شعر قصيدة من ذهب

[الاسهم السعودية]

لاتقطع ارحامك ويشملك الوعيد
ولاتخسر الغالي ولا ترخص غلاه

وأخوك لاتخسره لو إنه عنيد
يخطي مية مـرّه وتسمح له خطاه

وإن كان شد الحبل حاول ماتزيد
ارخيـه قبل الشد يوصل منتهاه

ولا تنصحه وقت الزعل مايستفيد
واعرض عليه النصح في ساعة رضاه

وليا طلب رايك عطه رآيٍ سديد
وان ماطلبك الرآي لاتبحث خفاه

واعرف ترى قرب المنازل مايفيد
واحيان يبدي شيء ماودك تراه

لكن لاتقرب ولاتنزل بعيد
خلك على قول المثل حذفة حصاه

وإحفظ حبال الود حفظك للوريد
اللي معلق فيه موتك والحياة

ترى الأخـو مهما حصل يبقى عضيد
وترى عيال العم ماعنهم غناه

الناس دايم ماتهاب اللي وحيد
اللي ليا منه وقف محدٍ معاه


(مما راق لي)

rwd]m lk `if