يـــالـعنــــود جـــيــت شــاكــي مـــعتــزيــلــك يـــالــعنــــود [الأرشيف]

مشاهدة النسخة كاملة : يـــالـعنــــود جـــيــت شــاكــي مـــعتــزيــلــك يـــالــعنــــود

مشاري العبيوي

20-04-2006, 07:50 AM

يالعنود جيت شاكي معتزيلك يالعنود ... كيف صار المستوى ميت ونامو مشعلينه ...

هذا يزعل يبغي هبه ريح ترفع ثم تزود ... وثم حقر شعر المواويل الاصيله والثمينه ...

يشهد الله جيت بتفنن مع شعار قود .... سايلين العين بدموع المهاليق الظنينه ..

جيت يم ناصر العالي وليتني مافيد فود ... ثم تحسف خافقي يومي طلبته يالرزينه ...

وجيت يم منهو تشكى انهيار ه والجحود .. وجن هرجي ماترس كيف المصايل والسنينه ..

يالعنود جيت شاكي معتزيلك يالعنود .... كيف صار المستوى ميت ونامو مشعلينه ...

مشاري العبيوي ..

ناصر الجعيدي

20-04-2006, 11:05 AM

صح لسانك

واسمح لي من باب الفضول ابي اعرف سالفة القصيدة اذا ممكن

لانني احب السوالف والقصايد اللي لها قصص

ولك تحياتي

سعد النخيش

20-04-2006, 11:16 AM

مشاري العبيوي

صح لسانك

وننتظر رد العنود

مشاعر حالمه

20-04-2006, 11:24 AM

اممممممممم مشاري يبي يلعب طاروق مع العنوووود ^______^

يالله يالعنود قولي له ابشر بسعدك وردي عليه ...

تراني معجبه في قصيدج يالعنود عشان كذا دخلت ( والله تعجبني قصايدج ^___* )

سلامي عليكم ...

00العنود00

20-04-2006, 11:32 AM

يا مشاري

ياهلابك وابشر بقلبن على شانك يذود
ماسمع هرج النميمه ولا نظر للشين عينه
لو بقول الحق جعل ايام هالماضي تعود
لو دقايق بس ترجع واطوي هموم السنينه
لاتحاول تتبع المقفي فلا يلحقك زود
مير تندم بالفعايل ترتجي عض اصبعينه
يامشاري وحد الللله لاتنبش في العنود
وينفجر بركان حزني تنطوي روحن رهينه
حافظينك وانت غالي ولاتهمك هالردوود
البخيص الي يحلل قصدهم روحي ذهينه
يامشاري ارقا ارقا شايفن ذيك السنود
من ورا ذيك السحايب لايهمك حاسدينه
والشكر للله والفرحه عسى يمك تعود
وتنعم بفضله عيونن من زمانن ساهرينه

تحياتي

العنــــــــــــود

00العنود00

20-04-2006, 11:37 AM

هلا سعد اشكرك على المرووووور يا الغالي

مشاعر حالمه هلاااااابك يا قلبي فديتك وصلكم الرد عسااه يعجبكم على عجله بعد السموووحه على القصووووور

تحياتي

العنـــــــــود

سعد النخيش

20-04-2006, 11:44 AM

الله الله

يا لعنود

تسلم يمينك

لاعدمناك

اتحفتينا

ناصر الجعيدي

20-04-2006, 12:10 PM

يامشاري والعنود يزيد في النسناس نود
والقصايد ماتورد ضامي اللهفه ضنينه
من عسف حدب السوالف ينحنى في كل جود
والرهينه مايفيد الناس لو وضعه رهينه
لو نظرنا للخلايق يختلف فيها السجود
ركعة الساجد على وجهه تبين في جبينه
وحزة المشراف يبديها الكفو والا يعود
وان تثنى دونها هرجه على الطلعه يدينه
والسبر في بعض الاشياء مايحقق له جهود
ليه لان الوضع في بعض المواقف ما يعينه
وأنت يالصيد المداهم في خفى ليلك اسود
ودونك الموت الحمر قوة ومن دونك حصينه
البسوس وحربها تكفى علامات البنود
واصبح الزير المحارب ماقبل في الحرب لينهوسلامتكم

مشاعر حالمه

20-04-2006, 12:28 PM

طالب الفزعه الشاعر ( مشاري العبيوي )

يالعنود جيت شاكي معتزيلك يالعنود ... كيف صار المستوى ميت ونامو مشعلينه ...

