كلامي صحيح ولا لا .. ارجو الدخول والمشاركه ..

[تاجر مواشي]

اغنام - ابل - دواجن - طيور


كلامي صحيح ولا لا .. ارجو الدخول والمشاركه .. (http://www.aghnam.com.sa/vb/showthread.php?t=205992)



السلام عليكم ورحمة الله وبركاته
حي الله الحبايب .. أخباركم إن شاء الله بخير ؟؟
وأنا أتجول بمواضيع البيع والشراء أشياء الصراحة ماعجبتني مدري هل هي جهل من بعض الناس ..
طبعا أنا قسمتها لنقاط :
أول نقطه : المواضيع والإعلانات ..
الصراحة صرت اقرأ كلمة توب التوب مستوى عالمي خوارج حلال نادر وإذا شفت الصور تشوف إن الموضوع يمين والدجاج يسار على قلوتهم بلدي إلا شوي ^_^ ..
صحيح كل واحد يشوف حلاله هو احسن شي بالسوق وقد يكون البايع نفسه مكذوب عليه وما يدري انه هجين.. عشان كذا ليش مايصير في لجنة تقييم للحلال من ناحية الأصل والمستوى ( اقتراح فقط ماهو قصدي شي ) ..
والصور اتمنى أي واحد يعرض حلاله يحط الصور وتكون شاملة للجسم والراس والظهر عشان يكون الشاري على بينه وبالنسبة لحركة الصور وات ساب أشوف إنها تشمل للي عنده وات ساب والي ماعنده لايشتري ..

النقطه الثانية : المشاركات ..
اول شي اتكلم عنه فتح الباب ياجماعة الخير اشو فان في اعضاء شغلتهم بس يفتح الباب بسعر يكسر السلعه وبقووة .. انا معك ان هذه حرية وانا سمت بخراجي بس المشكلة ان لما تكون عضو مشهور عنك انك فاهم بالنوع الفلاني وتسوم سومه قليلة الكل بيقول دام فلان سام كذا اجل حقها .. اتمنى ان السلعه ينعطى حقها بامانه وعدم تكسير الحلال لاني اشوف ناس واجد تعاني صراحة من الشي هذا .. وبالنسبة للسوامت الي تكتب مع التوصيل وراعي الحلال رفض النوصيل انا اشوف ان السومه ملغية وترجع لاخر سومه وماتعتمد ابد .. واتمنى من الي يسوم يشوف سومه الي قبله كم وصلت ^_^ ..

النقطه الاخيره .. كتبت الموضوع هذا من باب تغير الجو وتحريك القسم وناخذ ونعطي مع بعض وماقصدت احد ابد بالي كتبته .. وان كنت غلطت على احد العذر والسموحة ..
محبكم :
أبو أحمد ..


المصدر: منـتـدى أغـــنـام (http://www.aghnam.com.sa/vb) - من قسم: *ساحة بيع وشراء دجـــاج وبيــض..)( الــزيــنــة )( (http://www.aghnam.com.sa/vb/forumdisplay.php?f=217)


;ghld wpdp ,gh gh >> hv[, hg]o,g ,hglahv;i