المساعد الشخصي الرقمي

مشاهدة النسخة كاملة : ليت أبن قضعان ينشر طواريق العنود


سعيد بن دلهم
05-04-2006, 06:55 AM
سلام عليكم ورحمة الله وبركاته

اختي العنود حبيت اللعب معك طاروق

اعجبت بشاعريتك وحبيت اجري معك فحص فني واختبر نفسي

توكلنا على الله اربطي احزام السفر

استلمي

ياســلام الله على اللي يحلون العقود ،،،،، جيت اسلم والطرق الشعر والالحانيه

ليت أبن قضعان ينشر طواريق العنود ،،،،، كان يمكن تكسب الشعر مع سلطانيه
حامل الرآية
05-04-2006, 09:09 AM
الله الله


صح لسانك يابن دلهم


وانا في صفك تدبيل للصبح

وينك يالعنود وقعتي في يدين ابن دلهم

الله يعينك



نحن في انتظاركم

لاتطولون





لكم تحياتي

حامل الرآية
00العنود00
06-04-2006, 11:19 AM
هلابك ابشششششششر


ياهلابك نبتدي الرد نذبح لك قــــــعود
والقصيد العذب يسوى حياتي الفـــانيه
لو عرفت الحق ترجا زمانك ما يعــــــود
يوم ابن منصور يطلب قصيد العانــــــيه
00العنود00
06-04-2006, 11:29 AM
حامل الرايه اي والله الله يعينا عى ابن دلهم000
محمد سالم الهاجري
07-04-2006, 03:21 PM
الله الله على الطرق الرائع ونااا في صف العنود ضدك يا سعيد بن دلهم
\تقبلوو مروري الطيب اخوكم برق الشمال
سعيد بن دلهم
07-04-2006, 11:16 PM
الله الله

استلمي

ديننا خالف جميع المذاهب واليهود.....والدلو يجذب من البيرفوق السانيه

الغزال ان كان حول على غابة اسود......اصبحت لقمه على الناب با المجانيه
سعيد بن دلهم
07-04-2006, 11:16 PM
الله الله

استلمي

ديننا خالف جميع المذاهب واليهود.....والدلو يجذب من البيرفوق السانيه

الغزال ان كان حول على غابة اسود......اصبحت لقمه على الناب با المجانيه
00العنود00
08-04-2006, 01:20 PM
ديننا دين الشرف والفخرعزه يجـــــــود
دين ربي واحدن والكفر هم جانــــــــيه
والغزال ان كان حوله من العالم اسنود
يحمد الله يشكره فساعته والثانـــــيه
00العنود00
08-04-2006, 01:21 PM
هلابك برق الشمال هلا وغلا تسلم يالغلا اسعدني
بمروووورك خلك متابع يا الغلا000
محمد سالم الهاجري
08-04-2006, 07:11 PM
الله الله على اللعب

واصلووووووووووووووو واصلوووووووووووووو

ونا متابع

برق الشمال
سعيد بن دلهم
09-04-2006, 06:08 AM
اييييه خلوها

والله أن هاذي العنيده ترها ماتكود ،،،، لو تركب مرسيدس وارد الالمانيه

لعنبو جد الردي والمنافق والشرود ،،،، والحياء شعبه من الدين يافهمانيه
زايد الروقي
09-04-2006, 09:14 PM
صح لسان الجميع



سجلوني متاااااابع



تحياتي



.....
محمد الروقي
09-04-2006, 10:40 PM
مااااااشا الله عليكم

هنا صاير نار وفتيل وحنا مادرينا

العافيه للجميع
00العنود00
09-04-2006, 10:41 PM
استـــــــــلم


يا سعيد الهاجري ماني بالموقف شرود
يشهد اللله والمنيه تراها دانــــــــــــــيه
لا تلعن تكسب الاثم ثم شرك يســــــــود
ثم تبلا بالنهايه انا اطلع جانيـــــــــــــه
سعيد بن دلهم
10-04-2006, 08:07 AM
مرحبا بالجميع

خلووووووووووووها

سيفنا سيفٍ مذهب وراسه محدود ـ ـ ـ ـ يطعن اللي تبتلي الناس بالمصرانيه

الاثم يلقى حسابه تحت حيد اللحود ـ ـ ـ ـ والمعاصي تطرح الناس فالنرانيه
00العنود00
12-04-2006, 01:22 PM
اي خـــــــــــــــلوها


وقولنا قول الشرف ما قطعنا لك عهود
ولاطعنا بأقرب الناس وانتوا اخوانيـــــه
لا تحوّس حولي بركود يالدلهم ركـــــود
افهم الابيات يار جل لا تعصــــــــانيه
أبوعبدالرحمن
14-04-2006, 12:04 AM
صحت قلوبكم

متابع لكم
سعيد بن دلهم
16-04-2006, 08:14 AM
مرحبا يابو عبد الرحمن

خلوووووووووووووها

ياحسود العرب وش فيك طبعك حسود ،،،،، لاتسمــع كـــلام فــلان وفلانيه

كـــان يبغـــي التحدي لايروغ ويحود ،،،،، يرد عد الروى والحوض ماليانيه
عبدالعزيز الناصر السبيعي
19-04-2006, 12:29 AM
صحت السنتكم

