مسابقة .. قصيدة القبائل

[عبدالعزيز الناصر السبيعي]

اخواني واخواتي اعضاء منتديات غرابيل

السلام عليكم ورحمة الله وبركاته ,,,

الحقيقه كلنا نعرف فضل القبيلة على ابناءها واعتزازهم بقبيلتهم

في هذا الموضوع بغيت اطرح مسابقة بين اعضاء هذا المنتدى في كتابة قصيدة مدح في قبائلهم

بحيث تجمع عدد من ابناء القبيلة الواحدة في قصيدة واحدة

مثلا ..

قبيلة سبيع يجتمع في كتابة القصيدة عدد من الاعضاء الذين ينتمون اليها

وهكذا على بقية القبائل العزيزة

شروط المسابقة ..

يجتمع في كتابة القصيدة مالا يقل عن 3 من افراد القبيلة ولايزيدون عن 5 اعضاء بترشيح
ابناء اخيهم

2- لاتتعرض القصيدة الى اي نوع من انقاص او اي ذم في احد القبائل

3- بعد الانتهاء من كتابة القصائد يتم ترشيح افضل قصيدة من قبل الاعضاء الكرام

4-لاتقل ابيات القصيدة عن 25 بيت ولاتزيد عن 30 بيت

وهكذا ..

في البداية ابي اخذ ارائكم عن المسابقة .. وان كان فيه شروط زيادة على ماسبق ياليت تكتبونها

تحياتي لكم

اخوكم- عبدالعزيز الناصر السبيعي

[محمد الجبريني]

اخي الشاعر عبد العزيز السبيعي
ياخي انت بترجعنا للجاهليه ههههههههههههه
مافيه احد تجاوب معك ؟؟ ماعندهم شي لاان كان انت
حاس ان معك قصيده داهيت القصايد عطناها
لاهنت وتراي ابتجاوب معك وعي القصيده
تنال وتواكب اذواقكم
اخوك
وموضوعك لقي اهتمام مني فقط

ولعندي احد يشاركني لوحدي وبعيد كل البعد عن القبيلة
ولاكن تقبل فائق احترامي

واستلم ولاهانو جميع القبائل والعوائل والعشائر والافخاذ
كل ديره فيها حقها من رجالها
ونعم بسبيع الغلبا مليون ولايكفون والقصيده مدري كم بيت احذف الي ودك وخل الباقي
يمكن اكثر من ثلاثين بيت وماعديتها سويت نسخ لها

احد المشركين في زمن الجاهليه يقول



اطوف في الاباطح كل يوم = مخافة ان يشردني حكيم
وسلامتك


الله يعز املوكنا اللي حمونا = سهرو لراحتنا وكل شي عطونا
أيعيش ابو متعب ملكنا وأبونا = على شريعة محمد والنصار
وبعد تمثل شاعر أمن الجبارين = ودون قصيده نادره فا الدواوين
ابياتها تعدة اكثر من ألفـــــــــين = مدح اوفخر ماهي بعيب ولا عار
نعم انا الشاعر قوي الشكيمه = وسليم ربعي لهم مفاخر عظيمه
أمدونه في الكتب مبطي قديمه = ماضي لحاضر وحاضر الماضي سار
ياسليم ربعي ياهل المجد والصيت = من سابق الايام مبني لكم بيت
بيت على عز اوله اطناب ثبيت = بيت الكرم والمجد والعز والكار
على المعزه حضنا فوق عالي = وافخر بربعي مكسبي وراس مالي
ويحقلي لاجافتخار ومجالي= وسليم معروفين شبابت النار
وهذا مقال محمد الجبريني = ابيات انصيها الرجال الغانميني
واطلبك يالمعبود للحق تهديني = اقولها بعد تجول فالاقطار
من واقع الخبرة وكثر التجارب = عدوي اعرفة يلو من الاقارب
واصل العرب مستعرب وفيم عارب = سبحان منهو مطلع فوق الاسرار
ربي خلقهم وربي اللي حسيبهم = ايقدر مايشاء والي يريده يصيبهم
ويعلم برداهم ويعلم بطيبهم = وللمومن الجنه وللكافر النار
ولاقول قولي قبل ماتفقده = اخاف من نقاد لقيل ينقده
حسب اجتهاداْ مني اني مفقده = ون كان فيه املاحظات الف معذار
نويت ادون نادرات القصايد = وهذى القصيده اسمها (أم الفوايد )
وحنا سليم اللي نخوظ الشدايد = مانا تحت ميقاعنا فاعلى الاوكار
حنا سليم امعديت كل نايف = وحنا سليم أمئمنت كل خايف
وحنا سليم اهل السيوف الرهايف = وحنا سليم اسليم وافين الاشبار
حنا سليم اهل الظفر والشكاله = وحنا سليم اهل الكرم والبساله
وحنا سليم ابطال في كل قاله= بأ مر اللذي بأمره تصاريف الاقدار
حنا سليم امعديت كل مرقاب = وحنا سليم امغلقت كل طلاب
وحنا سليم امعكفة روس الاشناب = من بطشنا تخشاء صناديد الاشرار
حنا سليم اللي لانا ذكر يذكر = وحنا سليم اللي طويلين الاشبر
وحنا سليم الحرب والكر والفر = وحنا سليم اللي لنا مجد واذكار
حنا سليم اللذي يندعابنا = وحنا سليم اللي كل يهابنا
وحنا سليم اللي مانصك بابنا = ابيوتنا يكرمبها الضيف والجار
حنا سليم اللي رقينا المراقيب =وحنا سليم اهل الكرم والطيب
وحنا سليم اهل السيوف المحاديب = وحنا سليم اللي حصينين الاسوار
حنا سليم امعصبين العمايم = لاجا نهاراْ فيه الشر قايم
انفوز ماتسجل علينا الهزايم = اصغر فتي تلقاه فارس ومغوار
نعرف ومشهورين عصابت الزرق =فارسنا وسط المعركه اسرع من البرق
وليا اعتزينا ياسليم يظهر الفرق = ومن الشجاعة مانحسب فالاعمار
يرجع نسبنا الي سليم ابن منصور = ومنصور ولد عكرمه بالذكر مشهور
من نسل عدنان عليه اسلام وطيب النور = سادات قيسيون من قيس الأخيار
حنا سليم اهل الكرم والشها مة = فالجاهليه لنا هيبه وهامه
ربي خلقنا للعدي لطامه = وربي خلقنا كلنا شعار
اول من قال الشعر من نسل عدنان = تراه من قبيلتنا من السلمان
اقول هذي القول وراهن ارهان = تاريخنا يشهد لنا بعدة ادوار
والضيف لا ضافنا يلقا التراحيب = يلقا الرجال اهل الكرم والمواجيب
يوجب ثلاث ايام عند المعازيب = مكرم معزز لينه ايغادر الدار
ازريت لحصي كل عوايد اسليم = امكرمين الظيف والجار تكريم
ربعي سليم الي لهم مجد عظيم = ربعي سليم اللي بعيدين الانضار
ولاجاء نهاراْفيه ثارت معارك = ربعي سليم اول رجال تشارك
كم شيخ قوم قدمهم سار بارك = داسوه بقدام الاصيلات الاحرار
فالجاهليه منا العباس ابن مرداس = الفارس اللي مرتفع فوق راسه راس
شجاع صنديد الصناديد ذو باس = من هيبته يخشونه الكفار
ادرك الاسلام وسلم ظمن المسلمين = وجاهد مع النبي والصحابه خابرين
امتطى صهوت جوادة وداس الكافرين = والعرب تخشاه في شت الديار
ومنا عمر ابن الشريد = وعياله صخر ومعاويه الصنديد
ومنا زيد وخوه الفارس يزيد = ومنا الجحاف اللي اخذ من تغلب الثار
ومنا الحكيم ابو الجحاف = اللي كل من سمع صيته ايخاف
اللي فامكه كان يطرد سفهاء الاشراف = وسفهاء اقريش اتخاف لاشافتة مار
حكيم وصدق على اسمه حكيم = في مكه كان اكبر زعيم
اميراْ من اشيوخ اسليم = قبل النبي محمد المختار
وديارنا من المدينه الي مكه = نقطن بها الي اليوم مافيه شكه
وعدونا الغازي لجانا ندكه = وعزالله انا لنشربه مر الامرار
فديارنا ومحد نزلها منول = واليوم في نعمه عساها تطول
مدارس وكهرب وكل يجول = كل معه موبايلً حيث ماسار




