كل اللي اعرفه عن (تخصص التربيه الاسلاميه)

[حواء غرابيل]

السلام عليكم .. وكل عام وانتو بخير بيبدي الكورس الثاني قريبا شدو حيلكم وبالتوفيق:eh_s(7):

اما بالنسبه لموضوعي انا مستجده في كليه التربيه ابي اتخصص اسلاميه لمن يت فترة التسجيل ماكنت ادري شنو اسجل شنو المواد ماعرف المواد المهمه عشان اتخصص شنو الماده اللي لازم قبلها مواد تفتحها باختصار مادري وين الله قاطني :D

فرحت وسألت الاتحاد والتوجيه والارشاد و جم بنيه بالتخصص
وعرفت شالسالفه فحبيت افيدكم وافيد اللي بدش هالتخصص واللي تبيه بس مو عارفه شلون تتخصص .. وبما ان بفتره سحب واضافه يعني للحين يمديكم تضيفون اشياء ... بكتب لكم كل اللي اعرفه عن هالتخصص مع احسن الدكاتره


اول شي لازم تاخذين مواد (الثقافه العامه) تفتكين منهم واهما اصلا لاااااازم تخلصينهم نصيحه لا تخلينهم بعدين مع مواد التخصص الدسمه بصير زحمه شوي فافتكي منهم من البدايه وتفرغي لتخصصج
المواد :

1- جماليات الادب العربي .... د.مشاري الموسى

2-مهارات اتصال لغوي ..... د.عبدلله الكندري او د.علي الصراف

3- اصول تربيه ..... د.العنود هدبا او د.ملفي المطيري

4- مقدمة مناهج بحث ... د. صلاح مراد او د.قاسم الصراف

5-مقدمه برامج كلية التربيه د.منى بورسلي *هالماده مهمه وتفتحلج وايد مواد احسن شي اخذيها اول كورس


اما المواد اللي لازززززم تاخذينها عشان تتخصصين اسمها (مواد ماقبل التخصص)

اصول فقه د.ساره القحطاني
علوم قران د.محمد فلاح مندكار او د.فهد الخنه
علوم حديث د.حامد العلي
العقيده الاسلاميه د.محمد العازمي او د.عبدلله العجمي
الدعوه الى الله ووسائلها د.احمد الزايدي او د.سعود الدوسري او د.سالم طعمه الشمري

وبس وبعد ما تاخذين هالمواد تكونين تخصصتي وتبدين تاخذين مواد التخصص براحتج

ان شاءلله اكون فدتكم ...
واذا تعرفين اي معلومه حتى لو بسيطه شاركيني فيها يمكن تفيديني فيها او تفيدين البنات