<<<<<<<متابع بشغف
00العنود00
19-04-2006, 09:29 PM
العذر على الغيـبه بس الظرووووووووووووف

استــــــــــــلم يابن دلهــــــــــــــــــم


يالخوي ان كنت ناقص عسى ربك يزود
والولي يرحم خفوقي عسى يرعانيه
للتحدي عايشه بهامتي اصعد صعود
ماجرحني غير موته حشى ما ابكانيه
عبدالعزيز آل ثاني
19-04-2006, 11:01 PM
السلام عليكم ورحمة الله وبركاته, أخي الشاعر سعيد بن دلهم , أختي الشاعرة العنود , لاهنتوا جميعاً على هذه المحاورة الجميييلة وتراني متابع ومحايد وواصلوا الله لايهينكم ...




أخــــــوكم / عبــــــــــدالعزيـــــز
سعيد بن دلهم
20-04-2006, 06:35 AM
مرحبا بالجميع ومرحبا بالشيوخ

استلمي يالعنود

أبن دلهم فالشدايد ترى يرقى سنود ، ، ، ، والحرار الشقر تنهض بها الجنحانيه

هيه ياللي غرك الوقت والدنيا سهود ،،،،، ليش جيتي لقمــة ٍ من تحـت نيبـــانيه
مشاعر حالمه
20-04-2006, 10:20 AM
الله الله محاورة قوووووووية وجميلة والله


صحت ألسنتكم


راح اكون متابعة لكم ^_____^



مشاعر حالمه
00العنود00
22-04-2006, 01:07 PM
أبن دلهم فالشدايد ترى يرقى سنود ، ، ، ، والحرار الشقر تنهض بها الجنحانيه

هيه ياللي غرك الوقت والدنيا سهود ،،،،، ليش جيتي لقمــة ٍ من تحـت نيبـــانيه

استـــــــــــلم

والعنود تسود بالعز والحشمه تذود
كيف تكذب يارجل وانت في ميدانيه
جاك ردي يا ولد وآنا قده والقدود
استرح بالدار والشعر حبه صانيه
سعيد بن دلهم
23-04-2006, 10:08 AM
ايه خلووووووووووووهاااااااااا اااااااااااااااااااااا

مانجامل للحضارم ولا نحب الزيود ،،،،، مأنتي مأنتي من الهواجر ولاقحطانيه


المرآه حدودها بيتها وخذي الردود ،،،، المرأه ما تراســـل فــــلان ولافلانيه
السُّلمي
24-04-2006, 12:43 AM
صح لسان الجميع على هذة الروعة.

ولكم مني فائق التحايا والإحترام

اخوكم السُّلمي .

في السنة حسنة يدور على المحاورة .
سـعـد الحويماني
24-04-2006, 01:40 AM
سلمتوا

اشوف الملعبه احتمت


صحت السنتكم

اخوكم
00العنود00
24-04-2006, 06:01 AM
مانجامل للحضارم ولا نحب الزيود ،،،،، مأنتي مأنتي من الهواجر ولاقحطانيه


المرآه حدودها بيتها وخذي الردود ،،،، المرأه ما تراســـل فــــلان ولافلانيه

اي واللله خلـــــــــــــوها


دامني فوق الردى ماعلي من القرووود
والله يعلم في كلامك ترى مانهااااانــيه
والله ان قولك بيدبل معاليق الكـــبوود
في كلامك ذل و الزاني مثل الزاانــــيه
سعيد بن دلهم
25-04-2006, 01:07 PM
خلووووووووووووووووووووها

أبن دلهم في المواقف على العليا صمود ،،،،، والمجنن زاده في زمنهـــا جنانيه

احذري ناب الجمـــل والجمل طبعه هبود ،،،، ومايجوز مراسلك في القناه الثانيه
محمد الجبريني
25-04-2006, 02:35 PM
ابن دلهم تسلم لاهنت على الابيات

ياشاعر المحاوره عساك عند سلطان 2006 ههههههه
لاهنت اخي الغالي راااااااااااااائع ومانت بسيط

والاهانت اختي




العنود ذي ايه ايه

تقال ان المحاورات بتعود على زمن النايفه الله يذكرها بالخير

تسلمون على المحاوره ولاهنتم جميع متابع لكم
وتقبلو احترامي
00العنود00
26-04-2006, 12:22 AM
أبن دلهم في المواقف على العليا صمود ،،،،، والمجنن زاده في زمنهـــا جنانيه

احذري ناب الجمـــل والجمل طبعه هبود ،،،، ومايجوز مراسلك في القناه الثانيه

ههههههههههههههههههههههههه هههههههه
اي استلم يا الغالي000


لاتكـــــــــرر ماضي القـــــــــــــاف في ردك بــــــــــــــــــــــــ ــروود
والجـــــــــــــــــــنا ن يجـــيك جــــــــــــــرعه على القيـــــــــــــفانيه
يابن دلهم ويــــــــــــن ديــــــــــنك ترى لربـــــــــي جنــــــــــــــود
والجـــــــــــــمل انــــــــــــــــوخه واطلــــــــــــــقه لعـــــــــــــنانيه