وسلامتك يا عبد العزيز وسلامة الجميع

تحياتي

[00العنود00]

لا بالعكس فكره رااااااائعه وتنافس طيب لانه ببيخلي الاعضاء كل واحد يحاول يخلي قبيلته احلى قبيله ويطلعون مواهب نفاذه من الغيره

وهذا شي طيب000 سجلني اول المشااركين يا الغالي000
والف شكر على هالفكره اطيبه وانا متجاوبه معاك ويمكن الاعضاء توهم ما قروا الموضوع ومتاكده بيستجيبون سراحه فكره طيبه
لا خلا ولاعدم يا الغالي00

تحياتي00

اختــــــــك00

العنــــــــــــــــود

[محمد الجبريني]

اختي الغاليه والعزيزه في نفسها
بعزت الله ثم بافتخارك لقبيلتك واتوقع انك من قبيله لها حجمها وصيتها وسمعتها تحيه لك من الجبريني


نيابه عن اخي عبدالعزيز الناصر السبيعي.. فهو صاحب الموضوع فحقوقه محفوضة ولاكن لم يرد علي
حيث اما نسي اوانشغل او ماشاف تجاوب وترك الموضوع او ماني قد المقاب وهذي مستبعد من شرواه
ولا اتوقع ذالك

ارحبك اختي واتطلع لقصيده منك في قبيلتك حيث انك شاعره مبدعة ومير انتن يااخواتنا أليى ابدعتن
تتقنَ الابداع وتانن بااروعة واعذ به ومن عصر ليس بجديد من زمن لليلي الأخيليه والخنسا ء
والشاعره الشيبانيه لايحضرني اسمها وكثير كثير من المبدعات من النساء في الجاهليه وصدر الاسلام والى اليوم

تحياتي للعنود
و
تحياتي للجميع

[مشاري العبيوي]

السلام عليكم

والله ياخوي انا اشوف انه الموضوع رائع ومو رائع بنفس الوقت الفكره طيبه لكن الرسول عليه الصلاة والسلام قال اتركوها فهي نتنه ..

ولا يقصد بالقبائل وكل القبائل ونعم فيها مافيها اقصور

بس بتسبب بعض الحزازيه بين الاعضاء وتفرقهم احس ..

هذا رايي وانا انتمي لقبيله حمران النواظر ( مطير )

بريهي واصلي من هل الجدعه (( العبيات ))

وان شاء الله ان شدة الهمه من الشباب فالله يوفقهم اما عن مشاركتي فانا افضل ان ماشترك وهذا مو تقليل بالفكره يالغالي ..

وياليت ماتشيل بخاطرك ...

[ابن شالي2]

انا اتفق مع اخي عبد العزيز السبيعي

وهذا الشي مو امر جاهلي بلعكس اللي ماله اول ماله تالي

وهاذي عوايد الرجال .


لكن لازم القصيدة تكون مني شخصياً او من احد غيري من افراد قبيلتي


وشكراً