هذا يزعل يبغي هبه ريح ترفع ثم تزود ... وثم حقر شعر المواويل الاصيله والثمينه ...

يشهد الله جيت بتفنن مع شعار قود .... سايلين العين بدموع المهاليق الظنينه ..

جيت يم ناصر العالي وليتني مافيد فود ... ثم تحسف خافقي يومي طلبته يالرزينه ...

وجيت يم منهو تشكى انهيار ه والجحود .. وجن هرجي ماترس كيف المصايل والسنينه ..

يالعنود جيت شاكي معتزيلك يالعنود .... كيف صار المستوى ميت ونامو مشعلينه ...

ردت راعيتها وصاحبة الفزعة الشاعره ( العنـــود )

ياهلابك وابشر بقلبن على شانك يذود
ماسمع هرج النميمه ولا نظر للشين عينه
لو بقول الحق جعل ايام هالماضي تعود
لو دقايق بس ترجع واطوي هموم السنينه
لاتحاول تتبع المقفي فلا يلحقك زود
مير تندم بالفعايل ترتجي عض اصبعينه
يامشاري وحد الللله لاتنبش في العنود
وينفجر بركان حزني تنطوي روحن رهينه
حافظينك وانت غالي ولاتهمك هالردوود
البخيص الي يحلل قصدهم روحي ذهينه
يامشاري ارقا ارقا شايفن ذيك السنود
من ورا ذيك السحايب لايهمك حاسدينه
والشكر للله والفرحه عسى يمك تعود
وتنعم بفضله عيونن من زمانن ساهرينه

مداخله ومجاراة لقصائدهم من الذيب الشاعر ( رعد الخفوق ناصر الجعيدي )

يامشاري والعنود يزيد فـي النسنـاس نـود
والقصايد ماتـورد ضامـي اللهفـه ضنينـه
من عسف حدب السوالف ينحنى في كل جود
والرهينه مايفيد الناس لـو وضعـه رهينـه
لو نظرنا للخلايـق يختلـف فيهـا السجـود
ركعة الساجد على وجهه تبيـن فـي جبينـه
وحزة المشراف يبديهـا الكفـو والا يعـود
وان تثنى دونها هرجه على الطلعـه يدينـه
والسبر في بعض الاشياء مايحقق له جهـود
ليه لان الوضع في بعض المواقف ما يعينـه
وأنت يالصيد المداهم في خفى ليلـك اسـود
ودونك الموت الحمر قوة ومن دونك حصينه
البسوس وحربهـا تكفـى علامـات البنـود
واصبح الزير المحارب ماقبل في الحرب لينه

والله خووووش قصايد لها معنى راااااااائع وأول مرة تعجبني قصايد كذا بصراحه ...^_____^

صح ألسنتكم جميع ولاهنتم ..

تحيتي لكم / مشاعر حالمه ...

