جمعان خلف الرشيدي
13-04-2006, 11:49 PM
القوافل تسير ؟؟
واعذاب القلم من صفحة الكتاب
= وفكرةٍ من صميم الراس بكتبها
أشهد أنه حبيس مجود المقضاب
= بين روس الثلاثه مايفوز ابها
هو ملاذ المشاعر لامطرت سحاب
= لحيته من هواجيسي بخضبها
للهواجيس باب ولظروف اسباب
= وأختلاف الاوادم في مذاهبها
هاجسي بالمحاني شرّع الابواب
= والبعيده عن عيوني يقرّبها
يازمان المصالح مبعد الاقراب
= النفوس العزيزه ليه تتعبها
اكثر الناس يشكي حرقة الاعصاب
= من بعض ناس ماقامت بواجبها
وقتنا غيّر الاحباب والاصحاب
= الموازين قام الوقت يقلبها
اشقر الريش وكره صار فيه غراب
= والذيابه تعشتها ثعالبها
والحياه اصبحت صعبه وفيها انشاب
= عقدوها عبادٍ ضاع مدبها
مدعين المعرفه ناقصين آداب
= ناس تهدم وتنظر وش مكاسبها
والليالي تدور وللشهور احساب
= والبشر فوقها الخالق يحاسبها
ومن عطته الليالي درس راسه شاب
= الليالي تشيّب من يجربها
ومن بحث بالتراث وسيرة الاعراب
= ينصف الناس وإلأّ لايقرّبها
الحقيقه مثل نارٍ على مرقاب
= واضحه شمسها محدٍ يغيّبها
وكلمة الكذب ثلجٍ فوق سطح تراب
= الحقيقه تذوبها وتذهبها
والظليمه ظلامٍ فيه كسر ارقاب
= الاوادم تدافع عن مناسبها
الحسب والنسب ماتطمسه كتّاب
= لو كتب قاصر اليمنى ورتبها
والعلوم القديمه في زمانٍ غاب
= احرقوها بعد مامات كاتبها
لكن الطيب يبقى لو حجبه حجاب
= القوافل تسير وخاب طالبها
الجبل مايهزه راعي المشعاب
= والاوادم يموت اللي يراقبها
ولو فتحنا مجال السلب والايجاب
= المحاكم تبي تكثر طلايبها
ولو قرأ عنتره في دفتر الانساب
= كان يلحق بني تغلب ويغلبها
عندي الرد ياللي تطلب الجواب
= مزنة الفكر هماله سحايبها
من يبي يعرف الاخبار والاسباب
= ياخذ السالفه من راس شايبها
قالها اللي اليا منه فعل ماهاب
= دون حقه ولو قامت حرايبها
يعطي الحق من نفسه بدون اعتاب
= والنفوس الخبيثه مايصاحبها
مطلبه بالحياه مشاهد الاحباب
= والاحبه تجمّع مع حبايبها
كل عينٍ تمنى عودة الغيّاب
= بشروا عيني القشرا بغايبها
كل مافاح من نفح البخور اطياب
= ذكّر النفس نفح اطياب طيّبها
وكل ماشفت من جول الحمام اسراب
= قلت عنده رسائل حب جايبها
وكل ماشفت ذات الظفر والمخلاب
= قلت هاذي مرض نفسي سبايبها
وكل ماقلت ابا افتح صفحة استجواب
= بين نفسي وبين احداث مغضبها
قلت بعض المباني ساسها خراب
= الخساره على ناسٍ تعيش بها
وكل ماقلت وين الاجر والثواب
= شفت عين الغضب من فوق حاجبها
بين حكم الحياه وبين داب الغاب
= الحياه اصبحت محدٍ يواكبها
التناقض غريب وضاعوا الطلاب
= في حقول التجارب يامدربها
من تدرب على علم المراجل طاب
= اكرم اللحيه اللي طال شاربها
ومن تعوّد على درب الخيابه خاب
= لايفرّح نفوس ولايغضّبها
والتوافيق عند الواحد الوهاب
= لكن النفس تبغى من يحاسبها
