بصمة أبهاااام

[تاجر مواشي]

اغنام - ابل - دواجن - طيور


بصمة أبهاااام (http://www.aghnam.com.sa/vb/showthread.php?t=207443)


‏​نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق

تري البشر ياخوك منقسمه أقسام
بين الردى والطيب شفت الحقايـق

لقيت من صلى وزكا ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام إمتضايـق

الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـر ٍ أكيـد ومايبيلـه وثايـق

يالله عسى ماكون قطاع الأرحـام
وعساي من عقب القبر في حدايـق

جاك الكلام وخذ معه بصمة (http://www.aghnam.com.sa/vb/tags.php?tag=%C8%D5%E3%C9) إبهـام
أن العمـر كلـه مجـرد دقايـق

مما رااااق لي ،،،،،،

المصدر: منـتـدى أغـــنـام (http://www.aghnam.com.sa/vb) - من قسم: هـمس القــوافــي والخواطر (http://www.aghnam.com.sa/vb/forumdisplay.php?f=89)


fwlm Hfihhhhl