سـعـد الحويماني

20-04-2006, 12:42 PM

الله لا يهينكم على ماكتبتوه

نقل بواسطتي للقسم الملائم له

تقبلوا حضوري

وشكري للجميع

00العنود00

20-04-2006, 01:04 PM

ماعلينا من الهروج اللي يطريها سرود
لانطوت روحي مشانه ولارضيت الا الثمينه
يارعد لوشفت ردك قلت مامني حصود
مير اسكت لاتفشلنا وحنا لك عوينه
عالين بالحيل قدري ماني بالموقف شرود
والله يعلم بالحنايا جرحها تنزف سنينه
حافظن بالقدر قلبك وانت واحزاني تجود
لاهديتوني سعاده وبيح الضامر كنينه
اللله اقوى من الزمان اللي طوى قلب العنود
والله يرحم هالضماير يوم تخفي ما تبينه

سعد النخيش

20-04-2006, 01:09 PM

ناصر الجعيدي

20-04-2006, 01:16 PM

العنود

المعنى مخالف لما كتبتي ارجو عدم التسرع في أخذ القرار

ولج الغلا

00العنود00

20-04-2006, 01:17 PM

هلااابك سعد صح قلبك يا الغالي لا هنت على المتااابعه والتوااااصل

تحياتي لك

العنـــــــــود

00العنود00

20-04-2006, 01:24 PM

واللللله المعنى مثل ماكتبت بس انت تفهم على مزااااجك وهذا شي رااجعلك

تحياتي يا الجعيدي

العنــــــــــود

ناصر الجعيدي

20-04-2006, 01:42 PM

خير الكلام ماقل ودل

يالعنود العين ماتعلى على الحاجب ياكود
والمثل قال الوفاء من طبع ناسً عارفينه
المعاني واضحة تشفي معاليل الكبود
رسمها في فكرة مشاري وماخطت يمينه
وان تبين الصدق ماللطيب في السابق وجود
والمشاريه العفيفه مثلها نور المدينه
اركدي واخذي علومي لايغيرك الحشود
والصحيح يبين مهما صار والا ماتبينه

مشاري العبيوي

21-04-2006, 12:02 AM

الجعيدي الموضوع يتكلم عن المحاوره اللي صارت بيني وبين بعض الشعراء ..

اشكركم جميعا على حسن المتابعه يالغالين ولاهنتو وان شاء الله تستمتعون ..

استلمي يالعنود ....

للعلوم ارجال تفهمها بعيده لنكود =معرفتها تسوى الماس السويسري الثمينه ..
والردايه ماتهز راسي وانا عبيوي واذود = وما أظن تخفى علوم العاذريات السمينه
يالعنود جعلك ابجنات ربي يالعنود =مسكنك دامك رقيتي لطويلات المكينه
يالله حيها يالله حيها جملتهم بصعود =بنت ابوها لاعتبها شين ردتها بزينه
تسلميلي حيل كفيتي ووفيتي وزود =وماني امرجع مواضيع القصايد الحزينه
بس والله حزت ابخاطر كياني يالعنود =ناس تزحف لنساء بشعر ووزنه مهملينه
همهم اعجب فلانه بالقصايد والبرود =جن مفهوم الشعر بعقولهم مستحقرينه
المهم خير الكلام اللي يمجدك بالصهود =ولاشعر الخايب أتوب يديني عن يدينه

محمد الجبريني

21-04-2006, 12:09 AM

مشاري العبيوي

العنود

نااصر الجعيدي

صحت السنتكم

القصيدتين الاوله مافهمت منها شي

كأنها انقليز هههههههههههه

اما قصيده ناصر الجعيدي صح تسمي قصيده هي اللي فهمتني على القصيدتين

واستدركت منها كل الموضوع بدون قصور في امشاري والعنود بعد لايزعلون ويهجونني

ماني فاضي

لمــــــــــــــاذ

مشاري العبيوي

21-04-2006, 10:27 AM

صح بدنك وشرفت بحضورك اخوي محمد ..

يمكن مافهمت لانه اسنخدمنا مفردات صعبه اشوي وهذا اسلوب شاعر ماتقدر تغير منه شيء

وان شاء الله بحاول اكتب بلهجتناا العاميه وتعاوني اختي العنود حتى الكل يطلع فاهم ويتمتع بالجاراه بيننا ان شاء الله ..

00العنود00

22-04-2006, 05:25 AM

هههههههه
بترجم للجبرييني تراه غااااااالي ههههههههههه

تحياتي

العنووووووود