جربت التنوييييييخ ههههههههههههه
حامل الرآية
26-04-2006, 11:11 AM
يابن دلهم ويــــــــــــن ديــــــــــنك ترى لربـــــــــي جنــــــــــــــود
والجـــــــــــــمل انــــــــــــــــوخه واطلــــــــــــــقه لعـــــــــــــنانيه

جربت التنوييييييخ ههههههههههههه



تحياتي للجميع ومتابعين معكم

من اجمل المحاورات شكرا لابطالها




حامل الرآية
سعيد بن دلهم
26-04-2006, 12:30 PM
خلووووووووووووووووووهــــ ـا

استلمي

لو نحسب اللي تكرر يامركوز النهود ،،،، كان من رابع بيوتك على البيبانيه

يا منوخــت الجمــــل بالسنام وبلهود ،،،، اقبضي رأس الجمل لاهدر زومانيه
سعيد بن دلهم
26-04-2006, 12:31 PM
مرحبا بالجميع والمتعه مستمررررره

ومادخل في مهترات انا اللعب محاوره وبس
00العنود00
30-04-2006, 07:10 AM
يا المهاتـــر بالله وينك ترى العــــبك حـــدود

وانت تنسى مالعــــبته مع الشيــــــــــــهانيه

والجمل يحمل متاعن وهو بحمـــله يفــــــــود
لكن انت ماتجي كود بالعصـــــــــــــيااانيه
محمد سالم الهاجري
30-04-2006, 02:10 PM
الله الله


على المحاوره والقمه


والشعار اللي فيهاااااااااااااا






ومازلت في مكاني وفي صف العنود مازلت عسى يا العنود تقلبيين ابن دلهمممممم عندك اياه







تقبلووو مرررروي برق الشمال
00العنود00
30-04-2006, 03:54 PM
هلاااااااابك محمد الهاااجري لاهنت على المرررررررررررررررررررررر ررررررررووووووووووووور
محمد السحيل
30-04-2006, 05:12 PM
يا عين عيني على اللعب الجزل


صحت السنتكم يا الشعار


لكن يالعنود رجاء خاص ترى ما اصخي

سعد ابن دلهم ما عليك من الهاجري


يبي يفتن بينكم وهو يتفرج ويضحك



يعني عشان غبت شوي استفردتوا بالرجال


لكن انا اعرفه والله ونعم يبي يحطكم في قلايه


المهم لا اوصيكم على الرجال الله الله فيه
00العنود00
30-04-2006, 07:13 PM
لكن يالعنود رجاء خاص ترى ما اصخي

وضح يا الغااااااااااالي
00العنود00
01-05-2006, 12:19 PM
لكن يالعنود رجاء خاص ترى ما اصخي

خيييييييييييييييييييره الصخا
شيهانه!!
01-05-2006, 04:05 PM
صح لسانك اختي العنود ,, وصح لسانك ياسعيد

قمّة الروعه










اختكم شيهاانه
00العنود00
02-05-2006, 09:56 AM
ماعليك لاااتوصيناااااااااا على ابن دلهم ههههههههههههههههههه

والهاجري ترى من تحت لتحت قلبت ضدك هههههههههههههههههههههه مع ابن دلهم بالقلب ومعانا قدام النااااااس صح
محمد السحيل
06-05-2006, 04:43 AM
باين يالعنود باين



(ما اصخي بمعنى ما ارخص)
00العنود00
06-05-2006, 04:41 PM
شيهااااااااانه هلاااااابج الاروع مرووووووووووووووووووووورج
لاتحرمينا منه

العنـــــــود
00العنود00
06-05-2006, 04:42 PM
السحيل هلابك علة كل حال واشكرك على المتااااااااااااااابعه
سعيد بن دلهم
07-05-2006, 08:36 AM
مرحبا بالجميع وعلى راسهم اخوي محمد السحيل والمتابعين جميع

ارجو السموحه منكم جميع على الانقطاع لاسباب ظروف الزمن وبلاويه

عسى الله يجيركم منها

استلم يامستلم

ماتعمدت الجفاء ماتعمدت الصدود ،،،، والمنافق لو يشجع وفاته دانيه

الختام المسك والعنبره في جوف عود ،،،، والزعل ممنوع ياصاحب الزعلانيه
00العنود00
07-05-2006, 01:30 PM
يا سعيد الهاجري ننطرك منت بشرود000والقصيد يزين معكم على القيفانيه

ماجرحنا ردكم وانظروا رد العنـــــود000والحمد لله وحده على النصرانيــــــه

اشكرك يابن دلهمل اهنت والللله استمتعت ياللعب معك واباتك الاكثر من رائعه وتعلمنا من شاعر مثلك بس ماعرف تنوخ ركابي
ههههههههه انشاللله في محاوره قادمه بس مياااااااااااااااشره معك اذا تبي

واشكككككككككككر الحضووووووووووووووووووووو وووور

العنـــــــــــــــــــــ ـــود