حوار عاشق ونجمة

[الاهلي الراقي]

في ظلمة الليل خالي القلب ينعم بالمنام واجمل الاحلام

ولكن العاشق المعذب لا يهنأ بليل ولا يرتاح بنهار

وهذا حوار بين عاشق يساهر النجمة ..

يانجمة في سماء حياتي

اشوفك بالحيل عن قلبي بعيدة

يا احلى نجمة سطعت في سماتي

ليه خليتي همومي اكيدة

ارحمي سهر عيني ياغلاتي

ارحم عاشق قلبه ماهو بايده

سألتك وانتظرت جواباتي

وانتي عن هوى داري بعيدة

قالت اصبر ترى صبرك نجاتي

لو بيدي اجاوب وانا سعيدة

بس الظروف تصعب محاولاتي

قلبي مقيد وقيوده عنيدة

تسامرنا وكتبنا احلى ابياتي

انا وانت كتبنا احلى قصيدة

بس قلبك صغير بالحياتي

مايقدر على هموم تعيده

انت ماتعرف عني ياحياتي

الا اني نجمة بعيدة

لو تدري وش هي امنياتي

لو تدري كيف نظمت القصيدة

عشت الهم وذقته بحياتي

واتعبني قلب دقاته جديدة

لو تفهم معاني كتاباتي

ربي داري بحال عبيده

الوصل صعب يااجمل ذكرياتي

والقرب اصعب وهاذي اكيدة

قلبك طري مايتحمل قساتي

مابي اجرح واقطع وريده

كلماتي سر استفهاماتي

واجوبتي ترى ماهي بعيدة

للصبر معنى وللصبر ثمراتي

صبرك يجي يوم ويفيده

دمعك يحرق كل ابتساماتي

وحزنك نار بالحشا تقيده