أبي بيت

[عبير وفل]

داخله في صندوق استثماري بمية ألف ما ابي منهم شي الا اني أقدر اعمر بيت وهم كل يوم مطيحين هالسوق يبونا نطلع من البلد ياجماعه مين يعرف أحد يسلفني اربعمية ألف اشتري ارض وأسوي بيت دور واحد وخل سوقهم لهم ما عندي طموح أكون ثريه لاسمح الله أعرف الناس مقامات فيه واحد واحد بس محترم وواحدين كثير ماهم بمحترمين

[عبدالعزيز الشمري]

أنا مستعد أعطيك المبلغ وكاش وهديه من عندي المبلغ أكتبي رقم حسابك وأنا مأتعامل إلا مع الروبية الأندنوسيه تنكتين شكلك الناس ماعاد تزكي وتبينهم يسلفونك

[عبير وفل]

ياساهر مع النجم ,,ماأدري وش مسهرك معه المهم يقولون في بلدنا هوامير وناس تدفع خارج البلد ملايين الدولارات وليه اذا حنا تكلمنا طلعونا من البلد وقالوا لاتنظر الى مافي يد غيرك وغيري يقهرني يلعب بالفلوس لعب وبعد يدخل سوق الاسهم ويسوي لعبته القذره ويسرق تعب الضعوف ومسوي فيها ذكي اتحداه يسوي هالشطاره في بلد ثاني بس في بلدنا الله بالخير ما عندك أحد

[أبوعبدالرحمن]

وانا بعد ابي احد يسلفني

اللي يعطي عبير لاينساني



الناس ماعاد تزكي وتبينهم يسلفونك


ههههههههههههههه

صدقت يا ساهر

[عبير وفل]

ونت وش مدريك يمكن كان فيه واحد ناوي يسلفني وأسويله استقطاع من الراتب لين يخلص بس عاد خلاص خربتها قال هذول كلهم يبوني أسلفهم ليه هو أنا بنك وبطل عن النيه يالله قولهم ماأبي بس سلفوا عبير لحاله وتراني فيني عرق لبناني شقار وحمار على كيفكم تعرفون القربى من لبنان واسطه

[راشد الراشد]

هههههه

وانا ابي واحد يسلفني

[العجراء]

انتي ماعليك الا العافيه عقلك معك المسكين الي معاد يصلي في المسجد الا بحرامه ولا بغيتي سلف ابشري رقبتي سداده الا وصلت المواشي 350 قصدي 70 لخبطتنا التجزءه سلفناس وسلفنا طوايفك وسور البيت علينا يا عروق لبنان الك تابريني

[عبير وفل]

بعدي يالعجراا والله السور عليك طيب انتظر شوي يمكن واحد مشتري بالشركات المحترمه ويدق على صدره ويقول البيت من ساسه لباب الحوش عندي ,,,, والله راسي ماسكه عوار من هالمؤشر ولا نافع لابندول ولاحتى تنبره:11ccer:

[عبدالعزيز الشمري]

هاه كم وصل الرصيد ليش ماتحطين رقم حسابك باقي عندي مليون ربيه أندنوسيه كان تبينه حولتها بحسابك ممكن تجيب لك شئ كثير وفيه ناس فيهم خير يالله نبي نسوي لك قطه في المنتدا ونخلي أبو عبدالرحمن يفتح لك حساب في المنتدا وموقع خاص لك وش رايك نرسله ونقوله وأنا اول واح يتبرع

[عبير وفل]

ياي ساهر لاتكون تبي تحرجني ياالله ترى انا روحي رياضيه افتح حساب ولا ت

[(*)~سدوومة~(*)]

الله يرزقكـ يارب

ومدري انت جاده بالموضوع ولا مزح

ياحليلكــ ياعبير وفل

والله يوفق الجميع ويرزقهم يارب

وعليكـ بالمحافظه علي صلاة الليل واطلبي منه ماتريدين

فهو من يوزع الارزاق للعباد وماتدرين يمكن يجيكـ رزق ما تحريتي له

الله يرزقكـ ويرزقنا يارب

[عبير وفل]

سدومه عندنا يامرحبا والله وألفين مرحبا ترى المسأله مزوح ووناسة صدر يعني نموت اذا طاحت الأسهم صادقه والله ياليتني أصلي الليل لكن ربكيقدرني وأكون من أهلها

[سطّام]

مانبي دراهم

نبيهم يوقفون الاشاعات ذبحتنا

جابت لنا الضغط