تحياتي 00 جمعان الرشيدي
14/3/1427هـ
واعذاب القلم من صفحة الكتاب
= وفكرةٍ من صميم الراس بكتبها
أشهد أنه حبيس مجود المقضاب
= بين روس الثلاثه مايفوز ابها
هو ملاذ المشاعر لامطرت سحاب
= لحيته من هواجيسي بخضبها
للهواجيس باب ولظروف اسباب
= وأختلاف الاوادم في مذاهبها
هاجسي بالمحاني شرّع الابواب
= والبعيده عن عيوني يقرّبها
يازمان المصالح مبعد الاقراب
= النفوس العزيزه ليه تتعبها
اكثر الناس يشكي حرقة الاعصاب
= من بعض ناس ماقامت بواجبها
وقتنا غيّر الاحباب والاصحاب
= الموازين قام الوقت يقلبها
اشقر الريش وكره صار فيه غراب
= والذيابه تعشتها ثعالبها
والحياه اصبحت صعبه وفيها انشاب
= عقدوها عبادٍ ضاع مدبها
مدعين المعرفه ناقصين آداب
= ناس تهدم وتنظر وش مكاسبها
والليالي تدور وللشهور احساب
= والبشر فوقها الخالق يحاسبها
ومن عطته الليالي درس راسه شاب
= الليالي تشيّب من يجربها
ومن بحث بالتراث وسيرة الاعراب
= ينصف الناس وإلأّ لايقرّبها
الحقيقه مثل نارٍ على مرقاب
= واضحه شمسها محدٍ يغيّبها
وكلمة الكذب ثلجٍ فوق سطح تراب
= الحقيقه تذوبها وتذهبها
والظليمه ظلامٍ فيه كسر ارقاب
= الاوادم تدافع عن مناسبها
الحسب والنسب ماتطمسه كتّاب
= لو كتب قاصر اليمنى ورتبها
والعلوم القديمه في زمانٍ غاب
= احرقوها بعد مامات كاتبها
لكن الطيب يبقى لو حجبه حجاب
= القوافل تسير وخاب طالبها
الجبل مايهزه راعي المشعاب
= والاوادم يموت اللي يراقبها
ولو فتحنا مجال السلب والايجاب
= المحاكم تبي تكثر طلايبها
ولو قرأ عنتره في دفتر الانساب
= كان يلحق بني تغلب ويغلبها
عندي الرد ياللي تطلب الجواب
= مزنة الفكر هماله سحايبها
من يبي يعرف الاخبار والاسباب
= ياخذ السالفه من راس شايبها
قالها اللي اليا منه فعل ماهاب
= دون حقه ولو قامت حرايبها
يعطي الحق من نفسه بدون اعتاب
= والنفوس الخبيثه مايصاحبها
مطلبه بالحياه مشاهد الاحباب
= والاحبه تجمّع مع حبايبها
كل عينٍ تمنى عودة الغيّاب
= بشروا عيني القشرا بغايبها
كل مافاح من نفح البخور اطياب
= ذكّر النفس نفح اطياب طيّبها
وكل ماشفت من جول الحمام اسراب
= قلت عنده رسائل حب جايبها
وكل ماشفت ذات الظفر والمخلاب
= قلت هاذي مرض نفسي سبايبها
وكل ماقلت ابا افتح صفحة استجواب
= بين نفسي وبين احداث مغضبها
قلت بعض المباني ساسها خراب
= الخساره على ناسٍ تعيش بها
وكل ماقلت وين الاجر والثواب
= شفت عين الغضب من فوق حاجبها
بين حكم الحياه وبين داب الغاب
= الحياه اصبحت محدٍ يواكبها
التناقض غريب وضاعوا الطلاب
= في حقول التجارب يامدربها
من تدرب على علم المراجل طاب
= اكرم اللحيه اللي طال شاربها
ومن تعوّد على درب الخيابه خاب
= لايفرّح نفوس ولايغضّبها
والتوافيق عند الواحد الوهاب
= لكن النفس تبغى من يحاسبها
تحياتي 00 جمعان الرشيدي
14/3/1427هـ