانيه=
تلقا الصداقه كنوز كيلها غالي
وقلب سنينك وشفني في مطاويه=
تلقاني اوفا صديق خابت آمالي
عندي عهود الغلا بالقلب محميه=
والعهد عندك قديم ودارس وخالي
مليت .. مدري نفوس الوقت مبليه=
والا الصداقه سراب ولالها تالي
لوجت من الغير قلت بروق صيفيه=
طبايع الناس من جالٍ الي جالي
بس البلا من صديقي رادع الكيه=
فوق القطاعه علي شرهاته طوالي
ماقلت الناس مياتٍ على ميه=
ولي بينهم صحبتي وأعمام وأخوالي
ولي ربع أقسا من الجلمود بالهيه=
سنايدي لا هبدت وحملها مالي
قو (الجنازه) بهم مع قسوة (بنيه)=
وديان حملي ذراي وراسي جبالي
ولي ربع الين من مرادف غطاويه=
الكاعب اللاعب اللي ساسها عالي
هم عزوة اللي حشيم في عزاويه=
تفزع بسبر العيون وضيقة البالي
ولي ربع اونس من الغره بوسميه=
جماعة اللي وحيد وماله الوالي
عن حر وقتي لقاهم بارد الفيه=
ويصير راع الهموم بقربهم سالي
ولي عشقتن تبهج الأرواح جبريه=
نوض البروق بسواد الرمش والشالي
طائيةٍ بالوفا بالعشق نجديه=
حطيتها بين حب النفس والمالي
فلاتحسب النفس بالدنيا خلاويه=
الطير لامن كفخ له كم منزالي
بس ان هاذي عروق الوصل بي حيه=
حدتني أنضم وازج بقاف مرسالي
ولو بأنتظر من طرفكم مره وجيه=
والله تجف الطروس وينثني حالي
وسلامتكم
مساء الخير
.....
.....
....
ياللي تزيعل تعال وخلها جيه=
تعال حله وناظر جملة أحوالي
شف نفسي اللي من الايام مبريه=
وانت الذي زدت نار فراقنا صالي
الصاحب اللي رضانا في مواطيه=
حرام مايعتلي بالمنزل العالي
ما أخطيت لجل أعتذر وأغير النيه=
خطاي طيب الوفا بالقلب لازالي
جيتك وعنيت رجلي في مماشيه=
وطيت سهل الدروب وحامي رمالي
جيتك لجل عشرتٍ بالوقت منسيه=
اللي وفاها غدا مابيننا بالي
ياصاحبي لعنبو حيك على حيه=
وشلون تنسا سنين ذكرها حالي
يعني تطورت والا زانت الفيه=
والا كبرنا وكل اللي مضا زالي
اجمع مساوي زمانك مع حسانيه=
تلقا الصداقه كنوز كيلها غالي
وقلب سنينك وشفني في مطاويه=
تلقاني اوفا صديق خابت آمالي
عندي عهود الغلا بالقلب محميه=
والعهد عندك قديم ودارس وخالي
مليت .. مدري نفوس الوقت مبليه=
والا الصداقه سراب ولالها تالي
لوجت من الغير قلت بروق صيفيه=
طبايع الناس من جالٍ الي جالي
بس البلا من صديقي رادع الكيه=
فوق القطاعه علي شرهاته طوالي
ماقلت الناس مياتٍ على ميه=
ولي بينهم صحبتي وأعمام وأخوالي
ولي ربع أقسا من الجلمود بالهيه=
سنايدي لا هبدت وحملها مالي
قو (الجنازه) بهم مع قسوة (بنيه)=
وديان حملي ذراي وراسي جبالي
ولي ربع الين من مرادف غطاويه=
الكاعب اللاعب اللي ساسها عالي
هم عزوة اللي حشيم في عزاويه=
تفزع بسبر العيون وضيقة البالي
ولي ربع اونس من الغره بوسميه=
جماعة اللي وحيد وماله الوالي
عن حر وقتي لقاهم بارد الفيه=
ويصير راع الهموم بقربهم سالي
ولي عشقتن تبهج الأرواح جبريه=
نوض البروق بسواد الرمش والشالي
طائيةٍ بالوفا بالعشق نجديه=
حطيتها بين حب النفس والمالي
فلاتحسب النفس بالدنيا خلاويه=
الطير لامن كفخ له كم منزالي
بس ان هاذي عروق الوصل بي حيه=
حدتني أنضم وازج بقاف مرسالي
ولو بأنتظر من طرفكم مره وجيه=
والله تجف الطروس وينثني حالي
وسلامتكم